1 Peturu 3:9 - Sura Malelaha

⁹ Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

1 Peturu 3:9 Kruisverwysings

Matiu 19:29

Hema au mopalehi halaluna, inana ba umana, anana ba souna ba bondena lawi meula Iriko, batena molambi hurungina hangatu belana hangko i apa au napalehi, hai molambi wori katuwo maroa au bara mokahopoa.

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 5:39

Agaiana ide-ide Kuuliangaakau, inee nuhurungi babehiana hangka rangamu au mobabehi dake irio. Ane pandirina ara au mohapa kalimpimu hambali, nuwei mbuli kalimpimu au hambali.

Matiu 5:44

Agaiana ide-ide Kuuliangaakau, nipokaahi iwalimi, hai nipekakaea tauna au mampopeahi-ahikau.

Markus 10:17

Ina meangka mbulimi Yesu mopaliliu polumaoNa, unga pea ara hadua tauna au melangka mai Iria, liliu molingkudu i lindoNa, hai mekune, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Lukasi 10:25

Ara hadua guru agama to Yahudi au mampeinao mampetandaka Yesu. Napekune, “Guru, apa au hangangaa kubabehi bona molambina katuwo maroa au bara mokahopoa?”

Lukasi 18:18

Hambela tempo, ara hadua tuana au mekune i Yesu, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Roma 12:14

Ane ara tauna au mampopeahi-ahikau, niperapi i Pue Ala bona Nawatihe. Ineehe nitunda-tunda.

Roma 12:17

Ane arahe au mobabehi dake irikamu, ineehe nihurungi. Nibabehi apa au maroa i lindonda tauna.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

Roma 8:30

Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

Galatia 3:14

Tunggaiana Yesu mate rapaku i kau bona tauna au barahe to Yahudi peisa worihe molambi pewati au nadandi Pue Ala i Burahima. Pewati iti tahumba anti pohintuwuta hai Yesu Kerisitu. Mewali, ane mepoinalaike i Yesu Kerisitu, molambike Inao Malelaha au nadandimi Pue Ala.

Epesu 4:32

Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

Ibarani 12:17

Niisato noumba tuntukana. Roo indo, Esau mampeinao molambi hule pewati iti hangko i umana, agaiana barapi rawei. Nauri moteria mamperapi pewati iti, barapi ara rara mopakaroa kanawoana.

Ibarani 6:14

“Ina Kupopewali apa au Kudandiako ide: Ina Kuwatiko hai Kupangkaia pemuleamu duuna bosa ntepuuhe.”

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.