San Juan 9:1 - Alacatlatzala Mixtec New Testament

¹ Ta ta̱Jesús xíka ra kua̱ꞌa̱n ra, ta na̱kutáꞌan ra xíꞌin ñii ta̱a ta̱kuáá. Ta ta̱yóꞌo, ta̱kuáá nduchu̱ no̱o̱ kúu ra ka̱ku ra.

San Juan 9:1 Kruisverwysings

San Mateo 20:30

Ta ndóo o̱vi̱ ta̱kuáá yuꞌu̱ yichi̱ yóꞌo, ta xi̱ni̱ so̱ꞌo ra yáꞌa ta̱Jesús yichi̱, ta xíꞌin ndiꞌi ndee̱ ra ni̱ka̱ꞌa̱n ra, káchí ra saá: ―Tata, sa̱ꞌya ta̱David, ¡ná kundáꞌví ini ún koni ún ndi̱ꞌi̱! ―káchí ra.

San Mateo 9:27

Ta ke̱e ta̱Jesús kua̱ꞌa̱n ra, ta o̱vi̱ ta̱kuáá ndíko̱n ra sa̱ta̱ ra kua̱ꞌa̱n ra, ta ndáꞌyi o̱vi̱ saá ta̱kuáá, káchí ra saá: ―Tata, sa̱ꞌya ta̱David, ¡ná kundáꞌví ini ún koni ún ndi̱ꞌi̱! ―káchí o̱vi̱ ta̱kuáá yóꞌo.

San Marcos 9:21

Ta ta̱Jesús ni̱nda̱ka̱ to̱ꞌon ra yivá ta̱loꞌo: ―¿Ama ki̱xáꞌá ra ndóꞌo ra kue̱ꞌe̱ yóꞌo? Ta ni̱ka̱ꞌa̱n yivá ta̱loꞌo: ―Ki̱xáꞌá ña xíꞌin ra nda̱ loꞌo ra.

San Lucas 8:43

Ta yóo ñii ñaꞌa̱ kua̱ꞌa̱n ñá xíꞌin ni̱vi na kua̱ꞌa̱n sa̱ta̱ ta̱Jesús, ta xa u̱xu̱ o̱vi̱ kui̱ya̱ ndeé ní ndóꞌo ñá kue̱ꞌe̱ xíta̱ ni̱i̱. Ta xa ni̱xa̱ꞌa̱n ñá no̱o̱ kua̱ꞌa̱ ní ndotor, ta sa̱ndiꞌi ñá si̱ꞌún ñá. Ta o̱n vása ní‑kuchiño nduva̱ꞌa ñá.

San Juan 5:5

Ta ini ñii tia̱ꞌva ña xi̱no nduu pozo yóꞌo, kándúꞌu̱ ñii ta̱a ta̱ ndeé ndóꞌo, chi o̱n ki̱ví kanda xa̱ꞌa̱ ra. Ta xa o̱ko̱ xa̱ꞌo̱n u̱ni̱ kui̱ya̱ yóo ña o̱n vása kúchiño kaka ra.

San Juan 8:59

Tá ndi̱ꞌi xi̱ni̱ so̱ꞌo na to̱ꞌon yóꞌo, ta ni̱saa̱ ní ka̱ ini na xi̱ni na ta̱Jesús, ta ki̱xáꞌá na tíin na yu̱u̱, ña kóni na koon na yu̱u̱ ra ña kaꞌni na ra. Ta ta̱Jesús ni̱ki̱ꞌvi ra ma̱ꞌñó ni̱vi, ta ni̱‑kuchiño na koni ka̱ na ra, ta ke̱e ra veꞌe ño̱ꞌo káꞌno kua̱ꞌa̱n ra.

San Juan 9:2

Ta naxíka xíꞌin ta̱Jesús ni̱nda̱ka̱ to̱ꞌon na ra, káchí na saá: ―Tata Rabí, ¿yukú na ndíso kua̱chi, xa̱ꞌa̱ ña ka̱ku ta̱yóꞌo kuáá nduchu̱ no̱o̱ ra? ¿Án yivá ra xíꞌin siꞌí ra, án mi̱i ra ndíso kua̱chi xa̱ꞌa̱ ña ka̱ku kuáá ra?

Hechos 14:8

Ta ñoo Listra táku̱ ñii ta̱a, ta̱ o̱n ki̱ví kaka xáꞌá kúu ra, ta̱nda̱ ki̱vi̱ ka̱ku ra ta̱nda̱ vitin o̱n ki̱ví kaka xáꞌá ra.

Hechos 28:4

Tá xi̱ni ni̱vi ña ti̱in tíko̱o̱ xati̱ yóꞌo ndaꞌa̱ ta̱Pablo, ta ni̱ka̱ꞌa̱n xíꞌin táꞌan na, káchí na saá: ―Ndixa ta̱yóꞌo kúu ra ñii ta̱a ta̱ o̱n váꞌa ta̱ xa̱ꞌni ni̱vi, ta xa̱ꞌa̱ ñayóꞌo ndios ña kísa to̱ꞌó yó ña na̱ní “ñanda̱a̱” o̱n taxi ka̱ ña kutaku̱ ta̱yóꞌo. Vará ku̱chiño ra ni̱ka̱ku ra no̱o̱ takuií mi̱ni, ta vitin ndios mi̱i yó yóꞌo chi̱tóni̱ ña kivi̱ ra ―káchí na, káꞌa̱n na xíꞌin táꞌan na.

Hechos 4:22

Saá chi ta̱a ta̱ xi̱kuu ta̱ o̱n ki̱ví kanda xa̱ꞌa̱ ta ndu̱va̱ꞌa ra, yáꞌa o̱vi̱ si̱ko̱ kui̱ya̱ kómí ra.

Hechos 9:33

Ta ñoo yóꞌo ni̱xaa̱ ra no̱o̱ kándúꞌu̱ ñii ta̱a ta̱ na̱ní Eneas, ta ta̱yóꞌo kúu ñii ta̱a ta̱ o̱n ki̱ví kanda, ta xa o̱na̱ kui̱ya̱ kúu ña o̱n ki̱ví kaka xáꞌá ra, ta kuiti kándúꞌu̱ ra no̱o̱ xi̱to ra.