San Lucas 24:21 - Alacatlatzala Mixtec New Testament

²¹ Ta ndi̱ꞌi̱, xi̱ndati ndi̱ ta̱Jesús yóꞌo kúu ta̱a ta̱ va̱xi saka̱ku nañoo mi̱i yó naIsrael. Ta ki̱vi̱ vitin ni̱xi̱no̱ u̱ni̱ ki̱vi̱ ña ni̱xiꞌi̱ ra.

San Lucas 24:21 Kruisverwysings

San Lucas 1:68

Ná kasa káꞌno yó Ndios, ta̱ xáꞌnda chiño no̱o̱ mi̱i yó naIsrael, Ndios chi̱ndeé ra ni̱vi nañoo yó na kúu na ndíko̱n ñaꞌá, ta sa̱ka̱ku ra yó.

San Lucas 2:38

Ta ki̱xaa̱ ñáAna no̱o̱ yóo ñáMaría xíꞌin ta̱José xíꞌin tikuáꞌá loꞌo Jesús, ta ni̱ka̱ꞌa̱n ñá xíꞌin Ndios: ―Tata Ndios, táxaꞌvi ún, chi ti̱ꞌví ún tikuáꞌá loꞌo yóꞌo ki̱xaa̱ ra ñoyívi yóꞌo ―káchí ñá. Ta ni̱ka̱ꞌa̱n ñá xa̱ꞌa̱ ta̱Jesús xíꞌin ndiꞌi ni̱vi na kúu na ndáti ndí Ndios saka̱ku ra nañoo Jerusalén.

Hechos 1:6

Ñii ki̱vi̱ na̱kutáꞌan ta̱Jesús xíꞌin naapóstol, ta ni̱nda̱ka̱ to̱ꞌon na ra, káchí na saá xíꞌin ra: ―Tata, ¿án vitin xa ni̱to̱nda̱a ki̱vi̱ kindaa ún ndee̱ ndaꞌa̱ nañoo Roma, ta kixáꞌá mi̱i ún kaꞌnda chiño ún no̱o̱ nañoo yó naIsrael? Ta saá ñoo mi̱i yó tuku kukomí ña ndee̱ ña kaꞌnda chiño ña no̱o̱ mi̱i yó.

Hechos 7:28

¿Án vitin kóni ún kaꞌni ún yi̱ꞌi̱ nda̱tán xa̱ꞌni ún ta̱Egipto ki̱vi̱ koni?”, ka̱chí ra xíꞌin ta̱Moisés.

Apocalipsis 5:9

Ta saá ña ko̱mi̱ táku̱ xíꞌin ndiꞌi na o̱ko̱ ko̱mi̱ nata̱a naxi̱kua̱ꞌa̱ xi̱ta na yaa yi̱i̱ ña xa̱á ña kísa káꞌno na Ndikachi xíꞌin to̱ꞌon yóꞌo: Yóꞌó kómí ún nda̱yí tiin ún nomi tutu yóꞌo. Yóꞌó kómí ún nda̱yí ña nakoná ún ña ndási̱ tutu yóꞌo. Saá chi ni̱so̱ko̱ xíꞌin mi̱i ún no̱o̱ Ndios, ta sa̱takuéꞌe̱ na yóꞌó, ta ni̱xiꞌi̱ ún. Ta xíꞌin ni̱i̱ ún ña ni̱xi̱ta̱, cha̱ꞌvi ún xa̱ꞌa̱ kua̱chi ndiꞌi ni̱vi, ña kuchiño na nduu na sa̱ꞌya Ndios. Ni̱vi na cha̱ꞌvi ún xa̱ꞌa̱, kúu na ki̱xi ndiꞌi saá ñoo válí án ñoo náꞌno ndiꞌi saá xiiña no̱o̱ ñoꞌo̱. Ta kúu na ndiꞌi saá no̱o̱ ni̱vi ñoyívi, ta káꞌa̱n na ndiꞌi saá no̱o̱ to̱ꞌon.