1 Timotiu 1:5 - Sura Malelaha

⁵ Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

1 Timotiu 1:5 Kruisverwysings

Matiu 12:35

Tauna au maroa, batenda mohowara apa au maroa, lawi lalunda buke roa. Tauna au kadake, batenda mohowara apa au kadake, lawi lalunda buke dake.

Matiu 5:8

Morasihe tauna au malelaha lalunda, lawi ihirami au ina moita Pue Ala.

Suro 15:9

Ikita to Yahudi hai au barahe to Yahudi, bara Napopontani Pue Ala. Napamalelaha lalunda lawi mepoinalaihe i Yesu.

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Roma 10:4

Katouana Kerisitu mopabukeimi Atura iti bona Napakanotoke i peitana Pue Ala anti pepoinalainta Iria.

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 14:15

Nodo wori, ane kuande apa au nauli rangangku rapalia duuna kupakapari laluna, madosa worina, lawi barana maahi i rangangku. Ido hai kuuli, hangangaa tapamaroa-roa babehianta bona inee takelo ranganta hai paande au taande alana tapakanawo pepoinalaina. Lawi ranganta iti, iami halalunta hampepepoinalai au nahorema worimi Kerisitu hangko i kamadosana.

Roma 9:1

Apa au kuuli ide hangko i lalungku mpuu. Barana modongko. Kerisitu moisa lalungku. Hai notona lalungku ide nasabiki Inao Malelaha.

1 Korintu 13:1

Ane rapana, molambina kapande hangko i Inao Malelaha bona mololitana i lalu basa malaeka ba basa manusia au bara kuisa, agaiana bara maahi lalungku, bara mpuu ara bunduna katuwongku. Ope-ope kapande iti nodo pea pomoni ndonge ba porio-riona timbonga.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

1 Timotiu 1:18

Timotiu, anangku! Kuperapi bona nupeulai paturongku au kupahaweako ide. Hangangaa nupailalu lolitanda tauna au motadulakoiko i lalu pepoinalaimu, au mopakaroho lalumu hai au mopaturoko. Nupailalu paturonda iti bona maroho pampopolumaomu bago au nukingki nodo hadua surodado au keate mombeala.

1 Timotiu 1:19

Mantahako i lalu pepoinalaimu, hai mobabehi liliuko babehia au maroa hangko i kabulana lalumu. Ara bahangkia tauna au mosapuaka ope-ope paturo ide, alana marugi pepoinalainda.

1 Timotiu 3:9

Hangangaa modoko mpuuhe paturo kana i pepoinalai au napahaweake Pue Ala, hai mampeulaihe paturo iti hangko i kamalelahana lalunda.

2 Timotiu 1:3

Ioru, kuuli ngkaia kamaroana i Pue Ala au kupenombai hangko i kabulana lalungku, nodo penombaanda toiorungku hangkoia. Kuuli liliu ngkaia kamaroana i Pue Ala anti kaoiona Timotiu. Kukabelai liliuko i lalu pekakaengku, maroa mabaa ba kaindi.

2 Timotiu 1:5

Kuuli ngkaia kamaroana i Pue Ala, lawi kuisa pepoinalaimu i Pue Yesu hangko i lalumu mpuu. Nguru-nguruna au mepoinalai i Yesu iami totuamu Lois hai inamu Eunike. Hai kuisa pepoinalaimu batena ina moula pepoinalainda inamu hai totuamu.

2 Timotiu 2:22

Timotiu, ido hai kuweiko lolita, bona ineeko mampeulai peundeana lalumu nodo au biasa i tauna au mangura manihe. Nupari-pari mampeulai babehia au naunde Pue. Nupakaroho kamatundumu i Pue hai kamaahimu i hangka rangamu. Mohintuwuko hai ope-ope tauna au mekakaehe i Pue hangko i kabulana lalunda.

Titu 1:15

Tauna au malelaha, bara ara palianda. Agaiana i tauna au kadake hai au barahe mepoinalai, bara ara hampaka au malelaha, lawi maroa pekirinda ba lalunda kadake hahami.

Ibarani 10:22

Lalunta Napamalelahami hai waheNa bona taisa kadanapi ara kamanawonta. Watanta rariu hai owai tanda kaNabahointa hangko i dosanta. Ido hai kuhuweki lalumi, halalu, bona mohungkukike Pue Ala hangko i lalunta mpuu hai hangko i pepoinalainta au maroho.

Ibarani 13:18

Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

2 Peturu 1:7

hai mampokaahikau halalumi hampepepoinalai. Hai mampokaahi worikau ope-ope tauna.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.