Lucas 1:53 - Manobo Agusan

⁵³ To pigpamontas pighantoy din, di to mgo sapian pigpanggawangan din.

Lucas 1:53 Kruisverwysings

Mateo 5:6

Madojow to diya og-awos yagboy ogtuman to pagboot to Diyus, su ogkatuman sikan og-awoson dan.

Lucas 1:54

Pigtabangan din to mgo kaliwat ni Israel no suguonon din. Wada din kalingawi to saad din to pagkayuuy ki Abraham dow to mgo kaliwat din hangtod to wada katapusan.”

Lucas 6:21

Igkadojow now no pigbontas kuntoon su diya to kayugajan oghantajon kow da. Igkadojow now no ogtiyahu kuntoon, su diya to kayugajan ogpakangisi kow da.

Lucas 6:24

“Di sikiyu no mgo sapian, hayahay kow iyan kuntoon, di alaot kow su diya to kayugajan, wadad ogkaiman now no kadojawan.

Juan 6:35

Kagi ni Jesus, “Siakon sikan koonon no ogkapuunan to kinabuhi no wada katapusan. Inggad hintawa no ogpasakup kanay konad on ogbontason. Inggad hintawa no ogtuu dow ogsalig kanay konad on og-uhawon.

1 Corinto 1:26

Mgo suun ku, domdoma to pagkaotow now to diya una no wada kow pad tawaga to Diyus. Pipilahon da duon iyu to ogkailing no maalamon, gamhanan dow inila.

1 Corinto 4:8

Sadangay pad man iyu! Basi nailing to boot now no kona kow on ogkinahangyan to tabang to Diyus su duon on iyu to tibo no igkabogoy din aw hayahay kow on. Mighona-hona kow no mgo hari kow on, di sikami, wada pad on. Madojow hinuun ko mgo hari kow iyan agun makayakip koy iyu to pagmandu.