San Lucas 21:25 - Alacatlatzala Mixtec New Testament

²⁵ Ta saá ni̱ka̱ꞌa̱n ta̱Jesús xíꞌin na: ―Ki̱vi̱ xa yatin ndikó i̱ ñoyívi yóꞌo koni ndó seña ñoyívi ni̱no: koto ndó koo seña xíꞌin ki̱mi, xíꞌin yo̱o̱, xíꞌin ño̱ꞌo káꞌno ña yéꞌe. Ta ndiꞌi ni̱vi ñoyívi ndiꞌi ní ini na, ta yi̱ꞌví ní na koni na takuií mi̱ni, chi ndeé ní ni̱ꞌi̱ rá ta nakuita ní ya̱ka̱ rá no̱o̱ rá.

San Lucas 21:25 Kruisverwysings

San Mateo 24:29

Ta tuku ni̱ka̱ꞌa̱n ta̱Jesús, káchí ra saá xíꞌin na: ―Ta ki̱vi̱ ndiꞌi ña xo̱ꞌvi̱ ni̱vi, xa̱ndi̱ko̱n ña ño̱ꞌo káꞌno yéꞌe kunaa no̱o̱ ña, ta tíyo̱o̱ o̱n vása nayeꞌe ka̱ rí, ta tíki̱mi kee rí ñoyívi ni̱no ta ko̱yo rí, ta ndiꞌi ña kómí ndee̱ yóo ñoyívi ni̱no kanda ña ta kisin ndiꞌi ñayóꞌo.

San Mateo 27:45

Ta ni̱to̱nda̱a ka̱a u̱xu̱ o̱vi̱ ma̱ꞌñó ndiví, ta ki̱xáꞌá kúnaa ndiꞌi ñoyívi a̱nda̱ ka̱a u̱ni̱ xikuaa.

San Marcos 13:24

Ta tuku ni̱ka̱ꞌa̱n ta̱Jesús, káchí ra saá xíꞌin na: ―Ta ki̱vi̱ kán, tá ndiꞌi ña xóꞌvi̱ ni̱vi, ta ña ño̱ꞌo káꞌno yéꞌe kunaa no̱o̱ ña, ta tíyo̱o̱ o̱n vása nayeꞌe ka̱ rí,

San Marcos 13:26

Ta saá ndiꞌi ni̱vi koni na yi̱ꞌi̱, ta̱a ta̱ ki̱xi no̱o̱ Ndios, ta va̱xi i̱ ma̱ꞌñó vi̱ko̱, xíꞌin ndee̱ káꞌno, xíꞌin ndiꞌi ña yéꞌe livi.

San Marcos 15:33

Ta ni̱to̱nda̱a ka̱a u̱xu̱ o̱vi̱ ma̱ꞌñó ndiví, ta ki̱xáꞌá kúnaa ndiꞌi ñoyívi a̱nda̱ ka̱a u̱ni̱ xikuaa.

San Lucas 21:24

Natropa kaꞌni na sava ni̱vi xíꞌin espada, ta tiin na inka̱ ni̱vi ko̱ꞌo̱n xíꞌin na kua̱ꞌa̱ ní ñoo xíká, ta kán kasa ndu̱xa̱ na xíꞌin na ña kasa chiño na. Ta ni̱vi na o̱n si̱ví najudío kúu, kuu na kaꞌnda chiño no̱o̱ nañoo Jerusalén. Saá koo ta̱nda̱ to̱nda̱a ki̱vi̱ ña chi̱tóni̱ Ndios ―káchí ta̱Jesús xíꞌin na.

San Lucas 21:26

Sava ni̱vi nda̱ kivi̱ ndu̱ú na xíꞌin ña yíꞌví ní na, ta o̱n vása kunda̱a̱ ini na yukía̱ kundoꞌo ñoyívi yóꞌo. Saá chi ndiꞌi ña kómí ndee̱ yóo ñoyívi ni̱no kanda ña ta kisin ndiꞌi ñayóꞌo.

Hechos 2:19

Ta keꞌé i̱ ñanáꞌno ñoyívi ni̱no ña koto ni̱vi, ta o̱n vása kunda̱a̱ ini na yukía̱ kóni kachí ña, ta nakaꞌnda ní ini ni̱vi koto na ña. Ta keꞌé i̱ inka̱ ñanáꞌno ñoyívi ñoꞌo̱ ña koto ni̱vi xa̱ꞌa̱ ña sanáꞌa i̱ ndee̱ i̱ no̱o̱ na. Saá chi koto na kua̱ꞌa̱ ní ni̱i̱ kui̱ta̱ no̱o̱ ñoꞌo̱, ta koto na ndeé ní xíxi̱ ñoꞌo̱, ta koto na kua̱ꞌa̱ ní ñi̱ꞌma̱ koo.

Apocalipsis 20:11

Ta xi̱ni i̱ ñii táyi̱ yi̱i̱ tón to̱ꞌó káꞌno, tón yaa kúu nó, ta Ndios kúu ta̱a ta̱ yóo no̱o̱ táyi̱ yóꞌo. Ta ñoyívi no̱o̱ ñoꞌo̱ xíꞌin ñoyívi ni̱no ke̱e ña xíno ña kua̱ꞌa̱n xíká ña no̱o̱ Ndios, ta nda̱ ñii ni̱vi o̱n kuchiño koto ka̱ na ña.