Filipi 1:7 - Ala la kitabuenu Mɔgɔfin kuma tɔ

⁷ Wo la ko to be toren n ɲɛ ɲɔgɔnna le, wolo kaɲin mɔ tɛma. Wo bɛ la ko ɲan be n juse tɔ. Ka n be geele tɔ le ba, ka n be Ala la kibaru ɲinma kunmakɛlɛ mala le ba kawande la n ni a mafatan mɔgɛnu ma minnu be n kɛnna, wo bɛ butɔ Ala si hinnɛ wo mɔ bɛ ma.

Filipi 1:7 Kruisverwysings

Kiilanu 20:23

fɔ Ala Hakkili saniyandeŋɛ be seedeɲɔgɔya bɔɔla n ɲɛ saa yo saa tɔ, a be a fɔla aa mɔgɛnu si n sa geele tɔ, n mɛn si tɔɔrɛ sɔtɔ le.

Kiilanu 21:33

Awa, sɔɔri mansa banba ka a madon, a ka Pɔlu bita, a ka yamɔre sa a ni kiti jɔlɔnkɔn fila la, a mɛn ka ɲininkare ma: «Ɲɔmɔ le mu kɛ la? A be fen de maren?»

Filipi 1:12

N nɛɛnɛdɔndɔ diinalanu, n be diren wo ni a lɔn, ɲagankata min be n masɔtɔren, wo ɲan bata Ala la kibaru ɲinma lake koe lasɔnɔya,

Filipi 1:13

han a bata beeya mansa la sɔɔrenu anun yan mɔgɛnu bɛ ma, n be geele tɔ Ala la mɔgɔ masubɛreŋɛ la ko le la.

Filipi 1:14

N nɛɛnɛdɔndɛnu minnu be yan, anu siyama la limaniya be kunmasaren Marige la ko ma n na ɲagankata sabu la. Anu la suusɛ bata kunmasa Ala la kuma fɔ koe la.

Filipi 1:5

bayi wo mɔ be ɲɔgɔn na Ala la kibaru ɲinma lake koe la bɔɔla a fɔlɛ han kɔtɛ.

Filipi 2:22

Kɔnɔ Timote kan, wole yɛtɛ ka a lɔn, a bata a timiladiya tɔɔrɛ butɔ Ala la kibaru ɲinma lake koe la. Wo bɛ butɔ, a bata to n kɛnna iko deŋɛ min be a baaba jokkila.

Filipi 4:14

Kɔnɔ wo bɛ butɔ, wo be ko ɲinma le maren n ɲɛ, wo to ka n dɛman n na ɲagankata butɔ.

Filipi 4:15

Wole Filipi kaanu, wole yɛtɛ ka a lɔn, bɔɔla n fɔlɔta Ala la kibaru ɲinma la ko fɔla, n to bɔɔta Masedoni duge tɔ, Isayanka kuruŋɛ yo ma n dɛman n ni nafule sɔtɔ, fɔ wole dɔrɔn.

Filipi 4:3

Ile n dɛmanná ɲinma, n bata ile tugun madiya, i ni kɛ musu fila dɛman, Ewodiye nun Sintise. Bayi ande tugun katata n kɛnna Ala la kibare la ko tɔ. Kilemanti tugun bata n dɛman, iko n waliɲɔgɛ gbɛtɛnu. Wonu bɛ tɔgɛ be sɛbɛren bukke tɔ, mɔgɛnu tɔgɛnu be min tɔ, minnu si abada kise sɔtɔ.

1 Tesaloniki 5:5

Wo bɛ be maren tele nun kɛnɛ la deŋɛnu le la. Sue nun dibe la deŋɛnu ma wo mɔ la.

1 Piyɛri 4:13

Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.

1 Piyɛri 5:1

Dɛnkɛnɛyabaga kuntigenu minnu be wo tɛma, n bata wo lalimaniya. Kuntige le mu nde tugun na iko wole. N be Ala la mɔgɔ masubɛreŋɛ la tɔɔrɛ la seedeɲɔgɔya bɔɔla. A la nɔɔra be nala yitala lun min na, nde tugun si biliya sɔtɔ le wo butɔ.