San Juan 1:23 - Alacatlatzala Mixtec New Testament

²³ Ta ni̱ka̱ꞌa̱n ta̱Juan xíꞌin na, káchí ra saá: ―Yi̱ꞌi̱ kúu ta̱a ta̱ ni̱ka̱ꞌa̱n ta̱profeta Isaías xa̱ꞌa̱, chi kui̱ya̱ xi̱na̱ꞌá ta̱profeta Isaías yóꞌo ni̱taa ra to̱ꞌon Ndios ña káchí saá: Ñii ki̱vi̱ no̱o̱ yóo yuku̱ yi̱chí koo ñii ta̱a, ta ndeé ní ka̱ꞌa̱n ndoso ra no̱o̱ ni̱vi, kachí ra saá: “Nda̱tán yóo ña ndasa nda̱kú ni̱vi yichi̱, ta nakuiná na yichi̱ yóꞌo no̱o̱ ña kixaa̱ ta̱káꞌno, ta ñii ki̱ꞌva saá xíni̱ ñóꞌó nakuiná ndó ini ndó ña koo tiꞌva ndó nakiꞌin ndó Ta̱a ta̱Káꞌno no̱o̱ yó”, káchí to̱ꞌon Ndios ña ni̱taa ta̱Isaías kui̱ya̱ xi̱na̱ꞌá ―káchí ta̱Juan xíꞌin na.

San Juan 1:23 Kruisverwysings

San Mateo 3:3

Xa̱ꞌa̱ ta̱Juan yóꞌo ni̱taa ta̱profeta Isaías xi̱na̱ꞌá, ka̱chí ra saá: Ta no̱o̱ yóo yuku̱ yi̱chí ko̱ꞌo̱n ra ka̱ꞌa̱n ndoso ra, kachí ra saá: “Ná koo tiꞌva ini ndó, saá chi ya̱chi̱ kixaa̱ mi̱i ta̱Káꞌno no̱o̱ yó; kindaa ndó ña o̱n váꞌa sási no̱o̱ ndó, ta saá va̱ꞌa kuchiño nakiꞌin ndó ra”, kachí ta̱a ta̱ koo yuku̱ yi̱chí, saá káchí to̱ꞌon Ndios ña ni̱taa ta̱Isaías xi̱na̱ꞌá.

San Marcos 1:3

Ta no̱o̱ yóo yuku̱ yi̱chí ko̱ꞌo̱n ra ka̱ꞌa̱n ndoso ra, kachí ra saá: “Ná koo tiꞌva ini ndó, saá chi ya̱chi̱ kixaa̱ mi̱i ta̱Káꞌno no̱o̱ yó; kindaa ndó ña o̱n váꞌa sási no̱o̱ ndó, ta saá va̱ꞌa kuchiño nakiꞌin ndó ra”, kachí ta̱a ta̱ koo yuku̱ yi̱chí, ka̱chí ta̱Isaías xi̱na̱ꞌá.

San Juan 1:22

Ta saá ni̱ka̱ꞌa̱n ka̱ na xíꞌin ra, káchí na saá: ―Va̱ꞌa ka̱ꞌa̱n ún xíꞌin ndi̱ yu kúu ún, chi xíni̱ ñóꞌó ndikó ndi̱ ta ndato̱ꞌon ndi̱ xíꞌin ni̱vi na ti̱ꞌví ndi̱ va̱xi ndi̱. Ta vitin ka̱ꞌa̱n ún xíꞌin ndi̱ ndixa yu kúu ún.

San Juan 1:24

Ta sava na ki̱xaa̱ no̱o̱ ta̱Juan yóꞌo kúu na nafariseo,

San Juan 3:28

Xa xi̱ni̱ so̱ꞌo ndó ña ni̱ka̱ꞌa̱n i̱ xíꞌin ndó: “O̱n si̱ví yi̱ꞌi̱ kúu Cristo, ta̱a ta̱ ti̱ꞌví Ndios saka̱ku ni̱vi. Ta yi̱ꞌi̱ ndasaá kuiti kúu i̱ ta̱a ta̱ ti̱ꞌví Ndios va̱xi siꞌna no̱o̱ Cristo ña chindeé i̱ ni̱vi koo tiꞌva na xa̱ꞌa̱ ña kixaa̱ ra”, saá ni̱ka̱ꞌa̱n i̱ xíꞌin ndó.