San Mateo 1:16 - Alacatlatzala Mixtec New Testament

¹⁶ Ta̱Jacob xi̱kuu yivá ta̱José, ta ta̱José xi̱kuu yii̱ ñáMaría, ta ñáyóꞌo xi̱kuu siꞌí ta̱Jesús, ta̱ kúu Cristo.

San Mateo 1:16 Kruisverwysings

San Mateo 1:15

Ta̱Eliud xi̱kuu yivá ta̱Eleazar; ta̱Eleazar xi̱kuu yivá ta̱Matán; ta̱Matán xi̱kuu yivá ta̱Jacob.

San Mateo 16:16

Ta nda̱kuii̱n ta̱Simón Pedro, ni̱ka̱ꞌa̱n ra: ―Yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo, ta kúu ún Sa̱ꞌya Ndios ta̱táku̱.

San Mateo 16:20

Ta ta̱Jesús ni̱ka̱ꞌa̱n ra xíꞌin na: ―Ta o̱n ka̱ꞌa̱n ndó xíꞌin nda̱ ñii ni̱vi ndí yi̱ꞌi̱ kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo.

San Mateo 2:13

Tá ke̱e nandíchí na nákoni ki̱mi kua̱noꞌo̱ na, ta ñoó ni̱ki̱si̱n ta̱José ta ni̱xa̱ní ra ñii ñaángel ke̱e no̱o̱ Ndios ki̱xi ña no̱o̱ ra, ta káchí ña saá xíꞌin ra: ―Ndakoo ún, ta nakiꞌin ún tikuáꞌá loꞌo xíꞌin siꞌí ra, ta kama kee ndó ko̱ꞌo̱n ndó a̱nda̱ ñoo Egipto, ta kán kundo̱o ndó a̱nda̱ ki̱vi̱ ka̱ꞌa̱n i̱ xíꞌin ún, saá ndikó ndó. Chi ta̱rey Herodes nandukú ra tikuáꞌá loꞌo, chi kóni ra kaꞌni ñaꞌá ra ―káchí ñaángel xíꞌin ta̱José.

San Mateo 27:17

Ta na̱kutáꞌan kua̱ꞌa̱ ní ni̱vi no̱o̱ ta̱gobernador, ta ta̱Pilato ni̱nda̱ka̱ to̱ꞌon ra na, káchí ra saá: ―¿Yukú ta̱a kóni ndó saña i̱ ko̱ꞌo̱n ndíka̱? ¿Án saña i̱ ta̱Barrabás? ¿Án saña i̱ ta̱Jesús, ta̱a ta̱ sákunaní ni̱vi Cristo? ―káchí ra.

San Mateo 27:22

Ta ta̱Pilato ni̱nda̱ka̱ to̱ꞌon tuku ra na: ―¿Ta yukía̱ koo ta̱Jesús, ta̱a ta̱ na̱ní Cristo? ―káchí ta̱Pilato. Ta ndiꞌi na nda̱kuii̱n na, káchí na saá: ―¡Ná kivi̱ ra! ¡Katakaa̱ ndaa ún ra ndaꞌa̱ tón cruz! ―káchí na.

San Marcos 6:3

¿Án o̱n si̱ví ta̱yóꞌo kúu carpintero? ¿Án o̱n si̱ví siꞌí ta̱yóꞌo kúu ñáMaría? ¿Án o̱n si̱ví ñani ta̱Jacobo, ta̱José, ta̱Judas xíꞌin ta̱Simón kúu ra? ¿Án o̱n ndixa ndóo ki̱ꞌva̱ ra ñoo yó yóꞌo? ―káchí na. Ta ni̱‑xiin na kandixa na ra.

San Lucas 1:27

Kua̱ꞌa̱n ña koto ña ñii ñákuáa̱n loꞌo na̱ní ñá María, ñá ta̱ꞌán to̱nda̱a nda̱ ñii ta̱a kúu ñá. Ta xa ndási̱ ña tonda̱ꞌa̱ ñá xíꞌin ñii ta̱a na̱ní ra José, sa̱ꞌya ñani síkuá ta̱rey David kúu ra.

San Lucas 2:48

Ta ki̱xaa̱ ta̱José xíꞌin ñáMaría, xi̱ni na ta̱loꞌo Jesús, ta na̱kaꞌnda ini na xíto na, ta ni̱ka̱ꞌa̱n siꞌí ra xíꞌin ra: ―Ta̱loꞌo, ¿nda̱chun ke̱ꞌé ún saá xíꞌin ndi̱? Yivá ún xíꞌin yi̱ꞌi̱, na̱ndukú ndi̱ yóꞌó, ta ndíꞌi ní ini ndi̱ xa̱ꞌa̱ ún.

San Lucas 2:7

Ta saá ka̱ku ñii ta̱a loꞌo, sa̱ꞌya no̱ó ñá kúu ra, ta chi̱súku ndaa ñá ra xíꞌin tiko̱to̱, ta chi̱ndúꞌu̱ ñá ra ini yito̱n no̱o̱ xíxaꞌan kiti̱, chi o̱n vása ní‑naníꞌi na veꞌe no̱o̱ kindo̱o na, saá chi xa chútú ndiꞌi veꞌe no̱o̱ kísi̱n ni̱vi na xíka yichi̱.

San Lucas 3:23

Tá ni̱xi̱no̱ ta̱Jesús o̱ko̱ u̱xu̱ kui̱ya̱, ta ki̱xáꞌá ra sánáꞌa ra ni̱vi. Xáni ini ni̱vi ndí sa̱ꞌya ta̱José kúu ra. Ta ta̱José kúu sa̱ꞌya ta̱Elí.

San Lucas 4:22

Ta ndiꞌi ni̱vi va̱ꞌa ní káꞌa̱n na xa̱ꞌa̱ ra. Ta na̱kaꞌnda ini na ndóo na, chi va̱ꞌa ní káꞌa̱n ra. Ta ni̱nda̱ka̱ to̱ꞌon táꞌan na: ―¿Án o̱n si̱ví sa̱ꞌya ta̱José kúu ta̱yóꞌo? ¡Nda̱chun va̱ꞌa ní xíni̱ ra! ―káchí na.

San Juan 4:25

Ta nda̱kuii̱n ñá, ni̱ka̱ꞌa̱n ñá, káchí ñá saá: ―Xíni̱ i̱ ndí ñii ki̱vi̱ kixaa̱ ta̱Mesías, ta̱a ta̱ tiꞌví Ndios saka̱ku ra mi̱i yó. Ta ta̱yóꞌo tuku sákunaní na ra Cristo. Ta ki̱vi̱ kixaa̱ ta̱yóꞌo, ta sanáꞌa ra mi̱i yó ña nandaxin ra ndiꞌi ña xíni̱ ñóꞌó kunda̱a̱ ini yó ―káchí ñá xíꞌin ta̱Jesús.