San Juan 8:53 - Alacatlatzala Mixtec New Testament

⁵³ ¿Án xáni si̱ni̱ ún kúu ún ta̱ káꞌno ka̱ no̱o̱ ta̱Abraham, xi̱i̱ síkuá yó? ¿Án xáni si̱ni̱ ún kúu ún ta̱ káꞌno ka̱ no̱o̱ inka̱ naprofeta? Ndiꞌi nayóꞌo, xa ni̱xiꞌi̱ na. ¿Yu kúu yóꞌó, ña̱kán kísa káꞌno xíꞌin mi̱i ún? ―káchí na xíꞌin ra.

San Juan 8:53 Kruisverwysings

San Mateo 12:6

Ta ndixa káꞌa̱n i̱ xíꞌin ndó, yi̱ꞌi̱ kúu ta̱a ta̱ kómí ní ka̱ nda̱yí no̱o̱ veꞌe ño̱ꞌo káꞌno.

San Mateo 3:9

Saá chi o̱n váꞌa kani si̱ni̱ ndó ndí xa̱ꞌa̱ ña kúu ndó sa̱ꞌya ñani síkuá ta̱Abraham, Ndios saka̱ku ra ndóꞌó. Ta káꞌa̱n i̱ xíꞌin ndó, Ndios kúchiño ra ndasa ra yu̱u̱ yóꞌo ni̱vi na kuu sa̱ꞌya ñani síkuá ta̱Abraham.

San Juan 10:33

Ta nanáꞌno no̱o̱ najudío yóꞌo nda̱kuii̱n na, káchí na saá xíꞌin ra: ―O̱n si̱ví xa̱ꞌa̱ ña milagro va̱ꞌa ke̱ꞌé ún kúu ña kóni ndi̱ kaꞌni ndi̱ yóꞌó, ta xa̱ꞌa̱ to̱ꞌon ña o̱n váꞌa káꞌa̱n ún xa̱ꞌa̱ Ndios kúu ña kóni ndi̱ kaꞌni ndi̱ yóꞌó, chi vará ndasaá kuiti ñii ta̱a kúu ún, ta káꞌa̱n ún xa̱ꞌa̱ mi̱i ún kúu ún Ndios ―káchí na xíꞌin ra.

San Juan 12:34

Ta nda̱kuii̱n ni̱vi, ni̱ka̱ꞌa̱n na, káchí na saá: ―Xa ka̱ꞌvi ndi̱ to̱ꞌon Ndios ña ni̱taa na kui̱ya̱ xi̱na̱ꞌá ña káchí xa̱ꞌa̱ Cristo, ta̱a ta̱ tiꞌví Ndios. Ta to̱ꞌon yóꞌo káchí ña ndí Cristo kutaku̱ ra ndiꞌi saá ki̱vi̱ ña va̱xi. Ta yóꞌó káchí ún ndí ndaníꞌi na ta̱a ta̱ ki̱xi no̱o̱ Ndios, ta sandaa na ra ndaꞌa̱ tón cruz. Ta, ¿yu kúu ta̱a ta̱ káꞌa̱n ún xa̱ꞌa̱, ta̱ káchí ún kúu ta̱a ta̱ ki̱xi no̱o̱ Ndios? ―káchí na xíꞌin ra.

San Juan 19:7

Ta ñii toon káꞌa̱n najudío, káchí na saá: ―Kómí ndi̱ nda̱yí ña káchí xíni̱ ñóꞌó kivi̱ ra, chi káꞌa̱n ra ndí mi̱i ra kúu Sa̱ꞌya Ndios ―káchí na xíꞌin ta̱Pilato.

San Juan 4:12

¿Án káꞌno ka̱ ndee̱ kómí ún no̱o̱ ndee̱ ña xi̱komí xi̱i̱ síkuá yó ta̱Jacob?, chi ta̱Jacob sa̱ndakoo ra pozo yóꞌo xa̱ꞌa̱ ndi̱, na kúu sa̱ꞌya ñani síkuá ra, chi ta̱yóꞌo xíꞌin sa̱ꞌya ra xi̱ꞌi na takuií pozo yóꞌo kui̱ya̱ xi̱na̱ꞌá, ta ñii ki̱ꞌva saá xi̱ꞌi kiti̱ sa̱na̱ ndiꞌi na ―káchí ñá xíꞌin ta̱Jesús.

San Juan 5:18

Ta saá nanáꞌno no̱o̱ najudío ni̱saa̱ ka̱ na, ta ndeé ka̱ ndúkú na kaꞌni na ta̱Jesús, chi xáni si̱ni̱ na ndí ni̱ki̱ꞌvi ra o̱vi̱ kua̱chi ndeé ní. Xáni si̱ni̱ na ndí ni̱yaꞌa ndoso ra nda̱yí xa̱ꞌa̱ ki̱vi̱ yi̱i̱, ta inka̱ kua̱chi ra kúu ña káꞌa̱n ra ndí Ndios kúu Yivá ra, ña kóni kachí ñii kúu ra xíꞌin Ndios.

San Juan 8:58

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Ña ndixa nda̱a̱ káꞌa̱n i̱ xíꞌin ndó ndí ki̱vi̱ o̱n ta̱ꞌán ka̱ kaku ta̱Abraham, xa yóo i̱ ta xa táku̱ i̱ ―káchí ra.

Romanos 9:5

Ta̱Abraham, ta̱Isaac xíꞌin ta̱Jacob, nayóꞌo kúu xi̱i̱ síkuá ndiꞌi ni̱vi na kúu nañoo i̱ naIsrael, ta saá tuku nata̱a yóꞌo kúu naxi̱i̱ síkuá Jesucristo, chi siꞌí ra kúu ñaꞌa̱ ñáñoo Israel. Ta mi̱i Jesucristo yóꞌo kúu ra Ndios ndinoꞌo, ta̱a ta̱káꞌno no̱o̱ ndiꞌi saá ña ku̱va̱ꞌa. Ta ndiꞌi saá ki̱vi̱ ña va̱xi va̱ꞌa ná kanóo síkón ñato̱ꞌó ra. Saá ná koo ña.