San Lucas 8:24 - Alacatlatzala Mixtec New Testament

²⁴ Saá nata̱a naxíka xíꞌin ta̱Jesús sa̱nakáxín na ini ra, ta ni̱ka̱ꞌa̱n na xíꞌin ra: ―¡Maestro! ¡Maestro! ¡Yi̱yo ní ka̱ꞌa̱ ndiꞌi yó xíꞌin takuií mi̱ni! ―káchí na xíꞌin ra. Ta nda̱koo ta̱Jesús, ta xa̱ꞌnda chiño ra no̱o̱ ta̱chi̱ naꞌá xíꞌin takuií mi̱ni. Ta saá ku̱tásin ta̱chi̱ naꞌá xíꞌin takuií mi̱ni, ñii ya̱a̱ ya̱a̱ ku̱u.

San Lucas 8:24 Kruisverwysings

San Mateo 14:30

Ta xi̱ni ra ndeé ní va̱xi ta̱chi̱, ta ni̱yi̱ꞌví ní ra, ta ki̱xáꞌá ra kua̱ꞌa̱n ni̱ke̱tá ra ini mi̱ni, ta xíꞌin ndiꞌi ndee̱ ra ni̱ka̱ꞌa̱n ra: ―Tata, ¡saka̱ku ún yi̱ꞌi̱! ―káchí ra.

San Mateo 8:25

Ta naxíka xíꞌin ra sa̱nakáxín na ini ra, ta ni̱ka̱ꞌa̱n na xíꞌin ra: ―Tata, ¡saka̱ku ún ndi̱ꞌi̱! ¡Yi̱yo ní ka̱ꞌa̱ ndiꞌi yó xíꞌin takuií, chi kua̱n ke̱tá tón barco ini mi̱ni!

San Marcos 4:39

Ta nda̱koo ta̱Jesús, ta xa̱ꞌnda chiño ra no̱o̱ ta̱chi̱ naꞌá xíꞌin takuií mi̱ni: ―¡Koo ya̱a̱ ndó, koo tási̱ín ndó! ―káchí ra. Ta saá ni̱ya̱a̱ ta̱chi̱ ta takuií mi̱ni ñii ya̱a̱ ya̱a̱ na̱koo rá.

San Lucas 4:35

Ta saá ni̱ka̱ꞌa̱n ta̱Jesús xíꞌin ñandiva̱ꞌa, káchí ra saá: ―¡Kasi yuꞌu̱ ún ta saña ún ta̱yóꞌo! Ta níma̱ ndiva̱ꞌa sa̱nakava ña ta̱ ndeé ndóꞌo nda̱ no̱o̱ ñoꞌo̱, no̱o̱ ndiꞌi ni̱vi. Ta saá sa̱ña ña ra, ta nda̱ loꞌo o̱n vása ní‑satakuéꞌe̱ ña ra.

San Lucas 4:39

Ta saá ta̱Jesús ni̱to̱nda̱a yatin ra no̱o̱ kándúꞌu̱ ñá, ta kíxáꞌá ra xáꞌnda chiño ra no̱o̱ kue̱ꞌe̱ ña saña ña ñáyóꞌo. Ta xa̱ndi̱ko̱n sa̱ña kue̱ꞌe̱ xíꞌin ñá, ta ndu̱va̱ꞌa ñá. Ta nda̱koo ñá, ta ki̱xáꞌá ñá kísa ndivi ñá ña kuxu na.

San Lucas 5:5

Ta nda̱kuii̱n ta̱Simón, káchí ra saá: ―Tata Maestro, xa ni̱kisa chiño ndi̱ niño ñoó, ta nda̱ ñii tia̱ká o̱n vása ní‑tava ndi̱. Ta vitin tuku sakana niꞌni ndi̱ ñono̱, chi saá xa̱ꞌnda chiño ún no̱o̱ ndi̱.

San Lucas 8:25

Ta ni̱ka̱ꞌa̱n ra xíꞌin naxíka xíꞌin ra: ―¿Nda̱chun o̱n vása kándixa ndó Ndios ndáa ra yó? ―káchí ra. Ta nayóꞌo yíꞌví ní na, ta na̱kaꞌnda ní ini na ndóo na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? Chi xáꞌnda chiño ra no̱o̱ ta̱chi̱ naꞌá xíꞌin takuií mi̱ni, ta xíni̱ so̱ꞌo ña to̱ꞌon káꞌa̱n ra ―káchí na.