NEHEMIA 1:3 - Common Language

³ “Judai rama haw, saltâng chhuakho chu an rethei hle mai; an vêla awm hnam dangte chuan an hmusit êm êm a ni. Jerusalem kulh bang pawh a chim chhe vek a, a kawngkhârte pawh a kâng zo,” an ti a.

THUTHLUNG HLUI (Re-edited) Bible (BSI)

³ Tin, ka hnênah, “Sala tâng chhuak, chumi rama dama la awmte chu chan chhe tak leh sawichhiatin an awm a. Jerusalem kulh chu a chim rem rum tawh a, a kawngkhârte pawh a kâng asin,” an ti a.

NEHEMIA 1:3 Kruisverwysings

NEHEMIA 2:17

An hnênah chuan heti hian ka han ti ta a: “Jerusalem kulh chu a chhe vek a, kawngkhârte lah a kâng zo va, thil ṭha lo tinrêngin min tlâkbuak ta a nih hi. Khawpui kulh hi i siam ṭha ang u khai. Heti taka nuihzatbûr hi kan ni dâwn lo nia,” ka ti a.

2 LALTE 25:10

A sipaite chuan khaw kulh bang chu an ṭhiat a.

NEHEMIA 7:6

Saltâng tam tak chu Babulon bial aṭangin Jerusalem leh Judai ramah mahni awmna ṭhin khuaah an haw a. An chhûngkuain lal Nebukadnezaran sala a man aṭang khân Babulon-ah an tâng reng a ni.

NEHEMIA 2:13

Zânah chuan khawthlang lam ruam panin kawngkaah khua kan chhuahsan a, chhim lam panin Dragon Tuikhur lamah kan kal a. Bawlhhlawh paihna Kawngka kan thleng a, kal pah chuan kulh bang chim chu ngun takin ka en zêl a; kawngkhâr kâng chhiate pawh chu ka en a.

NEHEMIA 2:3

Lal hnênah chuan, “Lal chu dam reng rawh se; ka pa thlân awmna khawpui chu tihram a ni a, a kulh kawngkhârte a kâng zo vek si a, ngui lo thei em ka nih?” ka ti a.

EZRA 5:8

Lal chuan hei hi hria se kan ti a ni. Judai ramah kan han kal a; Pathian ropui tak Tempul chu lung lian pui pui hmangin an lo sa ṭha leh mêk a; thing tlâwn khanchhukte bangah an kham a, an sa uluk hle, hna pawh an thawk chak viau a ni.

ṬAH HLA 5:1

Lalpa, kan chunga thil thleng hi hre reng ta che, Min rawn thlîr la, kan mualpho tâkzia hi en teh.

ṬAH HLA 3:61

Lalpa, min diriam dân hi i hre reng a, Min phiar dânte lamin.

ṬAH HLA 1:7

Jerusalem chuan hrehawm mangan a tuar hnuin, A hmânlai ropuina a hre chhuak a, Hmêlmaten an rawn lâk lai khân, Puitu rêng a nei lo. A chan chhe ta êm chu hmêlmaten an diriam e.

JEREMIA 52:14

Kaldai sipai rual, lal vêngtu pâwl hotu hnuaia mite chuan Jerusalem hungna kulhte chu an tichhe vek a.

JEREMIA 42:18

“Engkim Lalpa, Israel-te Pathian chuan heti hian a ti: ‘Ka thinurna nasa tak Jerusalem-a ka leihbua ang khân Aigupta-a kalte chungah pawh ka leihbua ang. Ânchhia te, hmusit te, sawichhiat te leh hau te in tuar ang a, he ram hi in hmu leh tawh lo vang.’

JEREMIA 39:8

Kaldai-ho chuan lal in leh in dang zawng zawng chu an hâl a, Jerusalem kulh bangte an tichim a.

JEREMIA 29:18

Anni chu khandaih te, tâm te, hripui te nên ka ûmzui ang. Ka hnawhdarhna hnam tin zîngah leia lalram zawng zawngten thil râpthlâk leh ânchhia, mak an tiha an chek khum tlawk tlawkah leh an nuihzat huai huaiah ka siam ang.

JEREMIA 24:9

Anni chu ram tina lalte tân ṭihkhaiah ka siam ang. Ka hnawhdarhna hmuna mite chuan hmusitin an nuihzat ang a, deusawh takin hmun tinah an hming chu ânchhe inlawh nân an hmang ang.

JEREMIA 5:10

An huanahte chuan lût ula, tichhe rawh u, Amaherawhchu, tichhe vek suh u. A zârte la bo ula, chûngte chu Lalpa ta an ni si lo.

ISAIA 43:28

Tichuan, ka Hmun Thianghlima hotute tibawrhbângin Jakoba chu ka hluihlâwn ang a, Israela chu mi hmuhsitah ka siam bawk ang.

ISAIA 5:5

Engtin nge ka tih dâwn, ka sawisak dân tûr chu, Ka han hrilh ang che u, A pal ka sâm ang a, ka tiram ang, A lung palte ka tichhe vek ang a, Ramsate chuan an chîl thlu ang.

SAM 79:4

Kan bula awmte chuan min diriam hle a, Kan vêla awmte chuan min nuihzatin min hmusit a.

ESTHERI 1:1

Lal Ahasuera India aṭanga Sudan thlenga ram bial za leh sawmhnih leh pasarih chunga rorêltu hun laiin hêng thil hi a lo thleng a ni.

NEHEMIA 11:3

Israel rama khawpui deuhvah leh khaw tê deuhva awm puithiam te, Levia chi te, Tempul enkawltute leh Solomona chhiahhlawh thlahte chu an awmna khuaah mahni in ngeiah an awm a ni. Judai rama mi, mi lâr deuh deuh Jerusalem khuaa awmte chu hêng hi an ni:

EZRA 2:1

Saltâng tam tak chuan Babulon chu an chhuahsan a, Jerusalem-ah leh Judai ramah, mahni awm ṭhinna ṭheuhvah an haw a. Lal Nebukadnezaran a man aṭang khân Babulon-ah an chhûngin salah an awm a ni.

1 LALTE 9:7

ka mi Israel-te chu an tâna ka pêk ram ata ka paih chhuak ang. He Tempul, min biakna hmun atâna ka tihthianghlim tawh pawh hi ka rauhsan ang. Khawvêla hnam tinin Israel-te chu an hmusitin an nuihzat ang a,

THUFINGTE 25:28

Mahni inthunun thei lo chu, Khaw kulh bang chim ang hi a ni.

ṬAH HLA 2:9

A kawngkhârte thil chhe hnawkin a chhilh zo va, A kalhna thîr tlâwnte a bung rum mai. Lal leh miliante chu salah an tâng, Dân lah an inzirtîr tawh lo, Zâwlneite pawhin Lalpa inlârna rêng an dawng hek lo.

LEVITICUS 26:31

In khawpuite chu ka tiram ang a, in pathian biakna te chu ka tichhia ang a, in inthawinate chu ka lo pawmsak lo vang che u.

LEVITICUS 26:33

Indona a lo thleng ang a, hnam dang ramah an hruai darh ang che u, in khawpuite chu a chim rem rum ang.

2 CHRONICLE 36:19

Tempul leh khuaa inte chu a hâl a, khawpui kulh bangte chu a ṭhiat a.