San Lucas 5:11 - Alacatlatzala Mixtec New Testament

¹¹ Ta saá na̱tava na tón barco nda̱ no̱o̱ yi̱chí yuꞌu̱ mi̱ni, ta sa̱ndakoo na ndiꞌi ña kómí na, ta xi̱kundiko̱n na kua̱ꞌa̱n na sa̱ta̱ ta̱Jesús.

San Lucas 5:11 Kruisverwysings

San Mateo 10:37

’Ndiꞌi ni̱vi na kóni ko̱ꞌo̱n yichi̱ i̱, xíni̱ ñóꞌó kukiꞌvi ní ka̱ ini na koni na yi̱ꞌi̱ no̱o̱ naveꞌe mi̱i na. Tá ni̱vi kíꞌvi ka̱ ini na xíni na yivá na, án siꞌí na, án sa̱ꞌya na no̱o̱ yi̱ꞌi̱, ta saá nayóꞌo o̱n vása kómí na nda̱yí kundiko̱n na sa̱ta̱ i̱.

San Mateo 19:27

Ta ni̱ka̱ꞌa̱n ta̱Pedro xíꞌin ra: ―Ta mi̱i ndi̱, xa sa̱ndakoo ndi̱ ndiꞌi ñava̱ꞌa ña xi̱komí ndi̱, xa̱ꞌa̱ ña ndíko̱n ndi̱ sa̱ta̱ ún. ¿Yu kúu ñava̱ꞌa nakiꞌin ndi̱ xa̱ꞌa̱ ñayóꞌo? ―káchí ra.

San Mateo 19:29

Ta ndiꞌi ni̱vi na sa̱ndakoo veꞌe na, án ñani na, án ki̱ꞌva̱ na, án yivá na, án siꞌí na, án ñásíꞌí na, án sa̱ꞌya na, án ñoꞌo̱ na, xa̱ꞌa̱ ña chi̱kaa̱ ini na ko̱ꞌo̱n na yichi̱ no̱o̱ xáꞌnda chiño Ndios, ta nayóꞌo nakiꞌin na ñava̱ꞌa no̱o̱ Ndios. Ñoyívi yóꞌo Ndios taxi ra ndaꞌa̱ na kua̱ꞌa̱ ní ka̱ ñava̱ꞌa, a̱nda̱ ñii ciento ñava̱ꞌa xa̱ꞌa̱ ñii ñii ñava̱ꞌa ña sa̱ndakoo na. Ta saá ñoyívi ni̱no Ndios taxi ra ña kutaku̱ na xíꞌin ra ndiꞌi saá ki̱vi̱ ña va̱xi.

San Mateo 4:20

Ta xa̱ndi̱ko̱n sa̱ndakoo nata̱a yóꞌo ñono̱ na, ta xi̱kundiko̱n na kua̱ꞌa̱n na sa̱ta̱ ta̱Jesús.

San Mateo 4:22

Ta xa̱ndi̱ko̱n sa̱ndakoo nata̱a yóꞌo tón barco na, ta sa̱ndakoo na yivá na, ta xi̱kundiko̱n na kua̱ꞌa̱n na sa̱ta̱ ta̱Jesús.

San Marcos 10:21

Ndi̱ꞌi xi̱ni̱ so̱ꞌo ta̱Jesús ta xi̱to káxín ra no̱o̱ ta̱yóꞌo xa̱ꞌa̱ ña nda̱to̱ꞌon ra, ta ni̱kiꞌvi ini ta̱Jesús xíni ñaꞌá ra. ―Kúma̱ni̱ inka̱ chiño kasa ndivi ún. Kua̱ꞌa̱n ún si̱kó ún ndiꞌi ñakuíká kómí ún, ta saníꞌi ún si̱ꞌún ndaꞌa̱ nandáꞌví. Ta saá kukomí ún ñakuíká ndinoꞌo xíꞌin Ndios ñoyívi ni̱no. Tá ndi̱ꞌi ke̱ꞌé ún ñava̱ꞌa yóꞌo, ta kixi ún kundiko̱n ún yi̱ꞌi̱, ta koo tiꞌva ún xo̱ꞌvi̱ ún xa̱ꞌa̱ i̱ ―káchí ta̱Jesús xíꞌin ra.

San Lucas 5:28

Ta ta̱Leví sa̱ndakoo ra ndiꞌi ña kómí ra, ta na̱kundichi ra, ta kua̱ꞌa̱n ra sa̱ta̱ ta̱Jesús.