San Juan 18:17 - Alacatlatzala Mixtec New Testament

¹⁷ Ta ñáñaꞌa̱ ñá ndáa yéꞌé yóꞌo ni̱nda̱ka̱ to̱ꞌon ñá ta̱Pedro, káchí ñá saá xíꞌin ra: ―¿Án o̱n si̱ví yóꞌó kúu ún ñii ta̱xíka xíꞌin ta̱a ta̱ ñíndichi kaa̱? ―káchí ñá. Ta nda̱kuii̱n ta̱Pedro: ―¡O̱n vása! O̱n si̱ví yi̱ꞌi̱ kúu ra ―káchí ra.

San Juan 18:17 Kruisverwysings

San Mateo 26:33

Ta ta̱Pedro nda̱kuii̱n ra, ni̱ka̱ꞌa̱n ra xíꞌin ta̱Jesús: ―Tata, tá ndiꞌi ni̱vi sandakoo na yóꞌó, ta yi̱ꞌi̱ o̱n sandakoo i̱ yóꞌó.

San Lucas 22:54

Ta saá ti̱in na ta̱Jesús, ta kua̱ꞌa̱n ra xíꞌin na, ni̱xaa̱ na veꞌe ta̱káꞌno no̱o̱ nasu̱tu̱. Ta ta̱Pedro ñii xíká ndíko̱n ra kua̱ꞌa̱n ra sa̱ta̱ ta̱Jesús a̱nda̱ ni̱xaa̱ ra veꞌe yóꞌo.

San Juan 18:16

Ta ta̱Pedro ni̱ndo̱o ra ñíndichi ra yatin yéꞌé. Ta saá ta̱táꞌan ra yóꞌo, ta̱xíka xíꞌin ta̱Jesús, ta̱ kúu ta̱ xíni̱ táꞌan xíꞌin ta̱su̱tu̱, ke̱ta ra ta ni̱ka̱ꞌa̱n ra xíꞌin ñáñaꞌa̱ ñá ndáa yéꞌé. Ta saá ta̱xi ñá ni̱ki̱ꞌvi ta̱Pedro.

San Juan 18:25

Ta yóo ta̱Simón Pedro no̱o̱ ke̱ꞌe veꞌe ta̱Anás, ñíndichi ra násaa̱ ra yatin no̱o̱ xíxi̱ ñoꞌo̱. Ta ñii ta̱a ni̱nda̱ka̱ to̱ꞌon ra ta̱Pedro, káchí ra saá: ―¿Án o̱n si̱ví yóꞌó kúu ñii ta̱xíka xíꞌin ta̱yóꞌo? ―káchí ra xíꞌin ta̱Pedro. Ta nda̱kuii̱n ta̱Pedro: ―¡O̱n vása! O̱n si̱ví yi̱ꞌi̱ kúu ra ―káchí ra.

San Juan 18:5

Ta nda̱kuii̱n na: ―Ndúkú ndi̱ ta̱Jesús, ta̱ñoo Nazaret ―káchí na. ―Yi̱ꞌi̱ Kúu i̱ ―káchí ta̱Jesús xíꞌin na. Ta ta̱Judas, ta̱ kúu ta̱ ni̱si̱kó kuíꞌná ta̱Jesús, ñíndichi ra xíꞌin na.

San Juan 18:8

―Xa ni̱ka̱ꞌa̱n i̱ xíꞌin ndó yi̱ꞌi̱ kúu ra ―káchí ta̱Jesús xíꞌin na. ―Tá yi̱ꞌi̱ kúu ta̱a ta̱ ndúkú ndó, ta saá taxi ndó ndí ni̱vi na yóo xíꞌin i̱ ná ko̱ꞌo̱n ndíka̱ na ―káchí ta̱Jesús xíꞌin na.

San Juan 21:15

Tá ndi̱ꞌi xi̱xi na, ta ta̱Jesús ni̱nda̱ka̱ to̱ꞌon ra ta̱Simón Pedro, káchí ra saá: ―Yóꞌó ta̱Simón, sa̱ꞌya ta̱Jonás, ¿án kíꞌvi ka̱ ini ún xíni ún yi̱ꞌi̱ no̱o̱ ña kíꞌvi ini nayóꞌo xíni na yi̱ꞌi̱? ―káchí ra. Ta nda̱kuii̱n ta̱Simón Pedro, káchí ra saá: ―Oon, Tata, Ta̱a ta̱Káꞌno no̱o̱ i̱ kúu ún, xíni̱ ún ndí kíꞌvi ini i̱ xíni i̱ yóꞌó ―káchí ra xíꞌin ta̱Jesús. Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Taxi ún ñava̱ꞌa ña xíni̱ ñóꞌó ña kixáꞌan tíndikachi válí sa̱na̱ i̱ ―káchí ra xíꞌin ta̱Simón Pedro.

Hechos 12:13

Ta ki̱xaa̱ ta̱Pedro veꞌe yóꞌo, ta ka̱na ra ni̱vi na veꞌe yóꞌo, ta ki̱xi ñii ñaꞌa̱ ñá na̱ní Rode, ñá kísa chiño no̱o̱ naveꞌe yóꞌo kúu ñá. Ki̱xi ñá koto ñá yu kúu na kána.