San Lucas 4:10 - Alacatlatzala Mixtec New Testament

¹⁰ chi saá káchí to̱ꞌon Ndios: Ndios tiꞌví ra ángel ña chindeé na yóꞌó ta kundaa va̱ꞌa na yóꞌó.

San Lucas 4:10 Kruisverwysings

San Lucas 4:11

Ta naángel natiin na yóꞌó kanóo ún no̱o̱ ndaꞌa̱ na, ko̱to̱ nakava ún no̱o̱ yu̱u̱, ta takuéꞌe̱ ún, káchí to̱ꞌon Ndios ―káchí ñaníma̱ ndiva̱ꞌa xíꞌin ta̱Jesús.

San Lucas 4:3

Ta ki̱xaa̱ ñaníma̱ ndiva̱ꞌa káꞌno no̱o̱ ra ña koto ndoso ña ra, ta ni̱ka̱ꞌa̱n ña xíꞌin ra, káchí ña saá: ―Tá ndixa Sa̱ꞌya Ndios kúu ún, ta va̱ꞌa kaꞌnda chiño ún no̱o̱ yu̱u̱ ña ndóo yóꞌo ná nduu ña si̱ta̱ va̱ꞌa ―káchí ña xíꞌin ta̱Jesús.

San Lucas 4:8

Ta ta̱Jesús nda̱kuii̱n ra, ni̱ka̱ꞌa̱n ra xíꞌin ña: ―¡Kutaꞌa ún no̱o̱ i̱, yóꞌó, ñaníma̱ ndiva̱ꞌa káꞌno Satanás! Chi káchí to̱ꞌon Ndios saá: “Ndasaá kuiti Ndios kasa to̱ꞌó yó, ta kasa ndivi yó chiño ra, ta o̱n kasa to̱ꞌó yó, ni o̱n kasa ndivi yó chiño inka̱ na”, káchí to̱ꞌon Ndios ―saá ni̱ka̱ꞌa̱n ta̱Jesús xíꞌin ñaníma̱ ndiva̱ꞌa.

2 Corintios 11:14

Ta o̱n vása nákaꞌnda ini ndi̱ xíni ndi̱ ña kéꞌé nayóꞌo saá, chi mi̱i ñaníma̱ ndiva̱ꞌa káꞌno Satanás náꞌa ña nda̱tán livi yéꞌe náꞌa ñii ñaángel Ndios.

Hebreos 1:14

Chi ndixa ndiꞌi naángel ndasaá kuiti kúu na níma̱ na xíka chiño no̱o̱ Ndios, ta Ndios tíꞌví ra na ña kixi na chindeé na ni̱vi na kúu na saka̱ku Ndios.