San Mateo 1:21 - Alacatlatzala Mixtec New Testament

²¹ Tá kaku ta̱a sa̱ꞌya ñá, ta chinóo ún ki̱vi̱ ra kunaní ra Jesús. Saá kunaní ra, chi ta̱ saka̱ku nani̱vi xa̱ꞌa̱ kua̱chi na kuu ra ―káchí ñaángel xíꞌin ta̱José.

San Mateo 1:21 Kruisverwysings

San Mateo 1:25

Ta ta̱José xíꞌin ñáMaría o̱n vása ní‑kisi̱n xíꞌin táꞌan na a̱nda̱ ki̱vi̱ ka̱ku sa̱ꞌya ñá, ta saá ta̱José chi̱nóo ra ki̱vi̱ ta̱loꞌo ka̱ku yóꞌo kunaní ra Jesús.

San Lucas 1:13

Ta saá ni̱ka̱ꞌa̱n ñaángel xíꞌin ra: ―Tata Zacarías, o̱n kuyi̱ꞌví ún, chi Ndios xi̱ni̱ so̱ꞌo ra ña ni̱ka̱ꞌa̱n ún xíꞌin ra, ta keꞌé ra ñii ñava̱ꞌa xíꞌin ndó: koo sa̱ꞌya ún xíꞌin ñásíꞌí ún ñáElisabet, ta chinóo ndó ki̱vi̱ ra kunaní ra Juan.

San Lucas 1:31

Ta vitin ke̱e sa̱ꞌya ún, ta ki̱vi̱ kaku ta̱loꞌo sa̱ꞌya ún, ta chinóo ún ki̱vi̱ ra kunaní ra Jesús.

San Lucas 2:11

Ki̱vi̱ vitin ka̱ku ñii ta̱loꞌo ñoo ta̱rey David, ta ta̱loꞌo yóꞌo kúu Ta̱a ta̱ Saka̱ku ndóꞌó. Ta Cristo Ta̱a ta̱Káꞌno no̱o̱ yó kúu ra.

San Lucas 2:21

Tá ni̱to̱nda̱a ki̱vi̱ o̱na̱ ka̱ku tikuáꞌá loꞌo, ta ki̱sa ndivi na costumbre na̱ní circuncisión xíꞌin ra, ña kúu ña xáꞌnda na loꞌo ñii̱ si̱ni̱ ñate̱e ra, ta sa̱kunaní na ra Jesús, chi saá ni̱ka̱ꞌa̱n ñaángel xíꞌin ñáMaría ki̱vi̱ ta̱ꞌán ka̱ ke̱e sa̱ꞌya ñá.

San Juan 1:29

Ta saá ni̱ti̱vi inka̱ ki̱vi̱, ta ta̱Juan na̱koto ra va̱xi ta̱Jesús, ta ni̱ka̱ꞌa̱n ra xíꞌin ni̱vi, káchí ra saá: ―¡Koto ndó! Ta̱yóꞌo kúu ta̱a ta̱ ti̱ꞌví Ndios kivi̱ xa̱ꞌa̱ kua̱chi ni̱vi. Nda̱tán yóo ndikachi loꞌo tí sóko̱ ni̱vi no̱o̱ Ndios ña kasa káꞌno ini ra xa̱ꞌa̱ kua̱chi na, saá yóo ta̱yóꞌo.

San Juan 4:42

Ta ni̱ka̱ꞌa̱n na xíꞌin ñaꞌa̱ ñáñoo mi̱i na yóꞌo, káchí na saá: ―Siꞌna ka̱ndixa ndi̱ ra xa̱ꞌa̱ to̱ꞌon ña nda̱to̱ꞌon ún xa̱ꞌa̱ ra. Ta vitin kándixa va̱ꞌa ndi̱ ra chi xi̱ni̱ so̱ꞌo ndi̱ to̱ꞌon ña ni̱ka̱ꞌa̱n mi̱i ra, ta kúnda̱a̱ ini ndi̱ ndí ndixa ta̱yóꞌo kúu Cristo, Ta̱a ta̱ Saka̱ku ni̱vi ñoyívi yóꞌo ―káchí na xíꞌin ñá.

Hechos 13:23

Ta̱rey David yóꞌo xi̱kuu xi̱i̱ síkuá ta̱Jesús, ta̱a ta̱ ti̱ꞌví Ndios ña saka̱ku ra ni̱vi naIsrael. Ta xíꞌin ña ke̱ꞌé ra saá, Ndios ki̱sa ndivi ra ña ki̱ndo̱o ra xíꞌin naxi̱i̱ síkuá yó.

Hechos 3:26

Ki̱vi̱ Ndios ti̱ꞌví ra Sa̱ꞌya ra ta̱Jesús kixaa̱ ra ñoyívi yóꞌo, ta saá siꞌna ki̱xaa̱ ra no̱o̱ mi̱i yó najudío xa̱ꞌa̱ ña keꞌé ra ñava̱ꞌa xíꞌin yó. Saá chi ki̱xaa̱ ra xa̱ꞌa̱ ña chindeé ra mi̱i yó ña nandikó ini yó ta sandakoo yó ña o̱n váꞌa, ta kundiko̱n yó yichi̱ Ndios ―káchí ta̱Pedro xíꞌin ni̱vi na na̱kutáꞌan yóꞌo.

