San Mateo 11:6 - Alacatlatzala Mixtec New Testament

⁶ Ta ta̱a ta̱ kándixa yi̱ꞌi̱, tá o̱n sandakoo ra yi̱ꞌi̱, vará o̱n kasa ndivi i̱ chiño ña ndáti ra, ta nákaa̱ ñasi̱i̱ níma̱ ta̱yóꞌo ―káchí ta̱Jesús xíꞌin naxíka xíꞌin ta̱Juan.

San Mateo 11:6 Kruisverwysings

San Mateo 13:21

Ta yáꞌa ñii káni̱ loꞌo, tá kíxáꞌá va̱xi ña xóꞌvi̱ na, án inka̱ ni̱vi o̱n xi̱in ka̱ na koni ñaꞌá na xa̱ꞌa̱ ña kándixa na to̱ꞌon Ndios, ta nayóꞌo xa̱ndi̱ko̱n sándakoo na yichi̱ Ndios, ta o̱n xi̱in ka̱ na kandixa na, saá chi o̱n ta̱ꞌán chikaa̱ va̱ꞌa ini na to̱ꞌon Ndios.

San Mateo 18:7

¡Ndáꞌví ní ni̱vi ñoyívi yóꞌo!, saá chi ndiꞌi ki̱vi̱ yóo kua̱ꞌa̱ ní ña o̱n váꞌa ña chíndaꞌá ni̱vi ki̱ꞌvi na kua̱chi. ¡Ta ndáꞌví ní ka̱ ni̱vi na chíndaꞌá inka̱ ni̱vi ki̱ꞌvi na kua̱chi!

San Mateo 24:10

Ta ki̱vi̱ kundivi ñayóꞌo saá, kua̱ꞌa̱ ní ni̱vi sandakoo na yichi̱ i̱, ta kusaa̱ ní ini na koni na xíꞌin táꞌan mi̱i na, ta sandáꞌví xíꞌin táꞌan mi̱i na nataxi na natáꞌan na ndaꞌa̱ nachiño.

San Mateo 26:31

Ta ni̱ka̱ꞌa̱n ta̱Jesús xíꞌin na: ―Ñoó vitin ndiꞌi ndóꞌó sandakoo ndó yi̱ꞌi̱, chi saá kundivi to̱ꞌon Ndios ña ni̱taa na xi̱na̱ꞌá, ña káchí saá: “Satakuéꞌe̱ i̱ ta̱a ta̱ ndáa tíndikachi, ta tíndikachi yóꞌo kui̱ta̱ níꞌnó ndiꞌi rí”, ka̱chí Ndios.

San Mateo 5:29

’Tá nduchu̱ no̱o̱ ndó kúu ña chíndaꞌá ndóꞌó kua̱n ki̱ꞌvi ndó kua̱chi, ta saá va̱ꞌa ka̱ tava ndó ña ta sakana ndó ña. Chi va̱ꞌa ka̱ sandañóꞌó ndó ñii ñáꞌño yi̱kí ko̱ñu ndó, no̱o̱ ña ko̱ꞌo̱n ndó xíꞌin ndiꞌi yi̱kí ko̱ñu ndó nda̱ya.

San Marcos 6:3

¿Án o̱n si̱ví ta̱yóꞌo kúu carpintero? ¿Án o̱n si̱ví siꞌí ta̱yóꞌo kúu ñáMaría? ¿Án o̱n si̱ví ñani ta̱Jacobo, ta̱José, ta̱Judas xíꞌin ta̱Simón kúu ra? ¿Án o̱n ndixa ndóo ki̱ꞌva̱ ra ñoo yó yóꞌo? ―káchí na. Ta ni̱‑xiin na kandixa na ra.

San Lucas 2:34

Ta saá ta̱Simeón ni̱ka̱ꞌa̱n ra xíꞌin na, káchí ra saá: ―Ndios keꞌé ra ñava̱ꞌa xíꞌin ndó, ná chindeé ka̱ ra ndóꞌó ―káchí ra xíꞌin na. Ta ni̱ka̱ꞌa̱n ka̱ ra xíꞌin ñáMaría, siꞌí tikuáꞌá loꞌo Jesús, káchí ra saá: ―Ndios chi̱tóni̱ ra sa̱ꞌya ún yóꞌo kuu ra ta̱a ta̱ saka̱ku kua̱ꞌa̱ ní naIsrael. Ta saá ni, sava naIsrael o̱n kuaꞌa na nakiꞌin va̱ꞌa na ra, ta nayóꞌo ndiꞌi xa̱ꞌa̱ na. Sa̱ꞌya ún yóꞌo sanáꞌa ra ni̱vi xa̱ꞌa̱ Ndios, ta kua̱ꞌa̱ ní ni̱vi o̱n kandixa na ra.

