San Juan 7:10 - Alacatlatzala Mixtec New Testament

¹⁰ Ta nañani ta̱Jesús ke̱e na kua̱ꞌa̱n na viko̱ ña kána ñoo Jerusalén. Ta saá ni̱yaꞌa loꞌo ki̱vi̱, ta ke̱e ta̱Jesús kua̱ꞌa̱n seꞌé ra viko̱ yóꞌo, ña o̱n vása koni ni̱vi kua̱ꞌa̱n ra.

San Juan 7:10 Kruisverwysings

San Mateo 10:16

Ta tuku ni̱ka̱ꞌa̱n ta̱Jesús xíꞌin na, káchí ra saá: ―Tiꞌví i̱ ndóꞌó ko̱ꞌo̱n ndó ka̱ꞌa̱n ndoso ndó to̱ꞌon i̱ xíꞌin ni̱vi. Ta kasa kuenda ndó, chi nda̱tán ko̱ꞌo̱n ndikachi ma̱ꞌñó tíndiva̱ꞌyí saá ko̱ꞌo̱n ndó, chi yóo ní ni̱vi na máñá na kóni keꞌé ñandiva̱ꞌa xíꞌin ndó. Ta saá ndíchí ní koo ndó no̱o̱ na, ta kuu ndó ni̱vi nanda̱a̱ no̱o̱ na.

San Mateo 12:46

Tá káꞌa̱n ka̱ ta̱Jesús xíꞌin ni̱vi, ta saá ki̱xaa̱ siꞌí ra xíꞌin nañani ra, ta yíta na ke̱ꞌe no̱o̱ yóo ra, ta kóni na ka̱ꞌa̱n na xíꞌin ra.

San Mateo 3:15

Ta nda̱kuii̱n ta̱Jesús, káchí ra saá: ―Va̱ꞌa ka̱ sakuchu ún yi̱ꞌi̱ vitin, saá chi xíni̱ ñóꞌó kasa ndivi yó ndiꞌi ña xáꞌnda chiño Ndios ―káchí ta̱Jesús. Ta saá ni̱noo ini ta̱Juan, ta sa̱kuchu ra ta̱Jesús.

San Marcos 3:21

Tá xi̱ni̱ so̱ꞌo naveꞌe ra ñayóꞌo, ta ki̱xaa̱ na nakiꞌin na ra noꞌo̱ ra xíꞌin na veꞌe na, chi káchí na saá: ―Ta̱ sána ini kúu ra.

San Juan 11:54

Ta ña̱kán ta̱Jesús o̱n vása ní‑xika tívi ka̱ ra no̱o̱ ni̱vi, ta ke̱e ra ñoo estado Judea yóꞌo, ta ni̱xaa̱ ra ñii ñoo loꞌo na̱ní Efraín, ña nákaa̱ yatin no̱o̱ yóo yuku̱ yi̱chí. Ta ki̱ndo̱o ra yóꞌo xíꞌin naxíka xíꞌin ra.

San Juan 7:3

Ta nañani ta̱Jesús ki̱xaa̱ na no̱o̱ ra, ta ni̱ka̱ꞌa̱n na xíꞌin ra, káchí na saá: ―¿Án o̱n váꞌa sandakoo ún ñoo válí yóꞌo ta ko̱ꞌo̱n ún ñoo náꞌno ña ñóꞌo estado Judea?, chi ñoo kán kua̱ꞌa̱ ní ka̱ ni̱vi na ndíko̱n sa̱ta̱ ún kuchiño koto na milagro keꞌé ún.

San Juan 7:5

Nañani ra ni̱ka̱ꞌa̱n na saá xíꞌin ra chi o̱n ta̱ꞌán kandixa na ra.

San Juan 7:9

Ta saá ni̱ndo̱o ra ñoo estado Galilea.

Gálatas 4:4

Saá ni̱xi̱yo, ta ni̱to̱nda̱a ki̱vi̱ ña chi̱tóni̱ Ndios, ta saá ti̱ꞌví ra Sa̱ꞌya ra ki̱xi ra ñoyívi yóꞌo. Ta Sa̱ꞌya ra yóꞌo ka̱ku ra ti̱xin ñii ñaꞌa̱, ta ka̱ku ra ta xa̱ꞌno ra ti̱xin ndee̱ nda̱yí Ndios ña ni̱taa ta̱Moisés.