San Lucas 19:4 - Alacatlatzala Mixtec New Testament

⁴ Ta saá ke̱e ra, xíno ra kua̱ꞌa̱n siꞌna ra, ta ni̱xaa̱ ra no̱o̱ kúma̱ni̱ yaꞌa ta̱Jesús. Ta ta̱Zaqueo nda̱a ra ndaꞌa̱ ñii yito̱n tón sicómoro káꞌno, ña kuchiño koni ra ta̱Jesús.

San Lucas 19:4 Kruisverwysings

San Lucas 17:6

Ta nda̱kuii̱n ta̱Jesús, káchí ra saá: ―Ñii ndiki̱n mostaza, loꞌo ní ña. Ta ndóꞌó, tá kandixa ndó Ndios, vará nda̱ loꞌo kuiti, nda̱tán yóo ndiki̱n mostaza, ta xa̱ꞌa̱ ña loꞌo kuiti kandixa ndó, ñayóꞌo taxi ña kukomí ndó ndee̱ kaꞌnda chiño ndó no̱o̱ yito̱n káꞌno tón sicómoro yóꞌo, ta kasa ndivi nó to̱ꞌon ndó. Tá ka̱ꞌa̱n ndó xíꞌin yito̱n yóꞌo: “Kutaꞌa ún, ta kua̱ꞌa̱n ún kunakaa̱ ún ini takuií”, ta kasa ndivi yito̱n yóꞌo ña ka̱ꞌa̱n ndó ―káchí ta̱Jesús xíꞌin na.

San Lucas 19:3

Ta kóni ra koto ra yu kúu ta̱Jesús, ta o̱n vása kúchiño ra, chi chútú ní ni̱vi. Saá chi ta̱Zaqueo kúu ra ta̱a ta̱ kuítí ní.

San Lucas 19:5

Ta ni̱xaa̱ ta̱Jesús xa̱ꞌa̱ yito̱n no̱o̱ kánóo ta̱Zaqueo, ta na̱koto ndaa ra, ta xi̱ni ra ta̱Zaqueo, ta ni̱ka̱ꞌa̱n ra xíꞌin ra: ―Tata, xa̱ndi̱ko̱n noo ún chi xíni̱ ñóꞌó kindo̱o i̱ veꞌe ún ki̱vi̱ vitin ―káchí ta̱Jesús.

San Lucas 5:19

Ta chútú nda̱a̱ ni̱vi, ta ni̱‑kuchiño ki̱ꞌvi na xíꞌin xi̱to no̱o̱ kánóo ta̱ o̱n ki̱ví kanda. Ta saá nda̱a na si̱ni̱ veꞌe, ndíso na xi̱to no̱o̱ kánóo ra, ta ki̱ndaa na sava chíyó ña ni̱xo̱na̱ ñii yavi̱ no̱o̱ kúchiño sanoo na ta̱yóꞌo no̱o̱ ta̱Jesús.