San Juan 11:5 - Alacatlatzala Mixtec New Testament

⁵ Ta ta̱Jesús kíꞌvi ní ini ra xíni ra ñáMarta xíꞌin ki̱ꞌvi̱ ñá ñáMaría, xíꞌin ki̱ꞌva̱ ná ta̱Lázaro.

San Juan 11:5 Kruisverwysings

San Lucas 10:38

Kua̱ꞌa̱n ta̱Jesús xíꞌin naxíka xíꞌin ra, ta ni̱xaa̱ na ñii ñoo loꞌo. Ta ñii ñaꞌa̱ na̱ní ñá Marta na̱kiꞌin ñá na, ta ni̱ki̱ꞌvi na ini veꞌe ñá.

San Lucas 10:40

Ta ñáMarta ndíꞌi ní ini ñá chi yóo kua̱ꞌa̱ ní chiño kasa ndivi ñá. Ta ki̱xaa̱ ñá no̱o̱ ta̱Jesús, ta ni̱ka̱ꞌa̱n ñá xíꞌin ra: ―Tata, ¿án o̱n vása ndíꞌi ini ún, chi ñii la̱á mi̱i i̱ kísa chiño i̱? Chi ki̱ꞌvi̱ i̱ sa̱ndakoo ñá ndiꞌi chiño, ta kóni i̱ ña ka̱ꞌa̱n ún xíꞌin ñá ná chindeé ñá yi̱ꞌi̱ ―káchí ñá xíꞌin ta̱Jesús.

San Lucas 10:41

Ta nda̱kuii̱n ra: ―Nana, ndíꞌi ní ini ún chi yóo kua̱ꞌa̱ ní chiño.

San Juan 11:1

Ta ñoo Betania yóo ñii ta̱a na̱ní ra Lázaro, ta ndeé ní ndóꞌo ra. Ta mi̱i ñoo yóꞌo táku̱ ñáMaría xíꞌin ñáMarta, ná kúu ki̱ꞌva̱ ra.

San Juan 11:3

Ta xa̱ꞌa̱ ña ndeé ndóꞌo ta̱Lázaro, náki̱ꞌva̱ ra ñáMaría xíꞌin ñáMarta ti̱ꞌví ná ñii ta̱ xíka chiño no̱o̱ ná, kua̱ꞌa̱n ra no̱o̱ ta̱Jesús, ña ka̱ꞌa̱n ra xíꞌin ra. Ta ni̱xaa̱ ra, ta káchí ra saá: ―Tata, vitin ndeé ní ndóꞌo ta̱a ta̱ kúu ta̱ kíꞌvi ini mi̱i ún xíni ún ―káchí ta̱yóꞌo xíꞌin ta̱Jesús.

San Juan 11:36

Ta sava najudío na ndóo yóꞌo, ni̱ka̱ꞌa̱n xíꞌin táꞌan na, káchí na saá: ―Koto ndó, ndeé ní kíꞌvi ini ra xi̱ni ra ta̱a ta̱ ni̱xiꞌi̱ ―káchí na, káꞌa̱n na.

San Juan 11:6

Ta ki̱vi̱ xi̱ni̱ so̱ꞌo ra ndí ndeé ní ndóꞌo ta̱Lázaro, ta saá ni, ki̱ndo̱o ka̱ ra o̱vi̱ ka̱ ki̱vi̱ no̱o̱ yóo ra.

San Juan 11:8

Ta naxíka xíꞌin ra ni̱ka̱ꞌa̱n na, káchí na saá: ―Tata Rabí, sa̱kán loꞌo ki̱vi̱ ni̱yaꞌa, nanáꞌno no̱o̱ najudío na ndóo ñoo estado Judea, saloꞌo kuiti, ta kaꞌni na yóꞌó xíꞌin yu̱u̱, níkúu. ¿Nda̱chun kóni ún ndikó tuku yó ñoo yóꞌo? ―káchí na.

San Juan 16:27

chi ndixa mi̱i Ndios kíꞌvi ní ini ra xíni ra ndóꞌó. Saá chi ndóꞌó kíꞌvi ní ini ndó xíni ndó yi̱ꞌi̱, ta kándixa ndó yi̱ꞌi̱ ki̱xi i̱ no̱o̱ Ndios.

San Juan 17:26

Xa sa̱náꞌa i̱ nayóꞌo ndiꞌi ña kúu ña xíni̱ ñóꞌó kunda̱a̱ ini na xa̱ꞌa̱ ún, ta o̱n vása sandakoo i̱ ña sanáꞌa i̱ na ndiꞌi ña xíni̱ ñóꞌó kunda̱a̱ ini na xa̱ꞌa̱ ún. Ta xa̱ꞌa̱ ñayóꞌo nda̱tán ñii ki̱ꞌva kíꞌvi ini ún xíni ún yi̱ꞌi̱, ñii ki̱ꞌva saá kukiꞌvi ini na koni táꞌan na. Ta saá tuku yi̱ꞌi̱ kutaku̱ i̱ ini na ―káchí ta̱Jesús xíꞌin Ndios.