1 Peturu 1:1 - Sura Malelaha

¹ Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

1 Peturu 1:1 Kruisverwysings

Matiu 10:2

Hanganda surona Pue Yesu au hampulo hai rodua iti, idemohe: Au nguru-nguruna Simo, au rahanga wori Peturu; roo indo, Andaria adina Simo, Yakobu anana Sebedeus, Yohane adina Yakobu, Pilipu, Bartolomeus, Tomas, Matiu toperuru asele, Yakobu anana Alfeus, Tadeus, Simo to Selot, hai Iskariot au mampobalu Yesu.

Matiu 24:22

Agaiana tempo kapari iti ina napaholiga Pue Ala, lawi ane bara Napaholiga, bara ara hadua au tuwo. Mewali, anti pampokaahiNa tauna au Napilei, ido hai ina Napaholiga tempo kapari iti.

Matiu 4:18

Tangana Yesu molumao i wiwi rano Galilea, Ia moita rodua tauna, iamohe Simo (au rahanga wori Peturu) hai Andaria, adina, au tanganda modala i rano, lawi itimi bagonda.

Lukasi 18:7

Mewali, apa mani Pue Ala au Naunde mohanai pamperapinda taunaNa au meraroa Iria maroa kaindi ba mabaa. Ba nipehangu, hangangaa mahae-hae tapegia, hangko Natulungirike Pue Ala?

Yohane 11:52

Hai bara pea to Yahudi. Anti kapatena Yesu iti, ope-ope anana Pue Ala au mahawu-hawu i humalele dunia ina ragulu hai rapahintuwuhe.

Yohane 7:35

Wulimohe tadulakonda to Yahudi mohadi lolitaNa, hai mombekune-kunemohe, rauli, “Ina laori wei iumba pane Nauli barapi talambi? Ba ina lao i tampo ntanina maida hihimbela hai to Yahudi au mampogaloahe to Yunani bona mopaguruhe to Yunani inditi?

Suro 18:2

I Korintu, laomi Paulu mampohidupaa hadua tobalilo to Yahudi au rahanga Akwila. Akwila iti mesupa i poropinsi Pontus. Towawinena rahanga Priskila. Ihira hamboko melimba hangko i tampo Italia, hai bara manihe mahae hawe i wanua Korintu. Melimbahe hangko i tampo Italia iti, lawi ara hawana Datu Mahile Klaudius, mowurahe ope-ope to Yahudi au ara i wanua Roma. Paulu laomi mosondaki Akwila hai Priskila,

Suro 18:23

Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Suro 19:10

Idomi bagona i lalu rompare, duuna ope-ope tauna i propinsi Asia mohadihe Ngkorana Pue, maroa to Yahudi maroa au bara to Yahudi.

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

Suro 8:4

Mewali, topepoinalai au mahawuhe iti, mopahawehe Ngkorana Pue iumba pea kalaoanda.

1 Korintu 16:19

Ope-ope jumaa au ara i propinsi Asia mopakatuhe tabeanda irikamu. Akwila hai Priskila hihimbela hai ope-ope to Sarani au maminggu i sounda mopakatuhe tabeanda i lalu hangana Pue.

2 Korintu 1:8

Halalu bona niisa, rumihi mpuu kapari au morumpangkai hangkoia i propinsi Asia, meliu hangko i pebukuangki. Mapari mpuu lalungki, barapi ara peharungangki tuwo.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Epesu 2:19

Ikamu au barakau to Yahudi, ide-ide barapokau tepairaoa au bara teimba taunana Pue Ala. Mewalimokau hintuwu hai ope-ope tauna au mepoinalai i Yesu. Hantina-ntinamokau hai ope-ope anana Pue Ala.

2 Timotiu 1:15

Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”