1 Korintu 13:3 - Sura Malelaha

³ Ane hinangka anu-anungku kuweihe tauna au meahi-ahi tuwonda, hai mokirana watangku rahuwe, agaiana bara maahi lalungku, bara mpuu ara bunduna katuwongku.

1 Korintu 13:3 Kruisverwysings

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Lukasi 18:22

Kanahadina Yesu lolitana, Naulimi, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko, meulamoko Iriko.”

Lukasi 18:28

Hangko indo, nauli Peturu, “Noumbamongkai ikami? Mopalehimongkai hinangkana bona kiulaKo.”

Lukasi 19:8

Tangana Yesu i lalu sou, meangkami Sakeu hai mololita nauli, “Pue, hantanga hangko i ope-ope anu-anungku ina kuweihe tauna au meahi-ahi tuwonda. Hai hema pea au kubagiu, ina kupopesuleahe iba belana hangko i apa au kubagiungaahe.”

Yohane 12:43

Lawi raunde mani ratoia manusia pane natoiahe Pue Ala.

Yohane 13:37

Mekune mbuli Peturu, nauli, “Pue, moapari barana peisa meula Irio ide-ide? Pebaina mate anti peulangku Irio!”

Yohane 15:13

Bara ara ahi au meliu kamahilena hangko i ahina hadua tauna au mohuhu tuwona bona himadana tehorema.

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”

Galatia 5:26

Ineeke mampemahile, ineeke mombepamahai mpolalu ba mombekahinai.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

1 Timotiu 4:8

Lawi ane mopakarohoke watanta, haodi pea pobunduana. Agaiana ane lalunta tapakaroho mengkoru i Pue Ala, pobunduana ngkaia, lawi pengkoruta i Pue Ala moanti pewati i katuwonta, maroa i dunia ide maroa i alo au ina mai.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.