San Lucas 1:53 - Alacatlatzala Mixtec New Testament

⁵³ Ndios ta̱xi ra kua̱ꞌa̱ ní ñaxíxi ndaꞌa̱ ni̱vi nandáꞌví na xíꞌi̱ so̱ko, ta ta̱xi ra ni̱vi nakuíká kua̱ꞌa̱n vi̱chí na.

San Lucas 1:53 Kruisverwysings

San Mateo 5:6

’Tá nándukú ndó Ndios, nda̱tán ni̱vi na xíꞌi̱ ní so̱ko án na yíchi̱ ní takuií nándukú na ña kuxu na, án ña koꞌo na, ta xa̱ꞌa̱ ñayóꞌo nákaa̱ ñasi̱i̱ níma̱ ndó, chi ñii ki̱vi̱ Ndios taxi ra ña kutú ini ndó xíꞌin ñava̱ꞌa.

San Lucas 1:54

Ndios chi̱ndeé ra naIsrael, ndiꞌi saá ki̱vi̱ kúndáꞌví ini ra xíni ra na,

San Lucas 6:21

’Tá nándukú ndó Ndios, nda̱tán ni̱vi na xíꞌi̱ ní so̱ko nándukú na ña kuxu na, ta xa̱ꞌa̱ ñayóꞌo nákaa̱ ñasi̱i̱ níma̱ ndó, chi Ndios taxi ra ña kutú ini ndó xíꞌin ñava̱ꞌa. ’Tá kúchuchú ini ndó ta̱nda̱ xáku ndó xa̱ꞌa̱ ñoyívi yóꞌo, ta xa̱ꞌa̱ ñayóꞌo nákaa̱ ñasi̱i̱ níma̱ ndó, chi va̱xi ki̱vi̱ Ndios sakutú ka̱ ra ñasi̱i̱ ní níma̱ ndó.

San Lucas 6:24

’¡Ndáꞌví ní ndóꞌó nakuíká!, chi kúsii̱ ní ini ndó xíꞌin ña yóo ñoyívi yóꞌo.

San Juan 6:35

Ta nda̱kuii̱n ta̱Jesús ni̱ka̱ꞌa̱n ra xíꞌin na: ―Yi̱ꞌi̱ kúu si̱ta̱ va̱ꞌa ndinoꞌo, ta táxi i̱ ña kutaku̱ ndinoꞌo ni̱vi. Ta ni̱vi na ndíko̱n yi̱ꞌi̱ nda̱ ñii ki̱vi̱ o̱n kivi̱ ka̱ na so̱ko, ta ni̱vi na kándixa yi̱ꞌi̱ nda̱ ñii ki̱vi̱ o̱n yi̱chi̱ ka̱ na takuií.

1 Corintios 1:26

Ndóꞌó nañani yó xíꞌin náki̱ꞌva̱ yó, va̱ꞌa nakáꞌán ndó ndasaá ni̱xi̱yo ndó ki̱vi̱ na̱kana Ndios ndóꞌó ña kundiko̱n ndó yichi̱ Jesucristo, chi loꞌo ní ndóꞌó xi̱kuu ni̱vi na kánóo to̱ꞌon xa̱ꞌa̱ ndí xi̱kuu ndó ni̱vi na ndíchí si̱ni̱. Ta loꞌo ní ndóꞌó xi̱kuu ni̱vi na xi̱komí ndee̱ ña xi̱xaꞌnda chiño ndó no̱o̱ kua̱ꞌa̱ ní inka̱ ni̱vi, ta loꞌo ní ndóꞌó xi̱kuu naveꞌe ni̱vi nakuíká ní.

1 Corintios 4:8

Chi ndóꞌó xáni si̱ni̱ ndó ndí xa kómí ndó ndiꞌi ña kúsii̱ ini ndó xíni ndó, ta xáni si̱ni̱ ndó ndí nakuíká ní kúu ndó chi kómí ndó ndiꞌi ndee̱ va̱ꞌa ña sa̱níꞌi Ndios ndaꞌa̱ ndó. Ta xáni si̱ni̱ ndó ndí xa ndu̱u ndó nda̱tán yóo narey na xáꞌnda chiño, ta o̱n vása xíni̱ ñóꞌó ka̱ ña chindeé ndi̱ ndóꞌó, xáni si̱ni̱ ndó. Ta saá ni, tá ndixa kuu ndó narey, ta ñava̱ꞌa ní ví kuu ñayóꞌo no̱o̱ ndi̱. Chi saá ñii káchí mi̱i ndi̱ kaꞌnda chiño ndi̱ xíꞌin ndó vitin, níkúu.