San Juan 2:14 - Alacatlatzala Mixtec New Testament

¹⁴ Ki̱xaa̱ ra no̱o̱ yóo ke̱ꞌe yéꞌé veꞌe ño̱ꞌo káꞌno ñoo Jerusalén, ta yóꞌo xi̱ni ra ni̱vi na síkó tísi̱ndi̱ki̱, na síkó tíndikachi, xíꞌin na síkó tísa̱ta. Ta yóo inka̱ ni̱vi na sáma si̱ꞌún.

San Juan 2:14 Kruisverwysings

San Marcos 11:15

Ta ni̱xaa̱ na ñoo Jerusalén, ta ta̱Jesús ni̱ki̱ꞌvi ra ke̱ꞌe yéꞌé veꞌe ño̱ꞌo káꞌno, ta ki̱xáꞌá ra táva ra ndiꞌi na síkó xíꞌin na sáta ña kee na ko̱ꞌo̱n na. Ta sa̱ndiva ra mesa ni̱vi na sáma si̱ꞌún, ta xa̱ta ra táyi̱ na síkó tísa̱ta,

San Marcos 11:17

Ta ki̱xáꞌá ra sa̱náꞌa ra ni̱vi, káchí ra saá: ―Saá káchí to̱ꞌon Ndios ña ni̱taa na xi̱na̱ꞌá: “Veꞌe i̱ kunaní ña veꞌe no̱o̱ ko̱ꞌo̱n ndiꞌi ni̱vi ña ka̱ꞌa̱n na xíꞌin i̱”, káchí to̱ꞌon Ndios. Ta ndóꞌó, o̱n vása va̱ꞌa kéꞌé ndó, chi sa̱nduu ndó veꞌe yóꞌo ñii kavua̱ nakuíꞌná ―káchí ta̱Jesús xíꞌin na.

San Juan 2:15

Tá ta̱Jesús xi̱ni ra nayóꞌo, ta ki̱ꞌin ra ñii tu̱chu káni̱, ta ki̱sa va̱ꞌa ra ñii kuártá xíꞌin tu̱chu yóꞌo. Ta xíꞌin kuártá yóꞌo ki̱xáꞌá ra táva ra ndiꞌi ni̱vi na síkó yóꞌo, ta saá kama ke̱e ndiꞌi na kua̱ꞌa̱n na xíꞌin tíndikachi ta xíꞌin tísi̱ndi̱ki̱ síkó na. Ta ta̱Jesús sa̱ndiva ra mesa ni̱vi na sáma si̱ꞌún, ta ni̱xi̱ta̱ níꞌnó ndiꞌi si̱ꞌún na.