San Lucas 9:59 - Alacatlatzala Mixtec New Testament

⁵⁹ Ta saá ni̱ka̱ꞌa̱n ta̱Jesús xíꞌin inka̱ ta̱a: ―Naꞌa kundiko̱n ún sa̱ta̱ i̱ ―káchí ra. Ta nda̱kuii̱n ta̱yóꞌo, ni̱ka̱ꞌa̱n ra: ―Va̱ꞌa Tata, ta siꞌna taxi ún ña kundati i̱ nda̱ ná kivi̱ yivá i̱, ta sandúxu̱n i̱ ra, ta saá kundiko̱n i̱ yichi̱ ún ―káchí ra.

San Lucas 9:59 Kruisverwysings

San Mateo 16:24

Ta ni̱ka̱ꞌa̱n ta̱Jesús xíꞌin naxíka xíꞌin ra: ―Ndiꞌi ni̱vi na kóni kundiko̱n yi̱ꞌi̱ xíni̱ ñóꞌó sandakoo na ndiꞌi ña káchí ini mi̱i na, ta kuso̱kó na tón cruz mi̱i na ta kundiko̱n na sa̱ta̱ i̱.

San Mateo 6:33

Ta mi̱i ndó, ndinoꞌo ini ndó ná kundiko̱n ndó yichi̱ no̱o̱ xáꞌnda chiño Ndios, ta kasa ndivi ndó ndiꞌi ña kóni mi̱i ra, ta ndixa Ndios taxi ndiꞌi ra ña xíni̱ ñóꞌó ndaꞌa̱ ndó.

San Mateo 9:9

Ta saá ta̱Jesús ke̱e ra kua̱ꞌa̱n ra, ta xi̱ni ra ñii ta̱a na̱ní ra Mateo, yóo ra kísa chiño ra no̱o̱ káya ra si̱ꞌún xa̱ꞌa̱ nagobierno ñoo Roma. Ta ni̱ka̱ꞌa̱n ta̱Jesús xíꞌin ta̱Mateo, káchí ra saá: ―Naꞌa, kundiko̱n ún sa̱ta̱ i̱ ―káchí ra xíꞌin ra. Ta saá na̱kundichi ta̱Mateo, ta kua̱ꞌa̱n ra sa̱ta̱ ta̱Jesús.

San Lucas 9:60

Ta ni̱ka̱ꞌa̱n ta̱Jesús xíꞌin ra: ―Ni̱vi na o̱n vása ndinoꞌo táku̱ no̱o̱ Ndios, va̱ꞌa sandúxu̱n na natáꞌan na nandi̱í. Ta yóꞌó, yóo inka̱ chiño ña xíni̱ ñóꞌó ní ka̱ kasa ndivi ún: Va̱ꞌa ko̱ꞌo̱n ún ka̱ꞌa̱n ndoso ún to̱ꞌon xa̱ꞌa̱ yichi̱ no̱o̱ xáꞌnda chiño Ndios ―káchí ta̱Jesús xíꞌin ra.