San Lucas 6:39 - Alacatlatzala Mixtec New Testament

³⁹ Ta nda̱to̱ꞌon ta̱Jesús ñii cuento ña sanáꞌa ra na. Ni̱ka̱ꞌa̱n ra, káchí ra saá: ―¿Án kúchiño ñii ta̱kuáá tiin ra ndaꞌa̱ inka̱ ta̱kuáá ña ko̱ꞌo̱n ra ñii yichi̱? O̱n kúchiño, chi o̱vi̱ ra saá ko̱yo taꞌvi̱.

San Lucas 6:39 Kruisverwysings

San Mateo 13:3

Ta ki̱xáꞌá ra ndáto̱ꞌon ra kua̱ꞌa̱ ní cuento ña sanáꞌa ra na, ta káchí ra saá xíꞌin na: ―Saá ndo̱ꞌo ñii ta̱a ta̱ chíꞌi ndiki̱n trigo.

San Mateo 15:14

Ta saá o̱n kani si̱ni̱ ndó xa̱ꞌa̱ na. Nda̱tán yóo nakuáá tíin na ndaꞌa̱ inka̱ nakuáá kua̱ꞌa̱n na yichi̱, saá yóo nayóꞌo. Tá ñii ta̱kuáá tíin ra ndaꞌa̱ inka̱ ta̱kuáá kua̱ꞌa̱n na yichi̱, ndio̱vi̱ ra saá ko̱yo taꞌvi̱.

San Mateo 23:33

’¡Sa̱ꞌya ko̱o̱ xati̱ kúu ndóꞌó! ¿Ndasaá kuchiño saka̱ku xíꞌin mi̱i ndó ña o̱n ko̱ꞌo̱n ndó nda̱ya?

Romanos 2:19

Ta saá xáni si̱ni̱ ndó ndí va̱ꞌa ní tiꞌva ndó sanáꞌa ndó inka̱ ni̱vi na naa ini, na o̱n vása kúnda̱a̱ ini ñanda̱a̱. Ta xáni si̱ni̱ ndó ndí ni̱vi na o̱n vása xíni̱ nda̱yí Ndios ña ni̱taa ta̱Moisés, nayóꞌo yóo na nda̱tán yóo ni̱vi nakuáá nduchu̱ no̱o̱, án ni̱vi na xíka kua̱ꞌa̱n no̱o̱ naa ní, no̱o̱ o̱n ko̱ó ñoꞌo̱ yéꞌe, saá yóo na. Ña̱kán xáni si̱ni̱ ndó ndí nda̱tán yóo ñoꞌo̱ yéꞌe no̱o̱ ni̱vi yóꞌo, saá yóo ndóꞌó, na kúu najudío.

2 Timoteo 3:13

Ta ni̱vi na o̱n váꞌa, ta ni̱vi na sándáꞌví inka̱ ni̱vi, ñii ñii ki̱vi̱ yáꞌa nduu na na o̱n váꞌa ka̱, ta ñii ñii ki̱vi̱ va̱xi sandáꞌví ka̱ na inka̱ ni̱vi, ta ñii ki̱ꞌva saá inka̱ ni̱vi sandáꞌví na nayóꞌo.