San Juan 19:11 - Alacatlatzala Mixtec New Testament

¹¹ Ta saá nda̱kuii̱n ta̱Jesús ni̱ka̱ꞌa̱n ra xíꞌin ta̱Pilato: ―Tá o̱n ko̱ó nda̱yí ña ta̱xi Ndios ndaꞌa̱ ún, ta o̱n ki̱ví kaꞌnda chiño ún no̱o̱ i̱. Ta saá ta̱a ta̱ na̱taxi yi̱ꞌi̱ ndaꞌa̱ ún kúu ta̱a ta̱ ndíso kua̱chi ndeé ní ka̱ no̱o̱ kua̱chi ña ndíso yóꞌó ―káchí ta̱Jesús xíꞌin ta̱Pilato.

San Juan 19:11 Kruisverwysings

San Mateo 26:65

Ta ta̱káꞌno no̱o̱ nasu̱tu̱ ndi̱ꞌi xi̱ni̱ so̱ꞌo ra ñayóꞌo, ta ni̱saa̱ ní ra, ta nda̱ta ra tiko̱to̱ mi̱i ra, ta ni̱ka̱ꞌa̱n ra: ―¡Ta̱yóꞌo kándiva̱ꞌa kini ra xíꞌin Ndios! O̱n vása xíni̱ ñóꞌó ka̱ yó inka̱ ni̱vi taxi na kua̱chi xa̱ꞌa̱ ra. Ndóꞌó xi̱ni̱ so̱ꞌo ndó ña o̱n váꞌa ni̱ka̱ꞌa̱n ra.

San Mateo 27:2

Ta saá ka̱tón na ra, ta kua̱ꞌa̱n ra xíꞌin na, ta ni̱xaa̱ na na̱taxi na ra ndaꞌa̱ ta̱gobernador Poncio Pilato.

San Mateo 6:13

Tá xóꞌvi̱ ndi̱ tondóꞌó, ta chindeé ún ndi̱ꞌi̱ ña o̱n ki̱ꞌvi ndi̱ kua̱chi, ta saka̱ku ún ndi̱ꞌi̱ no̱o̱ ndiꞌi ña o̱n váꞌa. Chi yóꞌó kúu ta̱ xáꞌnda chiño, yóꞌó kúu ta̱ kómí ndee̱, ta ndiꞌi ni̱vi kasa káꞌno na yóꞌó ndiꞌi saá ki̱vi̱ ña va̱xi. Saá ná koo ña. Saá ka̱ꞌa̱n ndó xíꞌin Ndios ―káchí ta̱Jesús xíꞌin na.

San Marcos 14:44

Ta ta̱Judas xa siꞌna ni̱ka̱ꞌa̱n ra xíꞌin na ndasaá nakoni na ta̱Jesús, káchí ra siꞌa: ―Ta̱a ta̱ chindeé i̱ xíꞌin ña chi̱to i̱ no̱o̱ kúu ta̱Jesús. Ta tiin ndó ra katón ndó ra ta ko̱ꞌo̱n ra xíꞌin ndó no̱o̱ nanáꞌno ―káchí ra xíꞌin na.

San Lucas 22:53

Ta yi̱ꞌi̱, ndiꞌi saá ki̱vi̱ ni̱xi̱yo i̱ sánáꞌa i̱ ni̱vi veꞌe ño̱ꞌo káꞌno, ta ni̱‑tiin ndó yi̱ꞌi̱. Ta vitin ni̱to̱nda̱a ki̱vi̱ Ndios taxi ra ña kasa ndivi ndó chiño ña kóni mi̱i ndó, ta ki̱vi̱ vitin kúu ña ndeé ka̱ xáꞌnda chiño ñandiva̱ꞌa no̱o̱ ñoyívi yóꞌo ―káchí ta̱Jesús xíꞌin na.

San Juan 18:13

Ta saá ni̱xa̱ꞌa̱n ra xíꞌin na no̱o̱ ñii ta̱su̱tu̱ káꞌno ta̱ na̱ní Anás, ta̱ kúu si̱so ta̱Caifás. Ta kui̱ya̱ yóꞌo ta̱Caifás kúu ta̱káꞌno no̱o̱ ndiꞌi nasu̱tu̱ ñoo Israel.

