1 Timotiu 2:2 - Sura Malelaha

² ope-ope datu hai ope-ope topoparenta. Hangangaa tapekakaeahe topoparenta bona maroa katuwonta hai bara ara tauna au mampopeahi-ahike bona peisake menomba i Pue Ala hai mobabehi liliuke babehia au hintoto rabila ranganta.

1 Timotiu 2:2 Kruisverwysings

Lukasi 1:6

Tohamboko iti, manoto babehianda i peitana Pue Ala, lawi hangko i lalunda mpuu mampeulaihe ope-ope atura hai parentana Pue Ala.

Lukasi 2:25

I Yerusale, ara hadua tauna au rahanga Simeo. Simeo iti, iami tauna manoto au mengkoru i Pue Ala, hai ia mampoinalai kaina hawena tempona Pue Ala mokabaha to Isaraeli. Hai ia naporangai Inao Malelaha au mouliangaa kadana mani mate ane bara mani moita Datu Topehompo au nadandi Pue Ala.

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Roma 12:18

Nipari-pari mobabehi apa pea au maroa i tauna bona peisakau tuwo mohintuwu hai rangami.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

1 Tesalonika 4:11

Nipari-pari mohintuwu hai rangami. Nipopolumao maroa bagomi haduduami, inee nipesuaki urusiana rangami. Mobagokau mohaoki paandemi, nodo au kipaturoamokau hangkoia.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.