San Juan 11:11 - Alacatlatzala Mixtec New Testament

¹¹ Ta saá ni̱ka̱ꞌa̱n ka̱ ra xíꞌin na, káchí ra saá: ―Ta̱a ta̱migo yó ta̱Lázaro kísi̱n ra vitin, ta ko̱ꞌo̱n i̱ ña sanakáxín i̱ ini ra.

San Juan 11:11 Kruisverwysings

San Mateo 27:52

Ta ni̱xo̱na̱ no̱o̱ ñóꞌo na ni̱xiꞌi̱, ta na̱taku̱ kua̱ꞌa̱ ní ni̱vi na xi̱kuu na ka̱ndixa Ndios.

San Mateo 9:24

Ta ni̱ka̱ꞌa̱n ra xíꞌin na: ―Kua̱ꞌa̱n ndiꞌi ndó keꞌé. Ñáloꞌo yóꞌo o̱n vása ní‑xiꞌi̱ ñá, ñá kísi̱n kuiti kúu ñá ―káchí ra. Ta saá ku̱siki na ta̱Jesús ta ni̱xaku̱ ndaa na ra.

San Marcos 5:39

Ta ni̱ki̱ꞌvi ta̱Jesús ini veꞌe, ta ni̱ka̱ꞌa̱n ra xíꞌin na: ―¿Nda̱chun xáku ní ndó? Ñáloꞌo yóꞌo o̱n vása ní‑xiꞌi̱ ñá, ñá kísi̱n kuiti kúu ñá ―káchí ra.

San Juan 11:10

Ta ta̱a ta̱ xíka ñoó naa, ta̱yóꞌo káchiꞌi xa̱ꞌa̱ ra kua̱ꞌa̱ ní ña̱ꞌa, chi o̱n ko̱ó ño̱ꞌo yeꞌe yichi̱ no̱o̱ kua̱ꞌa̱n ra ―káchí ta̱Jesús xíꞌin naxíka xíꞌin ra.

San Juan 11:12

Ta saá nda̱kuii̱n naxíka xíꞌin ra, ni̱ka̱ꞌa̱n na: ―Tata, tá ta̱ kísi̱n kúu ra, ta saá kúnda̱a̱ ini yó ndí ta̱ xa kua̱ꞌa̱n nduva̱ꞌa kúu ra ―káchí na.

San Juan 11:13

Nayóꞌo o̱n vása kúnda̱a̱ ini na ña káꞌa̱n ta̱Jesús, chi kóni kachí ra ni̱xiꞌi̱ ta̱Lázaro, ta nayóꞌo xáni si̱ni̱ na ndasaá kuiti kísi̱n ta̱Lázaro.

San Juan 11:3

Ta xa̱ꞌa̱ ña ndeé ndóꞌo ta̱Lázaro, náki̱ꞌva̱ ra ñáMaría xíꞌin ñáMarta ti̱ꞌví ná ñii ta̱ xíka chiño no̱o̱ ná, kua̱ꞌa̱n ra no̱o̱ ta̱Jesús, ña ka̱ꞌa̱n ra xíꞌin ra. Ta ni̱xaa̱ ra, ta káchí ra saá: ―Tata, vitin ndeé ní ndóꞌo ta̱a ta̱ kúu ta̱ kíꞌvi ini mi̱i ún xíni ún ―káchí ta̱yóꞌo xíꞌin ta̱Jesús.

San Juan 3:29

Ta vitin nda̱tán yóo ñii ta̱a ta̱ xa yóo tiꞌva nakiꞌin ra ñii ñaꞌa̱ ñá kuu ñásíꞌí ra, saá yóo Cristo. Ta yi̱ꞌi̱ nda̱tán yóo ta̱migo ta̱a ta̱ tonda̱ꞌa̱ yóꞌo, saá yóo i̱, chi ta̱migo ra kúsii̱ ní ini ra ña xíni̱ so̱ꞌo ra to̱ꞌon ña káꞌa̱n ta̱a ta̱ tonda̱ꞌa̱ yóꞌo. Ta ñii ki̱ꞌva saá chútú ñasi̱i̱ ini i̱ vitin, chi xa ki̱xaa̱ Cristo ta xíni̱ so̱ꞌo i̱ to̱ꞌon ra.

