Filipi 1:1 - Ala la kitabuenu Mɔgɔfin kuma tɔ

¹ Kɛ bataakɛ be fatanden nde Pɔlu nun Timote le la, minnu mu Isa Ala la mɔgɔ masubɛreŋɛ la jondeŋɛnu la. Mɔ bata wo kɔntɔn, Ala la mɔgɔ masubɛreŋɛ la saniyanbaganu bɛ minnu be Filipi, anun wo la diina ɲatɔsɔlanu nun wo dɛmannanu.

Filipi 1:1 Kruisverwysings

Yaya 12:26

Ka mɔgɔ yo dita mala n na walilá la, a ká sɔ n kɔma. N tini to ka min na, n na walilá tugun be tola ɲɔ le. Wo butɔ, min tini ma n na walilá la, n Baaba si wo tigi kunnawuli le.

Kiilanu 1:20

Bayi a be sɛbɛren Jaburu tɔ, a ko: ‹Bɛ ni a sabatidula aɲɛ, mɔgɔ yo kana sabati ɲɔ.› A mɛn be sɛbɛren tugun, ‹Do ni sɔ a faliŋɛ la.›

Kiilanu 20:28

Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na.

Kiilanu 9:13

Ananiyasi ka a jaabi, a ko: «Marige, wo kaye ka ko koroŋɛ banba min ma i la mɔgɔ saniyandeŋɛnu la Darisalamu, n ka wo mɔɛ mɔgɔ siyama la.

Filipi 2:19

N bata yigi sa Marige Isa ma, ka a fɔla a banba bele toren, n ni Timote kii wo ma, alako a tini tasaagi nala n bata, n ni naa wo la ko kibare mɔɛ, wo tɛmuɛ nde tugun si limaniya jigan.

Filipi 2:5

⸂Wo butɔ,⸃ wo yuge ni to ɲɔgɔn tɛma iko Ala la mɔgɔ masubɛreŋɛ Isa tɛŋɛ.

Filipi 3:12

N ma a fɔ n bata ban wo bɛ sɔtɔla betunna, n na ko tugun bele banden kamalila. Kɔnɔ n be katala taga koe la ɲatɔ, alako Ala la mɔgɔ masubɛreŋɛ Isa ka n masubɛ koe min na, nde tugun ni wolo tabe.

Filipi 3:3

Wo mɔle le mu sii sunnareŋɛnu la a tɔɲa kii ma, wo mɔle minnu be Ala batula a Hakkili saniyandeŋɛ sabu la. Mɔ be ɲagalinna Ala la mɔgɔ masubɛreŋɛ Isa la ko la, wo butɔ mɔ bele laaren mɔ yɛtɛ wunde la.

Filipi 3:8

Iyon, koe bɛ ɲan bata ma n ɲɛ kasara la. Ala la mɔgɔ masubɛreŋɛ Isa, min mu n Marige la, wolo lɔn koe fisa koe bɛ ko! Ale le la ko be a maren, n bata sɔn kasara bɛ la. Koe bɛ bata ma n ɲɛ ko fufafu la. Kɔtɛ, n ni Ala la mɔgɔ masubɛreŋɛ la munanfaŋɛ sɔtɔ,

1 Tesaloniki 1:1

Bataakɛ le mu ka, a be fatanden nde Pɔlu, Silasi nun Timote le la, tagala wole Tesaloniki saa dɛnkɛnɛyabaga jama ma, minnu bata ma Baaba Ala nun a la mɔgɔ masubɛreŋɛ, Marige Isa tɛŋɛ la. ⸂Ala nun a la mɔgɔ masubɛreŋɛ Isa⸃ ni hinnɛ nun jususa dii wo ma.

1 Tesaloniki 2:2

Wo ka a lɔn mɔ to keta wo bata, wo ka a taran anu bata mɔ fɛɛya nun Filipi saa tɔ, anu bata mɔ tɔɔrɔ. Kɔnɔ mɔ Marige Ala ka limaniya dii mɔ ma, mɔ ni mɔ hakkile sɔ a ma, alako mɔ ni naa wo kawandi Ala la kibaru ɲinma la, hali anu to be mɔ kɛlɛla nun han.

2 Tesaloniki 1:1

Bataakɛ le mu ka, a be fatanden nde Pɔlu, Silasi nun Timote le la, tagala wole Tesaloniki saa dɛnkɛnɛyabaga jama ma, minnu bata ma wo mɔ Baaba Ala nun a la mɔgɔ masubɛreŋɛ, Marige Isa tɛŋɛ la.

2 Tesaloniki 1:10

A si na le wo lun alako a manton saniyandeŋɛnu bɛ ni a yen, anu ni kaabɛ, anu ni a matɔgɔ. Adun, wole tugun si to le wonu ɲaama, bayi wo dɛnkɛnɛyata le mɔ la seedeɲɔgɔya ma.

Yaguba 1:1

Bataakɛ le mu ka, a be fatanden nde Yaguba le la, Ala nun a la mɔgɔ masubɛreŋɛ Marige Isa la joŋɛ. N bata wo kɔntɔn, wole Ala la jama bɔnsɔ tan nun fila minnu be malansanden jamanɛnu butɔ.

1 Piyɛri 2:25

Wo be toren de nun iko kolofen nabolokareŋɛnu, kɔnɔ kɔtɛ, wo bata saagi wo kantalá ma, min be a hakkile toren wo nɛɛ ma.