Lukas 8:10 - Aban 'am wiya awan

¹⁰ Yesu a mbəɗahan atan apan, a wa: «Kwanay nà, way mi ɗer aya à bahay a Mbərom a inde ata nà, winen a kà gak ikwen panan akar sa 'am sə bahay anahan a coy. Əna ɗo azar aya nà, ti sləne way ahay fok nà, si ta 'am sə jike. Anga nan: Tinen apan ti ca apan, əna tə canan bay, aday ti pak apan sləmay, əna tə sləne bay re.»

Lukas 8:10 Kruisverwysings

Mata 11:25

À alay ata awan, Yesu a ja, a wa: «Bəbay uno, iken Bahay sə bagəbaga mburom, iken Bahay sə daliyugo. Suse anak, anga kə ɗakak anan anan way a anaya anà gwaslay ahay, way ataya aday ɗukwen abay kə ɗərek anan pu ɗo sə kəlire ahay wa, pu ɗo sə asan way ahay wa.

Mata 16:17

Yesu a mbəɗahan apan, a wa: «Iken Simon, wan ana Zonas, iken nà, Mbərom kə̀ ɗəfak apak alay sə mazlaɓ anahan coy. Anga sə ɗakak anan way a ɗiɗek ata nà, Bəbay uno winen à bagəbaga mburom ata awan, bina ɗo zənzen a bay.

Markus 4:11

Yesu a mbəɗahan atan apan, a wa: «Kwanay nà, way mi ɗer aya à bahay a Mbərom a inde ata nà, winen a kà gak ikwen panan akar sa 'am sə bahay anahan a coy. Əna ɗo maza aya nà, ti sləne way ahay fok nà, si ta 'am sə jike,

Markus 4:12

anga aday: Tâ ca apan, əna tə canan bay, tâ pak apan sləmay, əna tə sləne bay. Bina aday tâ saa may ahay pə cakay ana Mbərom bay, aday Mbərom â pəsen atan anan ines a tinen ahay bay.»

Yuhana 12:40

«Mbərom kə̀ hurfok atan, anga aday tə̂ canan iɗe bay, kə̀ ɗəfak atan kurkwilen à sləmay, anga aday tə̂ sləne bay, tâ san bay. Bina, abay ti mbəɗahan lœn anà ines a tinen ahay, aday ni mbar atan.»

Ruma ahay 16:25

Zambaɗuko anan sləmay a Mbərom! I mba apan sə varak ikwen məgala sə njahay mə ngazlay saray aya à cəveɗ anahan inde, kawa ana ləbara mugom a nen sə ɗakak ikwen anan ata awan. Kwakwa ata nà, Mbərom kə̀ ɗərek anan ləbara mugom ata awan.

1 Korintu ahay 12:11

Məgala sə way ataya fok nà, sə varan atan anan nə Apasay ata kərtektəkke. A varan anà kuwaya, kawa sa zlan à nga anà winen awan.

Kolosiya ahay 2:2

Na ga matanan nà, anga sə varak ikwen məgala aday kə̂ sənen zek à wulen a kwanay ahay inde, kə̂ təren zek kərtek awan. Aday asa u no nà, kə̂ njiɗen kəlire sa san ɗiɗek a Mbərom fok. Ata nà, ki sənen anan way a Mbərom a mi ɗer ata awan, kawa sa ja nà, Yesu Almasihu.

1 Timote 3:16

Tə ɗiɗek a, way a mi ɗer a pə cəveɗ sa ɗaf nga pə Yesu ata nà, way məduwen awan: Yesu Almasihu nà, a nay ahay à mburom wa. A təra ɗo zənzen awan. Apasay a Mbərom kə̀ vəɗak panan awiyaway ta sə ɗakay anan, winen ɗo ɗiɗek awan. Maslay a Mbərom ahay tə canak anan. Ɗo sə pəra ahay tə slənek ləbara anahan awan. Ɗo sə daliyugo ahay tə ɗəfak apan nga. Mbərom a cakafak anan ayak à man sə mazlaɓ anahan inde à mburom, pə cakay anahan awan.