San Juan 13:12 - Alacatlatzala Mixtec New Testament

¹² Tá ndi̱ꞌi na̱kata ra xa̱ꞌa̱ naxíka xíꞌin ra, ta na̱kundixin ra tiko̱to̱ ra, ta tuku na̱koo ra no̱o̱ yóo tón mesa, no̱o̱ xíxi ra xíꞌin na. Ta saá ni̱nda̱ka̱ to̱ꞌon ra na, káchí ra saá xíꞌin na: ―¿Án kúnda̱a̱ ini ndó yukía̱ kóni kachí ñachiño ke̱ꞌé i̱ ña na̱kata i̱ xa̱ꞌa̱ ndó?

San Juan 13:12 Kruisverwysings

San Mateo 13:51

Ta ta̱Jesús ni̱nda̱ka̱ to̱ꞌon ra naxíka xíꞌin ra, káchí ra saá: ―¿Án kúnda̱a̱ ini ndó ndiꞌi ña ni̱ka̱ꞌa̱n i̱ xíꞌin ndó? ―Kúnda̱a̱ va̱ꞌa ini ndi̱, Tata ―káchí na.

San Marcos 4:13

Ta saá ta̱Jesús ni̱ka̱ꞌa̱n ra xíꞌin na: ―¿Án o̱n vása kúnda̱a̱ ini ndó yukía̱ káchí cuento yóꞌo? Tá o̱n vása kúnda̱a̱ ini ndó ñayóꞌo, ta, ¿ndasaá kunda̱a̱ ini ndó inka̱ cuento ña ndato̱ꞌon i̱ xíꞌin ndó?

San Lucas 22:27

Ta saá ni̱nda̱ka̱ to̱ꞌon ta̱Jesús naxíka xíꞌin ra: ―¿Yukía̱ káchí ndó? ¿Yu kúu ta̱káꞌno ka̱, án ta̱a ta̱ xíxi no̱o̱ mesa, án ta̱a ta̱ kísa chiño no̱o̱ ta̱ xíxi? ¿Án o̱n ndixa ta̱káꞌno ka̱ kúu ta̱ xíxi no̱o̱ mesa? Ta yi̱ꞌi̱, vará ta̱Káꞌno no̱o̱ ndó kúu i̱, ta nda̱tán kéꞌé ta̱ kísa chiño no̱o̱ ndó, saá kéꞌé i̱ xíꞌin ndó.

San Juan 13:4

Ta saá na̱kundichi ra ta ta̱va ra tiko̱to̱ káni̱ ña kánóo sa̱ta̱ tiko̱to̱ ndíxin ra, ta chi̱nóo va̱ꞌa ra ña ñii xiiña, ta saá ka̱tón ra ñii toalla to̱ko̱ ra.

San Juan 13:7

Ta nda̱kuii̱n ta̱Jesús, ni̱ka̱ꞌa̱n ra: ―Vitin o̱n vása kúnda̱a̱ ini ún yukía̱ kóni kachí ña kéꞌé i̱ yóꞌo, ta ñii ki̱vi̱ va̱xi kunda̱a̱ va̱ꞌa ini ún xa̱ꞌa̱ ñayóꞌo ―káchí ta̱Jesús xíꞌin ta̱Pedro.