1 Timotiu 4:1 - Sura Malelaha

¹ Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,

1 Timotiu 4:1 Kruisverwysings

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Lukasi 17:1

Roo indo, nauli Yesu i topeguruNa, “Batena ara pekelo au mopamanawo tauna alanda madosa. Agaiana hurewumohe tauna au mopaara pekelo iti!

Yohane 16:13

Ane hawe Inao Malelaha, Ia au ina moninikau hai mampopaisaakau ope-ope paturo au tou. Ia bara mololita moula peundeaNa. Apa au Nahadi hangko i UmaNgku, iti au Napololita. Hai Ia ina mopahaweakau apa au mewali i alo au ina mai.

Suro 13:2

Hambela tempo, tanganda menomba i Pue hai mopuasa, Inao Malelaha mouliangaahe, “Kupileihe Baranaba hai Saulu mewali topobagoNgku. Nipopeangka maroahe bona laohe mampopolumao bago au Kupahaleangiahe.”

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 20:23

agaiana au kuisa i ope-ope boea au kupolumaongi, Inao Malelaha mopakanoto kaina rahakangku hai molambina kapari.

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:

1 Korintu 10:20

Tunggaiaku iami: ope-ope popenombanda iami popenomba i tokadake, bara popenomba i Pue Ala. Hai barana mau ane mohintuwukau hai tokadake.

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

1 Korintu 12:11

Agaiana ope-ope iti nakiraiake Inao Malelaha au hadua pea. Iami au moweike kapande au montani-ntani moula peundeaNa haduduaNa.

1 Korintu 2:10

Agaiana ikita, moisamoke tunggaiana Pue Ala, lawi tunggaia iti napopaisaamoke Pue Ala hai kuasana Inao Malelaha. Hai i Inao Malelaha bara ara au tewuniangi, lawi Ia moparesa hinangkana hawe-hawe i tunggaiana Pue Ala au bara mani raisa tauna.

2 Korintu 11:3

Agaiana kuperapi ineekau hawe rapakanawo alana barapokau mepoinalai i Kerisitu hangko i lalumi. Nodo ile mokelo Hewa hai lolitana au momi, ara worihe tauna au mampeinao bona moulakau paturonda au mosisala hai pepoinalaimi i Kerisitu.

Kolose 2:18

Mewali, ineekau hawe rapakanawo tauna iti. Mengka-mengkahe mengkaiwoi hai menombahe i malaeka. Rauli kapandenda iti hangko i apa au natudungiahe malaeka. Paturonda iti mesuwu hangko i lalunda haduduanda au mokanai pea dunia ide. Ineehe nipogiangaa tauna iti mosalaikau.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

2 Timotiu 4:4

Mengkantulihe ane mohadihe paturo au tou, agaiana paturo au rapapatunda, itiri au raunde rapehadingi.

Yakobu 3:15

Kanoto lalu au nodo, bara hangko i Pue Ala, agaiana hangko i dunia, hangko i peundeana lalunta hai hangko i seta!

1 Peturu 1:20

Hangko damani dunia rapopewali, Yesumi au napakanoto Pue Ala mewali Topehompo. Ide-ide, i tempona hungkumi kahopoa dunia, Ia hawemi bona mohuru dosami.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

2 Peturu 3:3

Ara au hangangaa nikatuinao ntepuu: i alo-alo au ina mai i kahopoa tempo ide, ina hawehe tauna au nakuasai peundeana lalunda au kadake. Tauna iti ina mokakabosaikau,

1 Yohane 2:18

Anangku, barapi mahae kahopoa dunia ide ina hawemi. Hai ina hawe hadua Tomampoiwali Kerisitu, nodo au paka rapaturoakau. Hai ide-ide hawemohe bosa tauna au mampoiwali Kerisitu. Ido hai tongawa mpuu kaina hawenami kahopoa dunia.

1 Yohane 4:6

Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.

Yudasi 1:18

Au rauliangaamokau iami: i alo-alo au ina hawe hangko damani alo pebotusi, arahe tauna au ina mampopowadi-wadi pepoinalainta. Moula peahe peundeana lalunda au kadake, hai barahe mengkoru i Pue Ala.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 16:14

hai makuasahe mobabehi tanda kuasa. Laohe mokakio ope-ope datu hangko i humalele dunia, raguluhe bona mombealahe i alo pebotusi. I tempo iti, Pue Ala au makuasa ina monangi ope-ope au mampoiwali Pue Ala.

Pampetudungia 18:2

Ia monganga masisimbuku, nauli, “Magero! Mageromi Babeli, wanua au mahile! Mepongka ide-ide, wanua ide rapaidaimi seta, tokadake, hai hinangka tadasi au rapalia hai rakahihi.

Pampetudungia 18:23

Barapi ina ara au mopatuwo hulo. Barapi ina ara wotu toratauna. Barapi ina ara wotu posusa petauna. Ope-ope iti ina mewali lawi hangkoia topobalu-balu i Babeli mahile hanganda i dunia, hai anti kapangisanda au kadake, mopakanawomohe ope-ope tauna i dunia.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 2:11

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, bara mpuuhe ina rahuku i naraka au rahanga kapate karombelana.”

Pampetudungia 2:17

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, ina Kupaliuhe moande manna au tewuni. Ina Kuwei worihe haogu watu au bula. I watu iti teuki hanga au wou, au bara raisa tauna ntanina. Au moisa, batena pea au modoko watu iti.”

Pampetudungia 2:29

Hema au motalinga, hangangaa mampehadingi apa au nauli Inao Malelaha i ope-ope jumaa.”

Pampetudungia 2:7

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, Kupaliu mpuu maande wua kau ngkatuwo i Bonde Paradesi i suruga.”

Pampetudungia 20:10

Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

Pampetudungia 20:8

hai ia ina lao mopakanawo tauna i humalele dunia, au rapandiri nodo Gog hai Magog. Hai naguluhe bona naantihe lao mombeala. Kabosanda nodo wungi i wiwi ntahi.

Pampetudungia 3:13

Hema au motalinga, hangangaa mampehadingi apa au nauli Inao Malelaha i ope-ope jumaa.”

Pampetudungia 3:22

Hema au motalinga, hangangaa mampehadingi apa au nauli Inao Malelaha i ope-ope jumaa.”

Pampetudungia 3:6

Hema au motalinga, hangangaa mampehadingi apa au nauli Inao Malelaha i ope-ope jumaa.”

Pampetudungia 9:20

Agaiana manusia au bara rapapate i pepopeahi-ahi iti, mia-miahe bara menoso hangko i babehianda au kadake. Barahe mau mampenosoi pepapatenda, pedotinda, babehianda au merikai hai panangkanda. Bara worihe mokabaha penombaanda i seta hai i lengge anitu au rababehi hai taienda haduduanda. Lengge iti rababehi hangko i bulawa, salaka, tambaga ba hangko i kau. Lengge au rababehi iti, barahe meita, barahe mehadi, hai bara worihe lumao.