Hechos 4:12

Ta ñii la̱á ta̱Jesús kúchiño saka̱ku ra mi̱i yó, chi ndaꞌa̱ ñii la̱á ta̱Jesús Ndios ta̱xi ra ndee̱ ña saka̱ku ra ni̱vi. Ta ndixa o̱n ko̱ó ka̱ nda̱ ñii ni̱vi, ni nda̱ ñii inka̱ ña yóo ñoyívi kómí ndee̱ Ndios ña kúchiño saka̱ku ña mi̱i yó ―saá ni̱ka̱ꞌa̱n ta̱Pedro xíꞌin nachiño.

Hechos 5:31

Tá ndi̱ꞌi na̱taku̱ ta̱Jesús ta nda̱a ra ñoyívi ni̱no, ta Ndios ta̱xi ra xi̱koo ta̱Jesús no̱o̱ táyi̱ tón to̱ꞌó, tón ñíndichi no̱o̱ yóo ndaꞌa̱ kuaꞌá Ndios ñoyívi ni̱no, ta ta̱xi ra nda̱yí ndaꞌa̱ ta̱Jesús ña kúu ra Ta̱a ta̱Káꞌno no̱o̱ ndiꞌi ni̱vi ñoyívi yóꞌo. Mi̱i Ndios ta̱xi ra nda̱yí ndaꞌa̱ ta̱Jesús kúu ra Ta̱a ta̱ Sáka̱ku ni̱vi no̱o̱ ña o̱n váꞌa. Ta ta̱Jesús ke̱ꞌé ra saá chi kóni ra ndí nañoo yó naIsrael nandikó ini na ta sandakoo na kua̱chi na, ta saá kasa káꞌno ini ra xa̱ꞌa̱ kua̱chi na.

Tito 2:14

Jesucristo yóꞌo ta̱xi xíꞌin mi̱i ra ña ni̱xiꞌi̱ ra xa̱ꞌa̱ yó, ta ke̱ꞌé ra saá xa̱ꞌa̱ ña saka̱ku ra mi̱i yó no̱o̱ ndiꞌi ndee̱ ña o̱n váꞌa. Ta kísa káꞌno ini ra xa̱ꞌa̱ kua̱chi yó, ña ndundii yó ta nduu yó nañoo ra, ta saá xíꞌin ndiꞌi ñasi̱i̱ ini yó taxi xíꞌin mi̱i yó keꞌé yó ñava̱ꞌa.

Hebreos 7:25

Ta Jesucristo kómí ra ndee̱ ña saka̱ku ndinoꞌo ra ndiꞌi ni̱vi na kándixa ñaꞌá, ta xa̱ꞌa̱ ñayóꞌo xáa̱ yatin na no̱o̱ Ndios. Chi Jesucristo táku̱ ra ndiꞌi saá ki̱vi̱ ña xáku ndáꞌví ra no̱o̱ Ndios xa̱ꞌa̱ ni̱vi yóꞌo.

1 Juan 1:7

Yichi̱ Ndios kúu ñava̱ꞌa ñanda̱a̱ no̱o̱ yéꞌe ñoꞌo̱ ña káku no̱o̱ ra. Ta saá tá vivíi ndíko̱n yó yichi̱ Ndios no̱o̱ yéꞌe ñoꞌo̱ ña káku no̱o̱ ra, ta saá ndixa vivíi táku̱ yó xíꞌin táꞌan yó, ta ndixa ni̱i̱ Jesucristo nákata ña ndiꞌi kua̱chi yó.

1 Juan 3:5

Xa xíni̱ ndó ña ki̱xaa̱ Jesucristo ñoyívi yóꞌo kúu xa̱ꞌa̱ ña kindaa ra kua̱chi ña ndíso ni̱vi. Ta nda̱ loꞌo o̱n ko̱ó kua̱chi ndíso Jesucristo, ta̱a ta̱ ndii ndinoꞌo kúu ra.

Apocalipsis 7:14

Ta nda̱kuii̱n i̱, ni̱ka̱ꞌa̱n i̱ xíꞌin ra: ―O̱n vása xíni̱ i̱, Tata. Yóꞌó kúu ta̱a ta̱ xíni̱ yu kúu na. Ta saá ni̱ka̱ꞌa̱n ra xíꞌin i̱: ―Ndiꞌi ni̱vi yóꞌo kúu na ke̱e no̱o̱ ña ndeé ní ni̱xo̱ꞌvi̱ na. Ta nayóꞌo na̱kata na tiko̱to̱ na xíꞌin ni̱i̱ Ndikachi ña ni̱xi̱ta̱, ta saá ndu̱yaa tiko̱to̱ na.