San Juan 2:5 - Alacatlatzala Mixtec New Testament

⁵ Ta saá ni̱ka̱ꞌa̱n ñá xíꞌin ni̱vi na kísa chiño no̱o̱ na káꞌa̱n viko̱ yóꞌo, káchí ñá saá xíꞌin na: ―Ndiꞌi ña kaꞌnda chiño sa̱ꞌya i̱ no̱o̱ ndó, va̱ꞌa kasa ndivi ndó ña ―káchí siꞌí ta̱Jesús xíꞌin na kísa chiño viko̱ yóꞌo.

San Juan 2:5 Kruisverwysings

San Mateo 12:46

Tá káꞌa̱n ka̱ ta̱Jesús xíꞌin ni̱vi, ta saá ki̱xaa̱ siꞌí ra xíꞌin nañani ra, ta yíta na ke̱ꞌe no̱o̱ yóo ra, ta kóni na ka̱ꞌa̱n na xíꞌin ra.

San Juan 15:14

Ta ndóꞌó, táná kasa ndivi ndó ña káꞌa̱n i̱ xíꞌin ndó, ta kuu ndó ni̱vi na nátaꞌan va̱ꞌa xíꞌin i̱.

Hechos 9:6

Ta saá ta̱Saulo ñii kísin ni̱no ra, ta yíꞌví ní ra, ta ni̱nda̱ka̱ to̱ꞌon ra, káchí ra saá: ―Tata, ¿yukía̱ kóni ún keꞌé i̱ vitin? ―káchí ra. Ta nda̱kuii̱n ta̱Jesús, káchí ra saá: ―Ta vitin nakundichi ún ta ko̱ꞌo̱n ún ki̱ꞌvi ún ñoo Damasco, ta saá tiꞌví i̱ ñii ta̱a xaa̱ ra ndato̱ꞌon ra xíꞌin ún xa̱ꞌa̱ ña xíni̱ ñóꞌó keꞌé ún ―káchí ta̱Jesús xíꞌin ta̱Saulo.

Hebreos 11:8

Ta ta̱Abraham, xa̱ꞌa̱ ña xi̱ndaa ini ra Ndios, chi̱kaa̱ so̱ꞌo ra to̱ꞌon ña ni̱ka̱ꞌa̱n Ndios xíꞌin ra ki̱vi̱ ka̱na ñaꞌá ra. Vará o̱n vása ní‑kunda̱a̱ ini ra mí ndixa kúu xiiña no̱o̱ ko̱ꞌo̱n ra, ta sa̱ndakoo ra ñoo mi̱i ra, ta kua̱ꞌa̱n ra nda̱ ni̱xaa̱ ra no̱o̱ ñoꞌo̱ no̱o̱ ki̱ndo̱o Ndios xíꞌin ra taxi ra ndaꞌa̱ ra ta ndaꞌa̱ nasa̱ꞌya ñani síkuá ra.

Hebreos 5:9

Ta xíꞌin ña ki̱sa ndivi ra ndiꞌi ña chi̱tóni̱ Ndios keꞌé ra, ni̱to̱nda̱a ra ni̱xi̱no̱ ra ndu̱u ra ñii ta̱a ndinoꞌo, ta mi̱i ra kúu ndee̱ ña sáka̱ku ndiꞌi ni̱vi na chíkaa̱ so̱ꞌo to̱ꞌon ña káꞌa̱n ra, ta saá ni̱vi yóꞌo kutaku̱ na xíꞌin Ndios ndiꞌi saá ki̱vi̱ ña va̱xi.