1 Timoti 1:2 - Nyaa Shɔɔ Ɓɔɔ Laa a Ɓɛɛ

² N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 1:2 Kruisverwysings

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Galati 1:3

N gaa Daa ɓuru Laa, nɛɛ Kpanti ɓuru Yeesɔ Kirisi, ri palɛ nɔɔ tɔ̃ɔ, ri ti shingnɛ yeti manɛ wu valɛ katɔ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 1:2

N bee mɔkɔ Timoti jaa mɛɛ, ɓɔɔ n kasɛ mɔɔ dɔɔli ɓɛɛ. N gaa Laa ɓɔɔ wukɔ Daa ɓuru nɛɛ Kpanti ɓuru Yeesɔ Kirisi, gn ɓaaɓɛ wu kɔng ri katɔ, ri palɛ mɔɔ tɔ̃ɔ, ri ti shingnɛ mɔɔ nwang waasɛ̃.

2 Timoti 2:1

Ka ruu nɔngkɔ, Jaa mɛɛ, tɔ̃ɔ ɓɔɔ Laa pàlɛ̀ mɔɔ ɓɛɛ, wu shingnɛ mɔɔ shii nɛɛ kaka. Tɔ̃ɔ keɓe, ɓi ɓɔɔ ɓuru ɓɔɔ ruu ɓakɛ zɔɔ ɓuru tɔ nɛɛ Yeesɔ Kirisi ɓɛɛ.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Titu 2:2

Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

Titu 3:15

Zang ɓɔɔ ri nɛɛ n, ɓɔɔ ri dũng doo Laa kɔ, ri jee mɔɔ nyaa. Mɔɔ jèe ruu wusang ɓuru ɓɔɔ ri dũng doo Laa kɔ nyaa. Laa wu pàlɛ̀ nɔɔ tɔ̃ɔ nandon.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

2 Yɔhana 1:3

Daa Kpanti Laa nɛɛ Yeesɔ Kirisi jaa Daa, rí pàlɛ̀ ruu tɔ̃ɔ jong. Gn ɓuru wu kɔng ri katɔ, ri ti a ruu nwannang tɔ̃ɔ, naa ɓɔɔ ruu dũng ruu ɓiɓɛ ɓɔɔ niizang, a ruu ti kasɛ ruu zɔɔ katɔ ɓɛɛ.

3 Yɔhana 1:4

Tĩnang ɓɔɔ n tã̀á kagn ɓɔɔ ɓa ɓɔɔ zang naa kɔɔ m nɛɛ, wujɛ mɛɛ dũng ruu ɓɔɔ niizang, kagn kpang.

Yahuza 1:2

N gaa Laa, gn manɛ wu kɔng wu, wu ti shingnɛ yeti manɛ wu valɛ katɔ, wu ti kasɛ ruu manɛ, gbãng gbãng.