San Lucas 18:6 - Alacatlatzala Mixtec New Testament

⁶ Ta ni̱ka̱ꞌa̱n ka̱ ra xíꞌin na: ―Koni̱ so̱ꞌo va̱ꞌa ndó to̱ꞌon ni̱ka̱ꞌa̱n ta̱juez. Vará ta̱ o̱n váꞌa kúu ra, ta ki̱sa ndivi ra ñanda̱a̱ xíꞌin ñáñaꞌa̱ yóꞌo, chi ndiꞌi saá ki̱vi̱ xáku ndáꞌví ñá no̱o̱ ra.

San Lucas 18:6 Kruisverwysings

San Mateo 5:45

Tá kéꞌé ndó ñava̱ꞌa xíꞌin ni̱vi na sáa̱ ini xíni ndóꞌó, ta saá ni̱vi kunda̱a̱ ini na ndixa kúu ndó sa̱ꞌya Yivá yó Ndios, ta̱ yóo ñoyívi ni̱no. Chi Ndios kéꞌé ra ñava̱ꞌa xíꞌin ndiꞌi ni̱vi; chíndúꞌu̱ ra ña yeꞌe ño̱ꞌo no̱o̱ ni̱vi na o̱n váꞌa xíꞌin no̱o̱ ni̱vi na va̱ꞌa, ta sákoon ra sa̱vi̱ no̱o̱ ni̱vi na va̱ꞌa xíꞌin no̱o̱ ni̱vi na o̱n váꞌa.

San Lucas 7:13

Ta xi̱ni ta̱Jesús ñáyóꞌo, ta na̱taꞌví ní ini ra xi̱ni ñaꞌá ra, ta ni̱ka̱ꞌa̱n ra xíꞌin ñá: ―O̱n kuaku ún ―káchí ra xíꞌin ñá.

San Lucas 7:19

ta ti̱ꞌví ra na kua̱ꞌa̱n na no̱o̱ ta̱Jesús, ña nda̱ka̱ to̱ꞌon na ra siꞌa: ―¿Án yóꞌó kúu ta̱a ta̱ ndáti ndi̱ tiꞌví Ndios saka̱ku ra na ñoyívi yóꞌo, án kundati ka̱ ndi̱ inka̱ ra?

Santiago 2:4

Tá saá kísa ndivi yó xíꞌin ni̱vi, ñayóꞌo sánáꞌa ndí náka̱xin yó ni̱vi chi va̱ꞌa ka̱ na̱kiꞌin yó nakuíká no̱o̱ nandáꞌví. Nda̱tán yóo nachiño na o̱n vása va̱ꞌa kísa nani kua̱chi, saá yóo mi̱i yó, tá náka̱xin yó ni̱vi.