San Lucas 8:10 - Alacatlatzala Mixtec New Testament

¹⁰ Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Ta ndóꞌó, Ndios ta̱xi ra ña kúnda̱a̱ ini ndó to̱ꞌon ña ñóꞌo seꞌé ña yo̱ꞌvi̱ ní ña káꞌa̱n xa̱ꞌa̱ yichi̱ no̱o̱ xáꞌnda chiño ra. Ta inka̱ ni̱vi kuiti xíni̱ so̱ꞌo na cuento ña ndáto̱ꞌon i̱ xíꞌin na, ta o̱n vása kúnda̱a̱ va̱ꞌa ini na yukía̱ káchí ña. Ta saá ku̱ndivi to̱ꞌon Ndios ña káchí saá: “Vará xíto na, ta o̱n vása xíni̱ na ñanda̱a̱. Vará xíni̱ so̱ꞌo na, ta o̱n vása chíkaa̱ so̱ꞌo na, ni o̱n vása kúnda̱a̱ ini na ña ndáto̱ꞌon i̱”, káchí to̱ꞌon Ndios ―káchí ta̱Jesús.

San Lucas 8:10 Kruisverwysings

San Mateo 11:25

Ta saá ta̱Jesús ni̱ka̱ꞌa̱n ra xíꞌin Ndios, káchí ra saá: ―Tata Yivá i̱, kísa káꞌno i̱ yóꞌó. Yóꞌó kúu ta̱Káꞌno ta̱ xáꞌnda chiño no̱o̱ ndiꞌi ña yóo ñoyívi yóꞌo xíꞌin ña yóo ñoyívi ni̱no. Kísa káꞌno i̱ yóꞌó chi xa sa̱náꞌa ún nayóꞌo, na ni̱no̱ ini kúu na, ta kúnda̱a̱ ini na ñava̱ꞌa xa̱ꞌa̱ ún. Ta chi̱seꞌé ún ñava̱ꞌa yóꞌo no̱o̱ inka̱ ni̱vi na na̱ní nandíchí, xíꞌin na na̱ní na káꞌvi ta tiꞌva ní yóo ñoyívi yóꞌo,

San Mateo 16:17

Ta ni̱ka̱ꞌa̱n ta̱Jesús xíꞌin ra: ―Ñava̱ꞌa ní ke̱ꞌé Ndios xíꞌin ún, tata Simón, sa̱ꞌya ta̱Jonás, chi o̱n si̱ví ni̱vi kúu na sa̱náꞌa yóꞌó ñanda̱a̱ yóꞌo. Ta Yivá i̱ Ndios, ta̱ yóo ñoyívi ni̱no, kúu ta̱ sa̱náꞌa yóꞌó.

San Marcos 4:11

Ta saá ni̱ka̱ꞌa̱n ra xíꞌin na: ―Ta ndóꞌó kúnda̱a̱ ini ndó to̱ꞌon ña ñóꞌo seꞌé ña yo̱ꞌvi̱ ní ña káꞌa̱n xa̱ꞌa̱ yichi̱ no̱o̱ xáꞌnda chiño Ndios, chi saá ta̱xi Ndios ndaꞌa̱ ndó. Ta inka̱ ni̱vi kuiti xíni̱ so̱ꞌo na to̱ꞌon yóꞌo, ta o̱n vása kúnda̱a̱ va̱ꞌa ini na yukía̱ káchí ña.

San Marcos 4:12

Ta saá ku̱ndivi ña ni̱taa ñii ta̱profeta xi̱na̱ꞌá, ka̱chí ra: “Vará xíto na, ta o̱n vása xíni̱ na ñanda̱a̱. Vará xíni̱ so̱ꞌo na, ta o̱n vása chíkaa̱ so̱ꞌo na, ni o̱n vása kúnda̱a̱ ini na ña ndáto̱ꞌon i̱. Ña̱kán o̱n vása nándikó ini na, ta Ndios o̱n kúchiño kasa káꞌno ini ra xa̱ꞌa̱ na”, káchí to̱ꞌon Ndios ―káchí ta̱Jesús.

