Filipi 1:22 - Ala la kitabuenu Mɔgɔfin kuma tɔ

²² Kɔnɔ ka n be tola dunuya, n si nɔ wali ɲinma donu tugun mala. Awa kɔtɛ, wo ko filanu la ko tɔ, miniman kaɲin n ɲɛ? N ma a lɔn.

Filipi 1:22 Kruisverwysings

Ko fɔlɔfɔlɛ 21:26

Abimelɛki ka Iburahima jaabi, a ko: «N ma wo tigi lɔn. Ile tugun ma a fɔ n ɲɛ, fɔ bi n ka a mɔɛ.»

Ko fɔlɔfɔlɛ 39:8

Yusufu ma sɔn, a ka a fɔ a marige la muse ye: «I ka a lɔn, bɔɔla n nata n marige bata, a bele a hakkili sɔren fenfen ma bitugun a la boŋɛ butɔ. A bata a la harige bɛ to n sagoe tɔ n ni a mɛnni.

Hɔrɔya 32:1

Bani Isirayila kaanu to ka a yen, Musa bata mɛ jigi koe la bɔɔla kɔnkɛ kunma, jama naata na Harona digii ma, anu ka a fɔ a ye, anu ko: «Ile! Ala do ɲiɲa mɔ ye, min si sɔ mɔ ɲatɔ, bayi ale Musa min ka mɔ labɔɔ Misira duge tɔ, mɔ ɲan ma a lɔn fenfen min be a masɔtɔren.»

Kiilanu 3:17

Awa, n bareŋɛnu, n ka a lɔn wo ka min ma Isa la, wo ka a ma a fahamubaliya le la, iko wo la kuntigenu.

Filipi 1:23

Wo kandula fila le be n masabaala ɲɔgɔn tɛma. A sɔgɔ be n na n ni bɔɔ yan, n ni taga Ala la mɔgɔ masubɛreŋɛ dula. Wo kaɲin ka tanbi koe bɛ la.

Filipi 1:24

Kɔnɔ ka n be tola dunuya, wolo fisa wole ye.

1 Piyɛri 4:2

Wo butɔ, a bata dunuya diyanankoe to, a ni sɔ Ala sagona koe kɔma a la simaya butɔ min be toren a ye.