San Juan 18:3

Ta saá ta̱Judas ki̱xaa̱ ra yóꞌo, ta ñii tiꞌvi natropa xíꞌin napolicía na ndáa veꞌe ño̱ꞌo káꞌno ki̱xaa̱ na xíꞌin ra. Sava nafariseo xíꞌin sava nanáꞌno no̱o̱ nasu̱tu̱ ti̱ꞌví na napolicía yóꞌo ña tiin na ta̱Jesús. Sava nayóꞌo níꞌi na candil no̱o̱ xíxi̱ ñoꞌo̱, sava na níꞌi na yito̱n no̱o̱ kánóo ñoꞌo̱ ña xíxi̱, ta sava na níꞌi espada.

San Juan 19:10

Ta tuku ni̱nda̱ka̱ to̱ꞌon ta̱Pilato ra: ―¿Án o̱n xi̱in ún ndakuii̱n ún yuꞌu̱ i̱? ¿Án o̱n vása xíni̱ ún yi̱ꞌi̱ kómí i̱ nda̱yí ña saña i̱ yóꞌó ko̱ꞌo̱n ndíka̱ ún, ta kómí i̱ nda̱yí kaꞌni i̱ yóꞌó ndaꞌa̱ tón cruz? ―káchí ra xíꞌin ta̱Jesús.

San Juan 3:27

Ta nda̱kuii̱n ta̱Juan ni̱ka̱ꞌa̱n ra, káchí ra saá xíꞌin na: ―Nda̱ ñii ni̱vi o̱n ki̱ví kasa ndivi na chiño va̱ꞌa, tá o̱n si̱ví Ndios kúu ta̱ taxi nda̱yí xíꞌin ndee̱ ndaꞌa̱ na ña keꞌé na saá.

San Juan 7:30

Tá xi̱ni̱ so̱ꞌo na ña ni̱ka̱ꞌa̱n ra, ta ki̱xáꞌá na ndúkú ndeé na tiin na ra, ta nda̱ ñii ni̱vi ni̱‑kuchiño na to̱nda̱a na tiin na ra, chi o̱n ta̱ꞌán to̱nda̱a ki̱vi̱ ña chi̱tóni̱ Ndios.

San Juan 9:41

Ta nda̱kuii̱n ta̱Jesús, ni̱ka̱ꞌa̱n ra: ―Tá ndixa ndóꞌó kúu ndó ni̱vi nakuáá, níkúu, ta saá o̱n vása ndíso ndó kua̱chi xa̱ꞌa̱ ña o̱n vása xíto nduchu̱ no̱o̱ ndó. Ta ndóꞌó, vará káchí ndó ndí va̱ꞌa ní xíto nduchu̱ no̱o̱ ndó, ta o̱n xi̱in ndó koto ndó ñanda̱a̱, ni o̱n xi̱in ndó kandixa ndó ña. Ta xa̱ꞌa̱ ñayóꞌo, ndíso ka̱ ndó kua̱chi no̱o̱ Ndios ―káchí ta̱Jesús xíꞌin na.

Hechos 2:23

Ndios xa xi̱ni̱ ra yukía̱ kundoꞌo ta̱Jesús ñoyívi yóꞌo, ta nda̱tán chi̱tóni̱ Ndios, saá ku̱ndivi ña. Ta sava ndóꞌó, na kúu nañoo i̱ najudío ti̱in ndó ra, ta ni̱xa̱ꞌa̱n ndó, ta na̱taxi ndó ra ndaꞌa̱ ni̱vi na sáa̱ ini xíni ñaꞌá. Ta ñii yuꞌú ni̱xi̱yo ndó xíꞌin ni̱vi na o̱n váꞌa yóꞌo ña xa̱ꞌni na ra xíꞌin ña ka̱takaa̱ ndaa na ra ndaꞌa̱ tón cruz.

