San Juan 2:3 - Alacatlatzala Mixtec New Testament

³ Tá yóo na viko̱ yóꞌo, ta saá ndi̱ꞌi nduta̱ vino tá xíꞌi ni̱vi, ta nda̱ loꞌo ka̱ rá o̱n ko̱ó. Ta saá ñáMaría siꞌí ta̱Jesús ni̱ka̱ꞌa̱n ñá xíꞌin ra, káchí ñá saá: ―Ndi̱ꞌi nda̱a̱ nduta̱ vino, ta o̱n ko̱ó ka̱ rá koꞌo ni̱vi na ki̱xaa̱ ―káchí ñá xíꞌin ta̱Jesús.

San Juan 2:3 Kruisverwysings

San Mateo 26:28

Chi nduta̱ yóꞌo kúu ni̱i̱ i̱ ña kui̱ta̱. Ta xíꞌin ñayóꞌo Ndios chindúꞌu̱ ra pacto xa̱á ña ka̱ꞌa̱n ndasaá ndoo ndiꞌi kua̱chi nani̱vi, ta saá kuchiño kundo̱o va̱ꞌa na xíꞌin ra ndiꞌi saá ki̱vi̱.

San Juan 11:3

Ta xa̱ꞌa̱ ña ndeé ndóꞌo ta̱Lázaro, náki̱ꞌva̱ ra ñáMaría xíꞌin ñáMarta ti̱ꞌví ná ñii ta̱ xíka chiño no̱o̱ ná, kua̱ꞌa̱n ra no̱o̱ ta̱Jesús, ña ka̱ꞌa̱n ra xíꞌin ra. Ta ni̱xaa̱ ra, ta káchí ra saá: ―Tata, vitin ndeé ní ndóꞌo ta̱a ta̱ kúu ta̱ kíꞌvi ini mi̱i ún xíni ún ―káchí ta̱yóꞌo xíꞌin ta̱Jesús.

San Juan 2:2

Ta ni̱vi na káꞌa̱n viko̱ yóꞌo xa ka̱na na ta̱Jesús xíꞌin naxíka xíꞌin ra ña koo na viko̱ yóꞌo. Ta saá ke̱e na kua̱ꞌa̱n na, ta ni̱xaa̱ na no̱o̱ yóo viko̱ tonda̱ꞌa̱.

San Juan 2:4

Ta nda̱kuii̱n ta̱Jesús, káchí ra saá xíꞌin siꞌí ra: ―¿Nda̱chun ndáto̱ꞌon ún tondíni yóꞌo xíꞌin i̱, nana?, chi o̱n ta̱ꞌán to̱nda̱a hora ña chi̱tóni̱ Ndios ña kasa ndivi i̱ chiño náꞌno ―káchí ta̱Jesús xíꞌin siꞌí ra.

Filipenses 4:6

O̱n vása sandiꞌi ndó ini ndó xa̱ꞌa̱ nda̱ ñii ñayo̱ꞌvi̱ ndóꞌo ndó, ta nda̱ víka̱, ndato̱ꞌon ndó xíꞌin Ndios xa̱ꞌa̱ ndiꞌi ñayo̱ꞌvi̱ ndóꞌo ndó ta ndato̱ꞌon ndó xíꞌin ra xa̱ꞌa̱ ndiꞌi ña sándiꞌi ini ndó, ta kuaku ndáꞌví ndó no̱o̱ ra xa̱ꞌa̱ ndiꞌi ña xíni̱ ñóꞌó ndó. Ta tuku taxi ndó ña táxaꞌvi ñaꞌá ndaꞌa̱ Ndios xa̱ꞌa̱ ñava̱ꞌa kéꞌé ra xíꞌin ndó.