San Lucas 11:16 - Alacatlatzala Mixtec New Testament

¹⁶ Ta inka̱ ni̱vi kóni koto ndoso na ta̱Jesús, ta ndu̱kú na no̱o̱ ra ña keꞌé ra ñii milagro ña sanáꞌa ra no̱o̱ na ña ndixa kómí ra ndee̱ Ndios.

San Lucas 11:16 Kruisverwysings

San Lucas 11:29

Tá kua̱ꞌa̱ ní ni̱vi na̱kutáꞌan na ta ki̱xaa̱ yatin na, ta ta̱Jesús ki̱xáꞌá ra káꞌa̱n ra xíꞌin na, káchí ra saá: ―Ni̱vi na táku̱ ñoyívi yóꞌo vitin kúu na na ndiva̱ꞌa ní ini. Saá chi ndúkú na ñii milagro no̱o̱ i̱ ña kandixa na ndí ta̱a ta̱ ki̱xi no̱o̱ Ndios kúu i̱. Ta o̱n keꞌé i̱ inka̱ milagro ña koto na, chi va̱ꞌa ka̱ xíni̱ ñóꞌó kunda̱a̱ ini na ña ni̱ndoꞌo ta̱profeta Jonás kui̱ya̱ xi̱na̱ꞌá.

San Juan 6:30

Ta saá ni̱nda̱ka̱ to̱ꞌon tuku na ra: ―¿Ndá milagro kúu ña keꞌé ún no̱o̱ ndi̱ ña koni ndi̱, ta saá kandixa ndi̱ ndí yóꞌó kúu ún ta̱a ta̱ ti̱ꞌví Ndios? Ta vitin, ¿yu kúu ña keꞌé ún?

San Juan 8:6

Saá ni̱nda̱ka̱ to̱ꞌon na ta̱Jesús chi ndúkú na ña nakava ra kua̱chi, ña̱kán kuchiño na taxi na kua̱chi xa̱ꞌa̱ ra no̱o̱ nachiño. Ta ta̱Jesús o̱n vása ní‑ndakuii̱n ra yuꞌu̱ na, ta chi̱ndee ra no̱o̱ ra, ta xíꞌin nduku ndaꞌa̱ ra, ki̱xáꞌá ra táa ra no̱o̱ ñoꞌo̱.

1 Corintios 1:22

Ta najudío, tá o̱n ko̱ó seña náꞌno ña nakaꞌnda ini na koto na, ta o̱n xi̱in na kandixa na to̱ꞌon ña ndáto̱ꞌon ndi̱. Ta nagriego, tá o̱n koni̱ so̱ꞌo na to̱ꞌon ña xáni si̱ni̱ na kúu to̱ꞌon ndíchí ní, ta o̱n xi̱in na kandixa na to̱ꞌon ña ndáto̱ꞌon ndi̱.