San Lucas 24:49 - Alacatlatzala Mixtec New Testament

⁴⁹ Va̱xi ki̱vi̱ tiꞌví i̱ ñava̱ꞌa ña ni̱ka̱ꞌa̱n Yivá i̱ Ndios ndixa kixaa̱ ña no̱o̱ ndó. Ta xíni̱ ñóꞌó kundati ndó ñoo Jerusalén nda̱ ki̱vi̱ nakiꞌin ndó ndee̱ ña kixi ñoyívi ni̱no ―káchí ta̱Jesús xíꞌin na.

San Lucas 24:49 Kruisverwysings

San Juan 14:26

Ta kixaa̱ ki̱vi̱ Yivá yó Ndios tiꞌví ra Níma̱ ña chíkaa̱ ndee̱ ini ni̱vi, ta xíꞌin nda̱yí ki̱vi̱ i̱ tiꞌví ra Níma̱ yóꞌo, ta kixaa̱ ña kutaku̱ ña ini ndó, ta sanáꞌa ña ndóꞌó ndiꞌi ña xíni̱ ñóꞌó kunda̱a̱ ini ndó, ta sanakáꞌán ña ndóꞌó ndiꞌi to̱ꞌon ña ni̱ka̱ꞌa̱n i̱ xíꞌin ndó.

San Juan 15:26

Ta ni̱ka̱ꞌa̱n ka̱ ta̱Jesús xíꞌin naxíka xíꞌin ra, káchí ra saá: ―Va̱xi ki̱vi̱ kixaa̱ Níma̱ Ndios no̱o̱ ndó, ta Níma̱ yóꞌo kúu ña chíkaa̱ ndee̱ ini ni̱vi, ta ndáto̱ꞌon ña ndasaá kuiti ñanda̱a̱ ndinoꞌo xíꞌin ni̱vi. Níma̱ yóꞌo kee ña no̱o̱ Ndios ta kixaa̱ ña no̱o̱ ndó, chi yi̱ꞌi̱ tiꞌví i̱ ña xíꞌin nda̱yí Yivá i̱, ta Níma̱ Ndios yóꞌo ka̱ꞌa̱n ña xíꞌin ndó ndiꞌi ñanda̱a̱ xa̱ꞌa̱ i̱.

Hechos 1:4

Ñii ki̱vi̱ ña na̱kutáꞌan ta̱Jesús xíꞌin naapóstol yóꞌo, ta xa̱ꞌnda chiño ra no̱o̱ na, ni̱ka̱ꞌa̱n ra, káchí ra saá xíꞌin na: ―O̱n kee ndó ñoo Jerusalén yóꞌo vitin, ta kundati ndó nda̱ ná kixaa̱ mi̱i ñava̱ꞌa ña ki̱ndo̱o Ndios xíꞌin ndó tiꞌví ra kixaa̱ ña no̱o̱ ndó. Mi̱i ñava̱ꞌa yóꞌo kúu ña xa nda̱to̱ꞌon i̱ xíꞌin ndó xa̱ꞌa̱.

Hechos 1:8

Ta ndóꞌó, ki̱vi̱ ña kixaa̱ Níma̱ Ndios ña kutaku̱ ña ini ndó, ta saá nakiꞌin ndó ndee̱ Ndios, ta kuu ndó ni̱vi na ndakuii̱n xa̱ꞌa̱ i̱. Siꞌna kixáꞌá ndó ndato̱ꞌon ndó xa̱ꞌa̱ i̱ xíꞌin ni̱vi na táku̱ ñoo Jerusalén, ta saá ko̱ꞌo̱n ndó ndiꞌi ñoo ña yóo estado Judea, ta saá ko̱ꞌo̱n ndó ndiꞌi ñoo ña yóo estado Samaria, ta saá ko̱ꞌo̱n ndó ndiꞌi ñoo ña yóo ndiꞌi xiiña ñoyívi yóꞌo. Ta ndiꞌi ñoo yóꞌo ndato̱ꞌon ndó xíꞌin ni̱vi xa̱ꞌa̱ i̱ ―káchí ta̱Jesús xíꞌin na.

Hechos 16:7

Ta saá ni̱xaa̱ na ñii xiiña no̱o̱ nákutáꞌan ñoꞌo̱ ña estado Misia xíꞌin ñoꞌo̱ ña estado Bitinia, ta saá kóni na ki̱ꞌvi na ñoo estado Bitinia. Ta tuku ni̱‑xiin Níma̱ Ndios taxi ña ki̱ꞌvi na estado yóꞌo.