Hechos 3:13

Ta mi̱i Ndios ta̱a ta̱ ki̱sa to̱ꞌó naxi̱i̱ síkuá yó, na kúu ta̱Abraham, ta̱Isaac xíꞌin ta̱Jacob, mi̱i Ndios yóꞌo kúu ta̱a ta̱ chi̱nóo síkón ñato̱ꞌó Sa̱ꞌya ra ta̱Jesús, ta̱a ta̱ ki̱sa ndivi chiño ña ndáya̱ꞌví ní. Ta saá ni, sava ndóꞌó kúu ni̱vi na na̱taxi ta̱Jesús yóꞌo ndaꞌa̱ nachiño ñoo Roma ña kaꞌni na ra. Ta ki̱vi̱ ni̱xaa̱ ra no̱o̱ ta̱gobernador Pilato, ta ni̱ka̱ꞌa̱n ndó ña o̱n váꞌa xa̱ꞌa̱ ra. Vará ni̱ka̱ꞌa̱n ta̱Pilato ndí kóni ra saña ra ta̱Jesús ko̱ꞌo̱n ndíka̱ ra, ta ndóꞌó ni̱‑xiin ndó keꞌé ra saá.

Hechos 4:28

Ta saá nachiño náꞌno xíꞌin inka̱ nanáꞌno yóꞌo ki̱sa ndivi na nda̱tán yóo ña nda̱ xa siꞌna chi̱tóni̱ ún kundivi, Tata Yivá yó Ndios. Ta xíꞌin nda̱yí ún ku̱ndivi ndiꞌi ña ni̱xo̱ꞌvi̱ ní ta̱Jesús.

Romanos 11:36

Nda̱ loꞌo o̱n váꞌa chikaa̱ ini ni̱vi saá, chi Ndios kúu ta̱a ta̱ ki̱sa va̱ꞌa ndiꞌi ña yóo ñoyívi yóꞌo xíꞌin ndiꞌi ña yóo ñoyívi ni̱no. Saá chi xíꞌin ndee̱ Ndios xi̱koo ndiꞌi ña, ta ndiꞌi ña ku̱va̱ꞌa yóo ña xa̱ꞌa̱ ña kundivi ña kóni Ndios. ¡Ná kanóo síkón ñato̱ꞌó Ndios ndiꞌi saá ki̱vi̱ ña va̱xi! Saá ná koo.

Romanos 13:1

Ndiꞌi mi̱i yó xíni̱ ñóꞌó kasa ndivi yó ña káꞌa̱n nachiño na kúu na xáꞌnda chiño no̱o̱ yó. Saá chi ndiꞌi nda̱yí ña kómí nachiño xíꞌin inka̱ nanáꞌno na ndíso chiño xíꞌin yó, kúu nda̱yí ña ki̱xi no̱o̱ Ndios. Ta ndiꞌi nda̱yí ña kómí ni̱vi kúu ña chi̱ndúꞌu̱ Ndios.

Santiago 1:17

Chi ndiꞌi ña ndinoꞌo va̱ꞌa kómí yó ta nakiꞌin ka̱ yó, Yivá yó Ndios táxi si̱i̱ ra ña ndaꞌa̱ yó. Ta Ndios kúu ta̱a ta̱ ki̱sa va̱ꞌa ndiꞌi ña kúu ñoꞌo̱ yéꞌe ña yóo ñoyívi ni̱no. Ta mi̱i Ndios o̱n vása yóo ra nda̱tán yóo ña yéꞌe ki̱sa va̱ꞌa ra, saá chi ndásava yóo ña nákasi no̱o̱ ña yéꞌe yóꞌo, ta o̱n vása tívi ka̱ no̱o̱ ña ta nákoo ku̱nda̱ti̱. Ta Ndios, o̱n ko̱ó ña kúchiño nasama ñaꞌá, ta ni o̱n vása násama xíꞌin mi̱i ra.

Santiago 4:17

Koto va̱ꞌa ndó; tá xíni̱ ndó keꞌé ndó ñava̱ꞌa, ta o̱n vása kísa ndivi ndó ñava̱ꞌa yóꞌo, ta saá kómí ndó kua̱chi no̱o̱ Ndios.