San Lucas 1:30 - Alacatlatzala Mixtec New Testament

³⁰ Ta saá káꞌa̱n ka̱ ñaángel xíꞌin ñá: ―O̱n kuyi̱ꞌví ún, chi Ndios taxi ra ñii ñato̱ꞌó ní ndaꞌa̱ ún.

San Lucas 1:30 Kruisverwysings

San Mateo 14:27

Ta saá kama ni̱ka̱ꞌa̱n ta̱Jesús xíꞌin na: ―O̱n kundiꞌi ini ndó, chi yi̱ꞌi̱ va kúu i̱. O̱n kuyi̱ꞌví ndó ―káchí ta̱Jesús xíꞌin na.

San Mateo 28:5

Ta ñaángel ni̱ka̱ꞌa̱n ña xíꞌin násíꞌí yóꞌo: ―O̱n kuyi̱ꞌví ndó, saá chi yi̱ꞌi̱ xíni̱ i̱ ndí ndóꞌó nándukú ndó ta̱Jesús, ta̱a ta̱ ka̱takaa̱ ndaa na ndaꞌa̱ tón cruz.

San Lucas 1:13

Ta saá ni̱ka̱ꞌa̱n ñaángel xíꞌin ra: ―Tata Zacarías, o̱n kuyi̱ꞌví ún, chi Ndios xi̱ni̱ so̱ꞌo ra ña ni̱ka̱ꞌa̱n ún xíꞌin ra, ta keꞌé ra ñii ñava̱ꞌa xíꞌin ndó: koo sa̱ꞌya ún xíꞌin ñásíꞌí ún ñáElisabet, ta chinóo ndó ki̱vi̱ ra kunaní ra Juan.

San Lucas 12:32

Ta ni̱ka̱ꞌa̱n ka̱ ta̱Jesús xíꞌin naxíka xíꞌin ra, káchí ra saá: ―Nda̱tán yóo ñii tiꞌvi ndikachi sa̱na̱ i̱, saá yóo ndóꞌó. Ta o̱n kuyi̱ꞌví ndó, chi kúsii̱ ini Ndios taxi ra ndaꞌa̱ ndó ñava̱ꞌa kómí ra no̱o̱ xáꞌnda chiño ra.

Hechos 27:24

Ta ni̱ka̱ꞌa̱n ñaángel yóꞌo xíꞌin i̱, ka̱chí ña saá: “O̱n kuyi̱ꞌví ún, Pablo, chi ndixa xaa̱ ún no̱o̱ ta̱rey César ña kasa nani ra kua̱chi xa̱ꞌa̱ ún. Ta inka̱ ñava̱ꞌa keꞌé Ndios xíꞌin ún kuu ña saka̱ku ra ndiꞌi ni̱vi na ñóꞌo ini tón barco xíꞌin ún, ta nda̱ ñii ndóꞌó o̱n kivi̱ ndó”, ka̱chí ñaángel xíꞌin i̱.

Romanos 8:31

Ta xa̱ꞌa̱ ñava̱ꞌa yóꞌo ña kéꞌé Ndios xíꞌin yó, ¿ndá to̱ꞌon ka̱ kúchiño ka̱ꞌa̱n yó? Saá chi tá Ndios yóo ra xíꞌin yó, ta Ndios ndákuii̱n ra xa̱ꞌa̱ yó, ta saá, ¿yu kúu na kundeé kuchiño no̱o̱ yó?

Hebreos 13:6

Ña̱kán kúchiño ka̱ꞌa̱n yó xíꞌin ndinoꞌo ini yó, kachí yó saá: “Mi̱i Ndios kúu ta̱a ta̱ yóo chíndeé yi̱ꞌi̱, ta saá nda̱ loꞌo o̱n kuyi̱ꞌví i̱ nda̱ yukú no̱o̱ ña o̱n váꞌa ndukú ni̱vi keꞌé na xíꞌin i̱”, saá kachí yó.