Juan 10:34 - Manobo Agusan

^34-35 Kagi ni Jesus, “Ogkadomdoman now buwa to diya kagi to Diyus duon to Kasuyatan din no pigtagonan now no mighisgut bahin to karaan no mgo magmamandu no pig-iling, ‘Og-ilingon ku sikiyu no mgo diyus.’ Aw namaan ki no kona ogkaisab to kagi to Diyus. Na, ko sikan puli mgo otow og-ilingon no mgo diyus agun matahudan sikandan to kaotawan,

Juan 10:34 Kruisverwysings

Juan 12:34

“Eh,” kagi to sikan mgo otow, “mig-iling duon to Kasuyatan to Diyus no kona ogkamatoy sikan Insaad no Manyuyuwas. Na, nokoy no og-iling ka man no kinahangyan no igtaud sikandin duon to krus aw lindoga? Na, hintawa man naan sikan og-ilingon no Anak to Otow?”

Juan 15:25

Sikan pagkuntra dan kanay katumanan to diya pig-iling duon to Kasuyatan to Diyus, ‘Pigkuntra a dan inggad wada napasikadan.’

Juan 8:17

Su ojow pa to sikan balaod no pigtagonan now, ko maaangod to pagkistigus to daduwa no ka otow, ogkatuuhan sikan.

1 Corinto 14:21

Hona-honaa to sinuyat no kagi to Diyus diya to mgo Hibru no pig-iling, “Ogpaikagihan ku sikiyu to mgo otow no ogkapuun diya to madiyu no banwa, aw ogkabag-uhan kow to inikagihan dan. Di kona now gihapun ogpaminogon to igpaikagi ku kandan iyu.”