San Lucas 12:5 - Alacatlatzala Mixtec New Testament

⁵ Va̱ꞌa ka̱ kuyi̱ꞌví ndó no̱o̱ Ndios, chi Ndios kivi sandiꞌi ra xa̱ꞌa̱ yi̱kí ko̱ñu ndó, ta kómí ra ndee̱ sakana ra ndóꞌó nda̱ya. Ña̱kán kía̱, va̱ꞌa ka̱ kuyi̱ꞌví ndó no̱o̱ Ndios.

San Lucas 12:5 Kruisverwysings

San Mateo 10:28

O̱n kuyi̱ꞌví ndó no̱o̱ ni̱vi na kóni kaꞌni ndóꞌó, chi o̱n kuchiño na sandiꞌi na xa̱ꞌa̱ níma̱ ndó. Va̱ꞌa ka̱ kuyi̱ꞌví ndó no̱o̱ Ndios, chi Ndios kivi sandiꞌi ra xa̱ꞌa̱ yi̱kí ko̱ñu ndó xíꞌin níma̱ ndó, ta sakana ra ndóꞌó nda̱ya.

San Mateo 25:41

’Ta yi̱ꞌi̱, ta̱Rey, ka̱ꞌa̱n i̱ xíꞌin na ndóo no̱o̱ yóo ndaꞌa̱ yitin i̱: “Kutaꞌa ndó no̱o̱ i̱, ndóꞌó na ndíso chiꞌña. Kua̱ꞌa̱n ndó koꞌon ndó no̱o̱ xíxi̱ ñoꞌo̱ ña o̱n vása nda̱ꞌva̱ ndiꞌi saá ki̱vi̱, chi Ndios ki̱sa va̱ꞌa ra ñoꞌo̱ xíxi̱ yóꞌo ña xo̱ꞌvi̱ ní ñaníma̱ ndiva̱ꞌa káꞌno xíꞌin ndiꞌi inka̱ níma̱ ndiva̱ꞌa táꞌan mi̱i ña.

San Mateo 25:46

Ta na o̱n váꞌa yóꞌo ko̱ꞌo̱n na no̱o̱ xo̱ꞌvi̱ ní na ndiꞌi saá ki̱vi̱ ña va̱xi, ta ni̱vi na va̱ꞌa ko̱ꞌo̱n na kutaku̱ na xíꞌin Ndios ndiꞌi saá ki̱vi̱ ña va̱xi ―káchí ta̱Jesús.

San Mateo 5:22

Ta vitin yi̱ꞌi̱ káꞌa̱n i̱ xíꞌin ndó, tá yóo ñii ta̱a ta sáa̱ ní ini ra xíni ra ñani ra, ta ta̱ sáa̱ ini yóꞌo ndíso ra kua̱chi no̱o̱ Ndios. Tá yóo ñii ta̱a káꞌa̱n ra to̱ꞌon ña kándiva̱ꞌa ra xíꞌin ñani ra, ta ta̱ káꞌa̱n to̱ꞌon yóꞌo ndíso ra kua̱chi no̱o̱ nachiño náꞌno. Tá yóo ñii ta̱a káꞌa̱n ra to̱ꞌon ña sáta̱vi̱ chiꞌña ra ñani ra, káchí ra saá: “Ta̱kíꞌví kúu ún”, ta ta̱yóꞌo kúu ta̱a ta̱ kua̱ꞌa̱n yichi̱ no̱o̱ ko̱ꞌo̱n ra nda̱ya no̱o̱ xíxi̱ ñoꞌo̱ ndiꞌi saá ki̱vi̱.

San Marcos 13:23

Ta ndóꞌó koto va̱ꞌa ndó, chi vitin kúnda̱a̱ ini ndó ndiꞌi ñayóꞌo, chi xa nda̱to̱ꞌon i̱ xíꞌin ndó ―káchí ta̱Jesús xíꞌin naxíka xíꞌin ra.

