San Juan 6:43 - Alacatlatzala Mixtec New Testament

⁴³ Ta saá ni̱ka̱ꞌa̱n ta̱Jesús xíꞌin na: ―O̱n ka̱ꞌa̱n kuáchí ka̱ ndó to̱ꞌon o̱n váꞌa xa̱ꞌa̱ i̱ xíꞌin táꞌan ndó.

San Juan 6:43 Kruisverwysings

San Mateo 16:8

Ta ku̱nda̱a̱ ini ta̱Jesús yukía̱ ni̱ka̱ꞌa̱n xíꞌin táꞌan na, ta káchí ra saá xíꞌin na: ―Na o̱n vása kándixa kúu ndó. ¿Nda̱chun káꞌa̱n xíꞌin táꞌan ndó: “O̱n ko̱ó si̱ta̱ va̱ꞌa níꞌi yó”, káchí ndó?

San Marcos 9:33

Ta ki̱xaa̱ ta̱Jesús xíꞌin naxíka xíꞌin ra ñoo Capernaum. Ta yóo ta̱Jesús veꞌe, ta ni̱nda̱ka̱ to̱ꞌon ra na: ―¿Yukía̱ náa ndó xa̱ꞌa̱ va̱xi yó yichi̱?

San Juan 16:19

Ta ta̱Jesús xíni̱ ra ndí kóni na nda̱ka̱ to̱ꞌon na ra xa̱ꞌa̱ to̱ꞌon ña ni̱ka̱ꞌa̱n ra xíꞌin na, ta saá tuku ni̱ka̱ꞌa̱n ra, káchí ra xíꞌin na: ―¿Án kóni ndó kunda̱a̱ ini ndó yukía̱ káchí to̱ꞌon ña ni̱ka̱ꞌa̱n i̱ xíꞌin ndó ña káchí saá: “Saloꞌo ka̱ kuiti kúma̱ni̱ ta o̱n koni ka̱ ndó yi̱ꞌi̱, ta saá yaꞌa loꞌo kuiti ki̱vi̱ ta tuku koni ndó yi̱ꞌi̱”?

San Juan 6:42

Ta ki̱xáꞌá na káꞌa̱n na xíꞌin táꞌan na, káchí na saá: ―¿Án o̱n si̱ví ta̱yóꞌo kúu ta̱Jesús sa̱ꞌya ta̱José?, chi xíni̱ va̱ꞌa yó yivá ra, xíꞌin siꞌí ra. Ta saá, ¿nda̱chun káꞌa̱n ra ke̱e ra ñoyívi ni̱no no̱o̱ yóo Ndios? ―káchí na, káꞌa̱n na xíꞌin táꞌan na.

San Juan 6:44

Saá chi tá Yivá i̱ Ndios, ta̱a ta̱ ti̱ꞌví yi̱ꞌi̱ va̱xi i̱, o̱n vása chíkaa̱ ra ini ni̱vi ña kixaa̱ na no̱o̱ i̱ ña kundiko̱n na yi̱ꞌi̱, ta nda̱ ñii ni̱vi o̱n kuchiño keꞌé na saá. Ta tá kixaa̱ ki̱vi̱ sondíꞌí, ta ndixa yi̱ꞌi̱ sanataku̱ i̱ ndiꞌi ni̱vi yóꞌo, na kúu na ndíko̱n yi̱ꞌi̱.

San Juan 6:64

Ta saá ni, sava ndóꞌó o̱n vása kándixa ndó to̱ꞌon ña káꞌa̱n i̱ xíꞌin ndó ―káchí ta̱Jesús xíꞌin na. Chi nda̱ ki̱vi̱ no̱ó xa ku̱nda̱a̱ ini ta̱Jesús yu kuu ni̱vi na o̱n kandixa ñaꞌá, ta ku̱nda̱a̱ ini ra yu kuu ta̱a ta̱ ko̱ꞌo̱n si̱kó kuíꞌná ñaꞌá ndaꞌa̱ ni̱vi na sáa̱ ini xíni ñaꞌá.

Hebreos 4:13

Nda̱ ñii ña ki̱sa va̱ꞌa Ndios ñoyívi yóꞌo o̱n ki̱ví koo seꞌé ña no̱o̱ ra, chi va̱ꞌa xíto káxín ra ndiꞌi ña ku̱va̱ꞌa. Ndiꞌi ña yóo ñoyívi tívi káxín ña no̱o̱ ra, ta ñii ki̱vi̱ kuita yó no̱o̱ ra nataxi yó kuenda xa̱ꞌa̱ ndiꞌi ña ke̱ꞌé yó ñoyívi yóꞌo.