Luki 1:8 - Ala la kitabuenu Mɔgɔfin kuma tɔ

⁸ Lun do, sarika lake koe keta Jakariyawa la sarika lake kuruŋɛ ma, ka a fɔla anu ni taga sarika lakedula Ala ma.

Luki 1:8 Kruisverwysings

Hɔrɔya 28:1

«I si i kɔtɔ Harona nun a la den kayireŋɛnu madon i la, Nadabi, Abihu, Elasari nun Itamari. I ni anu masubɛ bani Isirayila kaanu ɲaama, alako anu ni naa ma n na sarika lakelanu la, anu ni wali n ɲɛ.

Hɔrɔya 28:41

I be i kɔtɔ Harona anun a la den kayireŋɛnu la donfeŋɛnu lajigila le anu ma, i ni tule sa anu ma, i ni anu sɔ sarika lakela wale la; awa, i be anu masubɛla ɲɔgɔnna le, anu ni ma n ɲɛ n na sarika lakelanu la.

Hɔrɔya 29:1

«I tini be Harona nun a la deŋɛnu kɛrɛkɛrɛla, anu ni sarika lake wale ma n ɲɛ, i be kɛ-lɛ mala: tuura lanma dɔndɔ jigan, anun saaka konton fila, kɔnɔ yo bele minnu la.

Hɔrɔya 29:44

N si bɛndula boŋɛ kɛrɛkɛrɛ le, anun sarika bintandula. N mɛn si Harona nun a la den kayireŋɛnu kɛrɛkɛrɛ le, alako anu ni sarika lake wale ma n ɲɛ.

Hɔrɔya 29:9

i ni naa kufunɛ don anu ye. I mɛn be Harona nun a la deŋɛnu tɛ kitila tɛtakitiraŋɛ le la. Wo butɔ, anu be mala sarika lakela la ɲɔgɔnna le, wo ni ma sariya banbale la. Awa, i tini be sɔdula diila Harona nun a la deŋɛnu ma, i be kɛ-lɛ mala:

Hɔrɔya 30:30

I be tule sala le Harona nun a la den kayireŋɛnu tugun ma, alako anu ni kɛrɛkɛrɛ, ka n na sarika lake wale ma.

Luki 1:5

Herodu be Juda duge mansaya tɔ wagate min tɔ nun, sarika lakelá do be ɲɔ min tɔgɔ Jakariyawa. A be Abiya la sarika lakela kuruŋɛ le tɔ. A la muse tɔgɔ Elisabɛti, a be bɔɔren Harona bɔnsɛ le tɔ.

Luki 1:7

Den bele anu bolo, bayi Elisabɛti mu den sɔtɔbale le la, kɔtɛ anu fila bɛ bata kɔtɔya han.