San Juan 6:24 - Alacatlatzala Mixtec New Testament

²⁴ Ta saá ku̱nda̱a̱ ini na o̱n ko̱ó ta̱Jesús ní‑kixaa̱, ni o̱n ko̱ó naxíka xíꞌin ra yóo ka̱ na yóꞌo, ta saá nani̱vi yóꞌo nda̱a na ini tón barco tón ki̱xi ñoo Tiberias, ta kua̱ꞌa̱n na ñoo Capernaum nandukú na ta̱Jesús.

San Juan 6:24 Kruisverwysings

San Mateo 14:34

Ni̱yaꞌa na mi̱ni ta ni̱xaa̱ na inka̱ xiiña, ta no̱o na tón barco ñoo Genesaret.

San Marcos 1:37

ta na̱níꞌi na ra, ta ni̱ka̱ꞌa̱n na saá xíꞌin ra: ―Kua̱ꞌa̱ ní ni̱vi nándukú na yóꞌó.

San Marcos 6:53

Ni̱yaꞌa na mi̱ni ta ni̱xaa̱ na inka̱ xiiña no̱o̱ yóo ñoo Genesaret no̱o̱ ka̱tón ndaa na tón barco.

San Lucas 8:40

Tá tuku ndi̱kó ta̱Jesús xíꞌin tón barco, ta na̱xaa̱ ra nda̱ yuꞌu̱ mi̱ni no̱o̱ ke̱e ra kua̱ꞌa̱n ra, ta kua̱ꞌa̱ ní ni̱vi kúsii̱ ní ini na na̱kutáꞌan na xíꞌin ra, chi ndáti na ndikó ra.

San Juan 20:15

Ta ni̱ka̱ꞌa̱n ra xíꞌin ñá, káchí ra saá: ―Nana, ¿nda̱chun xáku ún? ¿Yu kúu na nándukú ún? ―káchí ra xíꞌin ñá. Ta xáni si̱ni̱ ñá ta̱yóꞌo kúu ta̱a ta̱ ndáa jardín, ta ni̱ka̱ꞌa̱n ñá xíꞌin ra: ―Tata, ¿án yóꞌó kúu ta̱a ta̱ na̱kiꞌin yi̱kí ko̱ñu ta̱ ni̱ndu̱xu̱n yóꞌo?, ta ka̱ꞌa̱n ún xíꞌin i̱ míchí ni̱xa̱ꞌa̱n ún chi̱nóo ún ña, ta ko̱ꞌo̱n i̱ nakiꞌin i̱ ña ta sandúxu̱n i̱ ña ―káchí ñá xíꞌin ra.

San Juan 6:17

ta nda̱a na ini tón barco, ta kua̱ꞌa̱n na ñoo Capernaum. Ta xa naa kúu ña, ta ta̱Jesús o̱n ta̱ꞌán ndikó ra ki̱xaa̱ ra no̱o̱ na.

San Juan 6:23

Ta saá xi̱to na sava barco tón ki̱xi ñoo Tiberias ki̱xaa̱ nó yuꞌu̱ takuií mi̱ni yóꞌo. Ta ndiꞌi tón barco yóꞌo ki̱xaa̱ nó mi̱i xiiña yatin no̱o̱ xi̱xi na si̱ta̱ va̱ꞌa ña ta̱xi ta̱Jesús ndaꞌa̱ na, ki̱vi̱ siꞌna ni̱ka̱ꞌa̱n ra ta̱xi ra ña táxaꞌvi ñaꞌá ndaꞌa̱ Ndios.

San Juan 6:26

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Ta ndixa káꞌa̱n i̱ xíꞌin ndó o̱n si̱ví xa̱ꞌa̱ ña xi̱ni ndó milagro ña ke̱ꞌé i̱ no̱o̱ ndó kúu ña nándukú ndó yi̱ꞌi̱. Ta xa̱ꞌa̱ ña ta̱xi i̱ si̱ta̱ va̱ꞌa xi̱xi ndó a̱nda̱ ni̱xaa ini ndó kúu ña nándukú ndó yi̱ꞌi̱.

San Juan 6:59

Ta̱Jesús ni̱ka̱ꞌa̱n ra to̱ꞌon yóꞌo ki̱vi̱ yóo ra sánáꞌa ra ni̱vi veꞌe ño̱ꞌo sinagoga ñoo Capernaum.

San Juan 7:11

Ta najudío na ndóo viko̱ yóꞌo nándukú na ta̱Jesús, ta káꞌa̱n na xíꞌin táꞌan na, káchí na saá: ―¿Míkía̱ yóo ta̱Jesús? ―káchí na.