Marcos 1:2 - Manobo Agusan

² Meyduon pig-ikagi to Diyus kandin no impasuyat din ki Isaias no kibali ba-ba din no pig-iling, “Meyduon ogpaunahon ku ikow agun no mahinaat to mgo otow to pagtidow nu.

Marcos 1:2 Kruisverwysings

Mateo 11:10

Su sikandin to diya suguonon no ognangonon to Diyus duon to Kasuyatan no pig-iling, ‘Meyduon suguonon ku no ogpaunahon ku ikow agun mahinaat din to mgo otow to pagtidow nu.’

Mateo 2:5

Migtabak sikandan, “Diya to yunsud to Betlehem no sakup to seini Judea. Su mey man nayugoy da ipasuyat to Diyus to otow no kibali ba-ba din no pig-iling,

Mateo 26:24

Siak no Anak to Otow, oghimatajan a su tahan on nasuyat duon to Kasuyatan to Diyus. Di alaot yagboy sikan ogyuib kanay! Tapat pad ko inyandan sikandin.”

Mateo 26:31

Pig-ikagihan ni Jesus to mgo inanad din, “Kuntoon no kadukiloman og-ojowan a now tibo, su meyduon sinuyat no kagi to Diyus no pig-iling, ‘Ogpahimatajan ku to magbantajay, aw ogkasusuwoy to mgo karneru no pigbantajan din.’

Lucas 1:70

Impabaja to Diyus to kagi din to mgo otow no kibali ba-ba din to diya una

Lucas 1:76

Na, sikuna no bata, og-ilingon ka to kibali ba-ba to Diyus no Yabow to Tibo, su og-una-una ka to Ginuu agun mahinaat nu to kaotawan to pagtidow din.

Lucas 18:31

Pigpapadani ni Jesus to mgo inanad din aw ikagihi, “Oho, ogpailing kinow on diya to Jerusalem. Ko diya kid on, ogkatuman to diya sinuyat to kibali mgo ba-ba to Diyus bahin kanay no Anak to Otow.