San Lucas 7:23

Ta ta̱a ta̱ kándixa yi̱ꞌi̱, tá o̱n sandakoo ra yi̱ꞌi̱, vará o̱n kasa ndivi i̱ chiño ña ndáti ra, ta nákaa̱ ñasi̱i̱ níma̱ ta̱yóꞌo ―káchí ta̱Jesús xíꞌin naxíka xíꞌin ta̱Juan.

San Juan 16:1

Ta ta̱Jesús ni̱ka̱ꞌa̱n ka̱ ra xíꞌin na, káchí ra saá: ―Ndiꞌi to̱ꞌon yóꞌo xa ni̱ka̱ꞌa̱n i̱ ña xíꞌin ndó xa̱ꞌa̱ ña o̱n sandakoo ndó yichi̱ i̱.

San Juan 6:66

Ta̱nda̱ ki̱vi̱ saá kua̱ꞌa̱ ní ni̱vi na xi̱ndiko̱n sa̱ta̱ ta̱Jesús, sa̱ndakoo na ra, ta o̱n vása ka̱ kua̱ꞌa̱n na sa̱ta̱ ra.

1 Corintios 2:14

Ni̱vi na o̱n vása táku̱ Níma̱ Ndios ini, nayóꞌo o̱n xi̱in na kandixa na to̱ꞌon ña káku no̱o̱ Níma̱ Ndios, chi xáni si̱ni̱ na ndí ndasaá kuiti to̱ꞌon kíꞌví kúu ña. O̱n vása kúchiño na kunda̱a̱ ini na to̱ꞌon nda̱a̱ xa̱ꞌa̱ yichi̱ Ndios, chi ndasaá kuiti ni̱vi na táku̱ Níma̱ Ndios ini, nayóꞌo kúu na kúchiño kunda̱a̱ ini to̱ꞌon Ndios.

Gálatas 5:11

Nañani yó xíꞌin náki̱ꞌva̱ yó, tá ndixa yi̱ꞌi̱ káꞌa̱n ndoso i̱ ndí ni̱vi xíni̱ ñóꞌó kasa ndivi na costumbre circuncisión xa̱ꞌa̱ ña kutáꞌan va̱ꞌa na xíꞌin Ndios, níkúu, ta saá najudío sandakoo na ña ndíko̱n na saxo̱ꞌvi̱ na yi̱ꞌi̱, níkúu. Ta yi̱ꞌi̱ o̱n vása káꞌa̱n i̱ saá, chi ndixa káꞌa̱n ndoso i̱ no̱o̱ ni̱vi ndí ndasaá kuiti xa̱ꞌa̱ ña ni̱xiꞌi̱ Jesucristo ndaꞌa̱ tón cruz xa̱ꞌa̱ kua̱chi yó, kúchiño nduu yó ni̱vi na ndii no̱o̱ Ndios. Táná sandakoo i̱ ña káꞌa̱n ndoso i̱ to̱ꞌon yóꞌo, níkúu, ta saá o̱n kusaa̱ ka̱ ini ni̱vi koni na yi̱ꞌi̱.

1 Pedro 2:8

Ta tuku káꞌa̱n to̱ꞌon Ndios, káchí ña saá: Yu̱u̱ yóꞌo kúu ña káchiꞌi xa̱ꞌa̱ ni̱vi ta ñáni na, káchí to̱ꞌon Ndios. Ndiꞌi ni̱vi na káchiꞌi xa̱ꞌa̱ ta ñáni na sa̱ta̱ yu̱u̱ yóꞌo kúu ni̱vi na o̱n xi̱in chikaa̱ so̱ꞌo, ta ni o̱n xi̱in na kasa ndivi na to̱ꞌon ña káꞌa̱n xa̱ꞌa̱ Jesucristo. Ta Ndios xa chi̱tóni̱ ra saá kundoꞌo ni̱vi na o̱n xi̱in koni̱ so̱ꞌo to̱ꞌon ra.