San Juan 1:24 - Alacatlatzala Mixtec New Testament

²⁴ Ta sava na ki̱xaa̱ no̱o̱ ta̱Juan yóꞌo kúu na nafariseo,

San Juan 1:24 Kruisverwysings

San Mateo 23:26

¡Ndóꞌó nafariseo nakuáá kúu ndó! Siꞌna xíni̱ ñóꞌó ndasa ndii ndó níma̱ ndó, ta saá ndundii ndiꞌi mi̱i ndó no̱o̱ Ndios.

San Lucas 11:53

Tá káꞌa̱n ta̱Jesús xíꞌin na, ta nafariseo xíꞌin inka̱ na sánáꞌa nda̱yí Ndios, ni̱saa̱ ní na, ta ki̱xáꞌá na sándiꞌi ní na ra xíꞌin to̱ꞌon,

San Lucas 16:14

Tá xi̱ni̱ so̱ꞌo nafariseo to̱ꞌon yóꞌo, ta ni̱xaku̱ ndaa na ta̱Jesús, chi kútoo ní na si̱ꞌún.

San Lucas 7:30

Ta nafariseo xíꞌin inka̱ namaestro na xíni̱ va̱ꞌa nda̱yí Ndios ña ni̱taa ta̱Moisés, ni̱‑xiin na nakiꞌin na ñava̱ꞌa ña chi̱tóni̱ Ndios xa̱ꞌa̱ na, chi ni̱‑xiin na taxi na sakuchu ta̱Juan na.

San Juan 1:23

Ta ni̱ka̱ꞌa̱n ta̱Juan xíꞌin na, káchí ra saá: ―Yi̱ꞌi̱ kúu ta̱a ta̱ ni̱ka̱ꞌa̱n ta̱profeta Isaías xa̱ꞌa̱, chi kui̱ya̱ xi̱na̱ꞌá ta̱profeta Isaías yóꞌo ni̱taa ra to̱ꞌon Ndios ña káchí saá: Ñii ki̱vi̱ no̱o̱ yóo yuku̱ yi̱chí koo ñii ta̱a, ta ndeé ní ka̱ꞌa̱n ndoso ra no̱o̱ ni̱vi, kachí ra saá: “Nda̱tán yóo ña ndasa nda̱kú ni̱vi yichi̱, ta nakuiná na yichi̱ yóꞌo no̱o̱ ña kixaa̱ ta̱káꞌno, ta ñii ki̱ꞌva saá xíni̱ ñóꞌó nakuiná ndó ini ndó ña koo tiꞌva ndó nakiꞌin ndó Ta̱a ta̱Káꞌno no̱o̱ yó”, káchí to̱ꞌon Ndios ña ni̱taa ta̱Isaías kui̱ya̱ xi̱na̱ꞌá ―káchí ta̱Juan xíꞌin na.

San Juan 1:25

ta nafariseo yóꞌo ni̱nda̱ka̱ to̱ꞌon na ta̱Juan, káchí na saá: ―Tá o̱n si̱ví Cristo kúu ún, ta ni o̱n si̱ví ta̱Elías kúu ún, ta ni o̱n si̱ví inka̱ ta̱profeta káꞌno kúu ún, ta saá, ¿nda̱chun sákuchu ún ni̱vi? ―káchí na xíꞌin ra.

Hechos 23:8

O̱n vása yóo ñii yuꞌú ka̱ na, chi nasaduceo kándixa na ndí ni̱vi na ni̱xiꞌi̱ o̱n nataku̱ ka̱ nayóꞌo, ta kándixa na ndí o̱n ko̱ó níma̱ kómí ni̱vi, ni o̱n ko̱ó naángel, ni o̱n ko̱ó inka̱ no̱o̱ níma̱. Ta nafariseo kándixa na ndí yóo níma̱ ni̱vi, ta yóo naángel, ta yóo inka̱ no̱o̱ níma̱, ta kándixa na ndí ni̱vi na ni̱xiꞌi̱ nataku̱ nayóꞌo.

Hechos 26:5

Ta najudío yóꞌo kúnda̱a̱ káxín ini na ndí yi̱ꞌi̱ xi̱kuu i̱ ñii ta̱fariseo, ta xi̱kuu i̱ ta̱a ta̱ xi̱ndiko̱n ndinoꞌo ní yichi̱ nafariseo, vará yichi̱ yóꞌo kúu ña yo̱ꞌvi̱ ní ka̱ no̱o̱ ndiꞌi yichi̱ najudío. Ta tá kóni ví najudío yóꞌo, ta kivi ndakuii̱n na kasa nda̱a̱ na ndí ndixa xi̱taku̱ i̱ saá.