1 Peturu 1:9 - Sura Malelaha

⁹ Matanamokau, lawi nihumbami wuana pepoinalaimi, iami tanoanami Nahorema hangko i huku dosami.

1 Peturu 1:9 Kruisverwysings

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Yakobu 1:21

Ido hai hangangaa nikabaha ope-ope babehia au kedai hai babehia au kadake au rapobiasa tauna i dunia ide. Hangangaa modoko maroakau Ngkora au nahawuka Pue Ala i lalumi, lawi Ngkora iti au makuasa mohoremakau hangko i huku dosami.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.