San Juan 12:40

O̱n vása ní‑xiin na nakoni na ta ko̱ꞌo̱n na yichi̱ ña kúu ñanda̱a̱, ña̱kán kía̱ Ndios ta̱xi ra ña nduu nayóꞌo nda̱tán yóo ni̱vi nakuáá, chi o̱n vása kúchiño na koni na ñanda̱a̱. Ta xa̱ꞌa̱ ña ni̱‑xiin na kandixa na ñanda̱a̱, Ndios ta̱xi ra ña nduu toon ní ka̱ ini na, nduu na ni̱vi na o̱n vása kúchiño kandixa ñanda̱a̱. Ta xa̱ꞌa̱ ni̱vi yóꞌo, Ndios ni̱ka̱ꞌa̱n ra, ka̱chí ra saá: “Nda̱ loꞌo ni̱‑xiin na nandikó ini na, ta ni̱‑xiin na kixi na no̱o̱ i̱ xa̱ꞌa̱ ña sandaꞌa i̱ na ña va̱ꞌa kutaku̱ na yichi̱ nda̱a̱”, ka̱chí Ndios no̱o̱ to̱ꞌon ra ña ni̱taa ta̱Isaías kui̱ya̱ xi̱na̱ꞌá.

Romanos 16:25

¡Ná kasa káꞌno yó Ndios! Chi Ndios kómí ndee̱ ña chikaa̱ ra ndee̱ ini ndóꞌó ña va̱ꞌa kuchiño ndinoꞌo ini ndó kasa ndivi ndó to̱ꞌon ra. Ta to̱ꞌon ra yóꞌo kúu ña káꞌa̱n ndoso i̱ ta sánáꞌa i̱ ndóꞌó xa̱ꞌa̱ Jesucristo. Vará to̱ꞌon va̱ꞌa yóꞌo xi̱kuu ña xi̱nakaa̱ seꞌé kua̱ꞌa̱ ní kui̱ya̱ xi̱na̱ꞌá,

1 Corintios 12:11

Ta ñii la̱á Níma̱ Ndios kúu no̱o̱ káku ndiꞌi ndee̱ va̱ꞌa yóꞌo. Ta ñii ki̱ꞌva nda̱tán yóo ña chíkaa̱ ini mi̱i Níma̱ Ndios saníꞌi ña, saá yóo ndee̱ va̱ꞌa sáníꞌi ña ñii ñii mi̱i yó, ni̱vi na kándixa Jesucristo.

Colosenses 2:2

Saá chi kóni i̱ ña Ndios chikaa̱ ra ndee̱ ini ndó xa̱ꞌa̱ ña ñii kuu ini ndó xíꞌin táꞌan ndó, ta xa̱ꞌa̱ ña kukiꞌvi ní ini ndó koni táꞌan ndó. Saá va̱ꞌa vivíi kutaku̱ ndó nda̱ to̱nda̱a ndó kunda̱a̱ va̱ꞌa ini ndó ñava̱ꞌa chi̱tóni̱ Ndios. Vará siꞌna ñava̱ꞌa yóꞌo ni̱xi̱yo seꞌé ña no̱o̱ yó, ta vitin Ndios xa sa̱náꞌa ra ña no̱o̱ mi̱i yó, ta saá kúnda̱a̱ ini yó ndí ñava̱ꞌa chi̱tóni̱ ra kúu Jesucristo, ta̱a ta̱ ti̱ꞌví Ndios saka̱ku ra ni̱vi.

1 Timoteo 3:16

Ndixa ña káꞌno ní kúu to̱ꞌon ña kándixa yó xa̱ꞌa̱ yichi̱ Jesucristo. To̱ꞌon yóꞌo xi̱nakaa̱ seꞌé ña, ta vitin Ndios sa̱nati̱vi ra ña no̱o̱ yó. Ta to̱ꞌon kándixa yó xa̱ꞌa̱ Jesucristo káchí ña saá: Ndios ndu̱u ra ni̱vi, ta ni̱xika ra no̱o̱ ni̱vi no̱o̱ ñoꞌo̱ yóꞌo. Níma̱ Ndios ki̱sa nda̱a̱ ña ndí ta̱ndii, ta̱ o̱n vása kómí kua̱chi kúu ra. Naángel xi̱ni na ta̱yóꞌo. Ta ni̱vi na kándixa ñaꞌá ni̱ka̱ꞌa̱n ndoso na xa̱ꞌa̱ ra no̱o̱ inka̱ ni̱vi na ndóo ñoo inka̱ xiiña, na o̱n vása kúu najudío. Ta ñoyívi yóꞌo kua̱ꞌa̱ ní ni̱vi ka̱ndixa na ra. Ta saá ke̱e ra ñoyívi yóꞌo, ta nda̱a ra ñoyívi ni̱no, no̱o̱ yóo ndiꞌi ñava̱ꞌa ña livi ña yéꞌe, káchí to̱ꞌon ña kándixa yó.