1 Tesalonicenses 4:6

Ta o̱n taxi xíꞌin mi̱i ndó keꞌé ndó ña o̱n váꞌa saá xíꞌin nañani yó án náki̱ꞌva̱ yó na kándixa Jesucristo. Tá ki̱ꞌvi ndó kua̱chi xíꞌin ñásíꞌí ñani ndó án xíꞌin yii̱ ki̱ꞌvi̱ ndó, ta ñayóꞌo kúu kua̱chi ña sándáꞌví ndó ni̱vi na ndíko̱n Jesucristo xíꞌin yó, ta Ndios saxo̱ꞌvi̱ ra ndóꞌó xa̱ꞌa̱ ña o̱n váꞌa yóꞌo, nda̱tán yóo ña ni̱ka̱ꞌa̱n ndi̱ xíꞌin ndó.

Hebreos 10:31

¡Yi̱yo ní ki̱vi̱ ña va̱xi ndí Ndios, ta̱a ta̱táku̱ ndinoꞌo, saxo̱ꞌvi̱ ra ni̱vi xa̱ꞌa̱ kua̱chi na!

2 Pedro 2:4

Chi Ndios o̱n vása ní‑kisa káꞌno ini ra xa̱ꞌa̱ naángel na ni̱ki̱ꞌvi kua̱chi xi̱na̱ꞌá, ta sa̱kana ra na kua̱ꞌa̱n na nda̱ya, ta nóꞌni na ñóꞌo na no̱o̱ naa, ña ndáti na a̱nda̱ kixaa̱ ki̱vi̱ ña kasa nani ra xa̱ꞌa̱ ndiꞌi kua̱chi.

Apocalipsis 14:7

Ta xíꞌin ndiꞌi ndee̱, ñaángel káꞌa̱n ña, káchí ña saá: ―Kasa to̱ꞌó ndó Ndios ta kasa káꞌno ndó ra, chi xa ki̱xaa̱ ki̱vi̱ ndí Ndios kasa nani ra xa̱ꞌa̱ kua̱chi ndiꞌi ni̱vi. Kasa káꞌno ndó Ndios, ta̱a ta̱ ki̱sa va̱ꞌa ndiꞌi ñoyívi ni̱no xíꞌin ñoyívi no̱o̱ ñoꞌo̱ kúu ra, ta ki̱sa va̱ꞌa ra takuií mi̱ni xíꞌin ndiꞌi xiiña no̱o̱ káku takuií ―káchí ñaángel.

Apocalipsis 15:4

Ndiꞌi ni̱vi xíni̱ ñóꞌó kasa to̱ꞌó na yóꞌó, Tata Yivá yó Ndios, ta xíni̱ ñóꞌó kasa káꞌno na yóꞌó, chi ñii la̱á yóꞌó kuiti kúu ta̱a ta̱yi̱i̱ ndinoꞌo. Ndiꞌi ni̱vi na ki̱xi ndiꞌi saá ñoo kixaa̱ na no̱o̱ ún, ta kasa káꞌno na yóꞌó, chi kunda̱a̱ ini na ndí yóꞌó kúu ta̱nda̱a̱, ta xíꞌin ña ndixa nda̱a̱ kísa nani ún xa̱ꞌa̱ kua̱chi, saá xíta na ñoyívi ni̱no, xi̱ni̱ so̱ꞌo i̱.

Apocalipsis 20:14

Ta saá naángel Ndios ti̱in na ndee̱ ña xáꞌni ni̱vi, ta ti̱in na ña na̱ní Hades, ta sa̱kana na ñayóꞌo, na̱ko̱yo ña no̱o̱ ndíka̱ xíxi̱ ñoꞌo̱ ndiꞌi saá ki̱vi̱. Ta saá tuku naángel Ndios ti̱in na ndiꞌi ni̱vi na o̱n ko̱ó ki̱vi̱ ní‑kaꞌyi̱ no̱o̱ tutu no̱o̱ ni̱ka̱ꞌyi̱ ki̱vi̱ ni̱vi na kutaku̱ xíꞌin Ndios, ta sa̱kana na ni̱vi yóꞌo ña nako̱yo na no̱o̱ ndíka̱ xíxi̱ ñoꞌo̱. Ta ña kundoꞌo ni̱vi yóꞌo na̱ní “ña kivi̱ na yichi̱ o̱vi̱.”