Hechos 7:60

Ta saá xi̱kuxítí ra ta xíꞌin ndiꞌi ndee̱ ra ni̱ka̱ꞌa̱n ra: ―Tata Jesús, vitin ná kasa káꞌno ini ún xa̱ꞌa̱ ña o̱n váꞌa yóꞌo ña kéꞌé na xíꞌin i̱ ―káchí ra. Tá ndi̱ꞌi ni̱ka̱ꞌa̱n ra to̱ꞌon yóꞌo, ta saá ni̱xiꞌi̱ ra.

1 Corintios 15:18

Tá o̱n vása ní‑nataku̱ Jesucristo, níkúu, ta ñayóꞌo kóni kachí ña ndí ni̱vi na kándixa ra tá ni̱xiꞌi̱ nayóꞌo, ta nda̱ ñii ki̱vi̱ o̱n nataku̱ na, ta ndiꞌi xa̱ꞌa̱ nayóꞌo, níkúu.

1 Corintios 15:34

Ta vitin siꞌna vivíi kani si̱ni̱ ndó, ta nandikó ini ndó, ta o̱n keꞌé ka̱ ndó ña o̱n váꞌa, ta tuku kundiko̱n ndó yichi̱ va̱ꞌa. Yóo sava ndóꞌó na o̱n ta̱ꞌán kunda̱a̱ va̱ꞌa ini xa̱ꞌa̱ Ndios, ta xa̱ꞌa̱ ña loꞌo ní xíni̱ ndó Ndios, va̱ꞌa ná kukaꞌan no̱o̱ ndó.

1 Corintios 15:51

Vitin ndáto̱ꞌon i̱ xíꞌin ndó xa̱ꞌa̱ ñii ña chi̱tóni̱ Ndios ta siꞌna chi̱kaa̱ seꞌé ra ña no̱o̱ ni̱vi, ta vitin ta̱xi ra ña kúnda̱a̱ ini yó ndí ndiꞌi mi̱i yó ni̱vi na kándixa Jesucristo o̱n kivi̱ ndiꞌi yó ñii ki̱vi̱ ña va̱xi. Ta saá ni, ndiꞌi saá yi̱kí ko̱ñu mi̱i yó ndixa nasama ña, chi ñii ñii yó nakiꞌin yó yi̱kí ko̱ñu xa̱á.

Efesios 5:14

Ta xa̱ꞌa̱ ñayóꞌo, yóo ñii to̱ꞌon ndíchí ña xa xíni̱ yó ña káchí saá: Nakáxín ini ndóꞌó, ni̱vi na kísi̱n; nakuita ndóꞌó, ni̱vi na yóo nda̱tán yóo ni̱vi na ni̱xiꞌi̱. Koo tiꞌva ndó, ta ñoꞌo̱ ña yéꞌe ña káku ini Jesucristo nayeꞌe ña ini ndó, saá káchí to̱ꞌon ndíchí ña xa xíni̱ yó.

1 Tesalonicenses 5:10

Jesucristo ni̱xiꞌi̱ ra xa̱ꞌa̱ kua̱chi yó. Ta saá ndiꞌi mi̱i yó, ni̱vi na kándixa ñaꞌá, ndixa kutaku̱ yó xíꞌin ra ndiꞌi saá ki̱vi̱ ña va̱xi. Ta saá tá táku̱ ka̱ yó ki̱vi̱ ndikó Jesucristo, án xa ni̱xiꞌi̱ yó, ta ndixa kutaku̱ yó xíꞌin ra ndiꞌi saá ki̱vi̱ ña va̱xi.

Santiago 2:23

Ta saá ku̱ndivi ña ni̱ka̱ꞌa̱n to̱ꞌon Ndios ña káchí: “Ta̱Abraham ka̱ndixa ra Ndios, ta xa̱ꞌa̱ ñayóꞌo, Ndios ni̱ka̱ꞌa̱n ra ndí ta̱Abraham kúu ta̱a ta̱ ndii ta̱ o̱n ko̱ó kua̱chi ndíso no̱o̱ ra”, káchí to̱ꞌon Ndios. Ta xa̱ꞌa̱ ña ki̱sa ndivi ra ñayóꞌo, ni̱ka̱ꞌa̱n ni̱vi saá: “Ta̱Abraham kúu ta̱a ta̱ nátaꞌan va̱ꞌa xíꞌin Ndios.”